蔡媽咪倩影＠35wk2d

本應放工想返屋企，點知差唔多放工之際，響其中一個blogger分享中，見到一條買比babe既毛巾，其實一直我都搵唔到買邊隻毛巾比Dabi好，好多人買Minimoto個一款，但著實我摸過又唔覺得佢好滑，岩babe沖涼用，所以一直遲遲都唔肯買。
同亞妹傾下傾下，佢話不如去千色店試下，睇下有無呢一款，又好喎！
佢仲陪我行過去，開心屎！
結果當然不預眾望，我覺得無論質料上，定係價錢上都比minimoto好，再問埋tintin，佢都話唔駛買面巾，只係要大毛巾。
打包3條返屋企，開心曬！

點知同亞妹諗住去坐車之際，我地去左睇一間BB衫，當然係比較貴既。
但見到一套好靚，好岩我同老公既心水，個sales又好好，比我用電話email張相比我老公，結果我地就揀左呢條衫仔返屋企，比Dabi出院用啦～
加埋兩隻蝗虫話要送野比我同Dabi，再買多個睡袋，埋單價肉都赤埋咁走人～

返到屋企，自從影完大肚相之後，好似影相意欲大減咁，咁又點得呢？
都要同Dabi記錄低佢既成長過程嘛！
嘩，個肚好似大左咁多既？！

就係呢3條毛巾啦，希望你沖涼仔既時候CC服服啦，寶貝仔！