自家製大肚相第二回

國慶咁大件事，我地梗係...........
走左出去影相啦!!

自從有左之後，老公又忙左好多，我地真係少左好多機會攞住部機周圍走。
但老公眼見我開始見肚(哈，黎到8個幾月先覺眼少少)，今日又係難得既公假，佢就話不如同我去影返輯大肚相。
明顯地，我梗係lur飯應。

講真，本應都無乜idea去邊影，但見大家都未去過迪迪湖(係，只係去過迪迪尼)，所以就揀左去個度。
當然，如果有渣車既朋友仔知道，個度真係超少車位(網上稱為Q版停車場)，如果你地都係渣車既一份子，我地會建議你唔好渣，真係等到傻！
我地等左一個鐘，睇住個太陽慢慢咁落，去到見唔到太陽既時候(差唔多5點)，我地岩岩有位。
火速咁攞曬架餐，影相。

我諗我有一股訓草地癮，無論pre-wedding定係呢家同老公去影相，都會想訓響草地影。
不過老公又真係影到，好靚wor....

一去到，都唔理個度有乜，就擺低腳架影左先。
點解今日個肚又好似唔算好大咁既呢？唔通呢個真係肚腩，人地就可升可跌，我就可大可細？

見到好多人響到影pre-wedding，我地又影先～

行下行下，本應諗住搵草地，見到呢個湖景，都唔錯呀！
不停自拍既兩公婆....

多謝老公，真係每一次我都覺得你影得好有feel....

我話想影訓低，咁都比你諗到，我真係未見過。
勁！

帶埋道具去，就聽到身邊有其他人講：「早知我都帶埋公仔黎影啦！」

有埋道具岩曬我地兩個低能仔，影得超開心；四周圍既人係咁望住呢兩個人笑。

我地呢兩個快將為人父母既，點解仲可以咁低能既呢？
Dabi，你出世唔好笑我地喎，我們仨都係大細路！

有著老公陪我癲，就算途人點樣笑我地響腳架同影相點跑黎跑去，我地就好似得我們仨響我地既世界入面，超開心。

今次最欣賞最欣賞之作....

明明籮咁大個肚都話要趴草地，你估仲係pre-wedding咩？結果，訓左幾張，唔得，Dabi叫我起身。

影到曲終人散，掂曬。

返到屋企睇相，超滿意，多謝老公。

------------------------------------------------------------------------------------
你們倆是我一生中最大的驕傲，多謝老公爸B & Dabi！