四年一次的一個二月廿九日...
今天除了是公司同事last day之外，也是提醒著我要把她的工作接手！
下班後，放低工作，與二佬一同去看范曉萱 - 演，不知多久沒有開演唱會的她，今天除了很多明星到場以外，全場反應相當熱烈，她～把這多年來的歌也唱了：Rain、深呼吸、眼淚、你的甜蜜、麼力ESP、藍旗袍、雪人、消失、健康歌...每一首她也唱得如此的好，懂彈琴、吹flute、唱歌，樣樣皆能。全場一起站著叫著，很狂歡精彩的一個晚上。特別愛上那一段：「如果有人繼續愛我，真的愛我，我會用力好好活著...」
謝謝您，總給我無限的歡樂。今天，我才知道原來自己一直習慣了付出，當有一個人這樣無條件地為我的時候，我不懂去接受，原來...我很幸福的！謝謝您，給我這麼一個學習的機會！
這種應該 叫注定吧
即使高空 跳傘落下
不偏不倚 總飄到你窗下
今天應該 叫壓軸吧
東奔西跑 野性年華
終於我也 能攜著你手歸家
＊ 這時為此 經過任何事
皆有伏線 統統向你指
我們難得 同渡幾多風浪 都化微妙漣漪
應該繼續可以 同樣抱緊一生 去分享一襲風衣 ＊
微微一笑 就注定了
由遇上開始 垂頭不語
但我預感 早知道有事
來年最後 共誰在雪白場景 牽手宣告誓辭
在那時 我就知 這一日和你 會成事
原來這一句我願意 由六歲開始
練習多次 為了在此 完成這首詩
我今後將會 在每一個日子
不論快樂難過 也同樣專注
Repeat ＊
微微一笑 就注定了
由遇上開始 垂頭不語
但我預感 早知道有事
來年最後 共誰在雪白場景 牽手宣告誓辭
在那時 我就知 將不斷和你 有奇遇
原來這一句我願意 由六歲開始
練習多次 為了在此 完成這首詩
我一定可以 在每一個日子
不論快樂難過 也同樣專注
不論富裕窮困 也甜蜜相處
嘉慧超好，知道聽晚郭富城只係坐第十一行，今晚係坐第三行，而我地之前誤會今晚先要返去Asiaworks做Angel…今日又係元宵街節，所以今晚去睇郭富城濕身演唱會。第一次黎博覽館，山頂既朋友都唔算好山頂，由於今次早左黎，所以之前可以影好多相。
城城好早就已經握手，呵呵呵，我唔單止拖到佢隻手，仲握住左佢隻尾指唔放，滑到呀...特別鍾意佢個轉轉轉舞台設計，雖然好多時都睇唔到，但真係好特別。最鍾意佢唱「I Love you so...I need you so...」由個轉轉台企起身個野，超型。
聽到佢彈琴，好明顯係響完全未學過琴，為演唱會學的，真係要比300下掌聲。特別歡喜佢套閃閃衫，又靚又閃又型。二佬話佢之前係黃色，咁咪成件雨褸咁...？
最尾真係超好玩，不得不讚，第一次可以有水玩，仲可以將Ｄ水潑去城城度！就算著雨褸都濕曬，原因係...對面既朋友仔帶水槍入黎，仲有個肥仔響到大力潑，就咁就濕曬。最搞笑亦係唔明白既係點解個Dancer會玩得咁開心既呢？
我地就響以下呢度，玩到全身濕透，頭髮滴水…
您件衫既濕vs乾好清晰，呵呵呵...
今日響公司畫左個好似您既公仔，呵呵，似過Wii…
最開心既係今日比您睇既時候，您話您又更重要了，因為唔再係得小桃畫自己一個，仲有埋您...
今天我們倆要回Asiaworks做Angel，下午時聽到您不適，其實我真的很擔心，您不像我，不是一個藥煲，聽到您生病，我寧願病的是我。
早早下班離開，見到您…嘩…今天穿西裝的您，哈…久違了，很喜歡，要拍照留念
晚上完結後，見您不適，唯有猜“剪刀石頭布”去決定由我來做司機，由上環到觀塘，一手包辦，勁
我們倆少有地出外用饍，一定要拍照，再次吃到美味的「九子」，yummy～
剛巧MoonMoon在表演，哈，拍下她上電視先...
