大肚dum要清胎毒

個肚已經大到.....好攰！
老公成日話我好辛苦，我就會答老公，呢家先開始辛苦，Dabi已經係好錫我既表現。

而呢兩個星期，係我個肚超辛苦既時期，因為我個肚好痕，亦係妊娠紋初現啦～
主要並唔係因為妊娠紋出現，我又好能夠接受，只係少少已經好好架啦。不過個肚痕就真係點都解決唔到，佢係成個肚都係紅色既小粒粒，以為自己敏感定出疹，但睇醫生就話唔係，只係hormone既反應，加上呢排天氣乾燥得好緊要，你個肚又不停咁脹大，所以你會好痕，都係好正常。

佢已經比左唔同既cream我搽，就連藥都有開比我食，但我就係偏偏所有方法都用過，都係無用，個肚依然係好痕好痕。
特別係每晚既沖完涼之後，老公就會見到我狂'R'。

去左產前講座問個姑娘，佢話另一角度係叫胎毒，同診所既姑娘講既一樣，所以我就呢排勁密咁...
清胎毒
呢家無論係西瓜、涼粉、白蓮鬚、龜苓膏我都唔放過。

今日同老公既朋友去左披薩客食野，之後仲去左松記，即刻叫左個涼粉涼一涼...

痕痕痕...請離我而去吧！