我們倆見三聯特價，忍唔住逛了一個圈，承惠$165，兩個超無聊拿起本心理測驗書一齊響到玩，各有各把答案入sms，再一齊計分，結果一齊勁笑，好準。咁就買左，您話買左之後，嗌交攞出黎玩，會笑返...
點知買左之後，我地玩第二個：「您有幾多桃花指數？」我0-25%，您55%，哈，一齊話唔準，咁就比人呃左啦～
仍然回味著那甜蜜的感覺...
要記低岩岩發生的事，好甜...：話說您話好眼訓，咁我地就收左線，我自己見無無聊聊，咪諗住上多陣網...點知無啦啦電話響...
「仲咩呀？」
「您訓覺未呀？」
「未呀...諗住上多陣網就會訓架啦...您唔係訓左呢咩？」(個心響到諗仲咩會無啦啦打黎既呢？)
「好眼訓架，諗住訓，但又怕您個死仔唔訓，咪打黎比您囉！」
「嘻嘻嘻...」
咁貼心既人，您話邊度搵？
要即刻去訓先得...
今早聽到肥姐離世的消息～
二佬說她是給四方八面的人咀咒而死的，喜慶日子前後的確是比較邪門，當年舅父也是在中秋節那一天離開的！雖然關於她的傳聞滿天飛，但就正如今天每一個節目所講，肥姐的笑聲，開心果的笑容的而且確是陪著我們每一個成長的！一個二百磅的肥媽，一個單身媽媽，可以有如此的成就，有如此多人給她送上祝福，有一個如此乖巧的女兒，值得吧！
昨晚興奮的心情今天仍然持續，無時無刻也會傻瓜瓜地笑
下班與您一同去沙田新城市，看您滿足的笑容，哈，我也會被感染的！其實每天看見您開心的笑容，是我最大的幸福！最喜歡嗲您
回家前，嘉慧問我們倆是不是分左手？不知是誰人亂傳的訊息呢？昨天還有那樣開心的驚喜，又怎會有事呢？在此告訴大家，我們兩公婆感情很好，每天也開開心心，不用擔心！
我記得我二年級已經學琴，我以為係屋企人想我學琴，原來從媽咪口中才知道係我自己話要學架喎...
當時既我都幾叻架，Level 1,2,5咁考，去到６年級，琴老師要移民，媽咪話咁岩我升中一，不如停一停，等settle左之後，我地先再學返。一停就停左咁多年...
中間其實我真係有想學返琴，想自己考埋個八級，但我真係比較懶，只係想業餘既時候，有得比我彈下就可以啦！就係咁，咁多年黎，我都只係響教會做司琴，自己叫做同朋友作左一首歌，勁鍾意買D歌譜返黎彈，直到呢家...
我去澳洲時，屋企大裝修，個琴屋企人都無賣到，可能怕我唔開心啦！返左黎咁多年，我仲買多左個電子琴，其實都係無彈過，所以近期，狠心地把鋼琴送左比個Auntie，因為佢個仔仔黎緊會開始學琴。
今日師傅上黎搬既時候，原來我真係好唔捨得。
我唔開心既時候，除左鍾意渣車之外，就係鍾意響呢堆白色黑色既野上面發洩，真係幾唔捨得佢。幸好，我仲有一個電子琴...
今日爹爹同您一齊黎車我，我見到既時候，忍唔住笑左出黎...
情人節快樂！
第一年與您共渡的情人節～想了很久也想不到為您準備什麼驚喜。不知為什麼，或是跟您認識太久了，您－是第一個我告訴您不用情人節買花給我的人。
病了，不能上班，什麼慶祝活動也要取消吧！
睡醒後，您來接我，吃燒賣、去苗場、餵狗狗、灣仔同學偶遇記，最開心的是我們的情人節禮物...以後我們沒有您和我的分別了，是我們共同擁有的^^
最開心的慶祝活動是我們一起下廚，今次也是有大蝦，有愛心牛扒...
看著您煮牛扒的樣子，我有個很好的您...
整裝代發的樣子...
雖然我的樣子很殘，但一年一度的情人節，我們都應該拍張照吧！
收到您的啤酒仔情信，最後為您送上病人特製的古古力，雖然今年沒有什麼驚喜給您，但和您的每一天，也是情人節吧！情人節快樂，親愛的～
！不過，張新咭真的很漂亮！（為了不洩漏自己的戶口號碼，要模糊一點才可...）
！
