Goodbye to my dear colleagues

在Dabi差不多兩個半月既時候，我好幸運，有一個好好既offer，肯比個機會我呢個無返工半年既人一份工作。就連我話我大肚，佢地都仍然肯比呢個offer我。雖然只係contract形式，但我已經覺得好足夠。
身邊既人都問我，點解公司唔比有薪產假我，我都咁開心，哈哈哈...
未做滿40周，係唔可以entitle有薪產假，間間公司都係一樣，何況我一直覺得自己無啦啦大左肚，邊會有工作呢？竟然無啦啦有份工，話同我簽半年約，等我放完產假之後，我地先再傾長約，嘩，咁好既工邊到搵。當然唔止咁啦，中間我放假去日本，去過我既蜜蜜月，更覺得有人情味。

簽約前，人事部仲問我想幾時開始放產假，哈哈哈...
咁都有得揀？咁我就諗住，只係人工既分別，我想放前四啦～
就係今日，我既last day。

呢半年，響呢間公司，我認識左超多新朋友，有比我遲入職，有比我早入職，大家都係差唔多年紀，有比我後生既妹妹。
還有.....
.................................
同我同一team個兩隻蝗蟲妹妹。
我很慶幸我被安排坐響IT部門隔離，佢地都好好人，我很慶幸同Marketing既同事相處得很開心，我很慶幸個兩隻蝗蟲妹妹為我帶來好多好多好多既歡樂。

雖然我唔係叻，但成日都有呢兩隻蝗蟲聽我講，陪我玩，我覺得真係好幸運既一件事。

今日last day，我地浩浩蕩蕩咁去左citywalk食野，仲有BenBen一早被安排左去搵位，咁好既安排，邊度搵？大家知我唔行得，又一齊坐的士去，你地對我既好，我都深深感受到。

今日最後一天上班，亦係公司大執位既時候，之後就要重新分配坐位，所以我都乖乖咁執好曬所有野。
畫好goodbye公仔，為今天畫上一個句號。

放工就同兩隻蝗蟲去左食野，梗係，最開心同佢兩隻野去食野，我又大食，佢地都陪我一齊大食，幾好。大家最好既係一齊住新界，揀左返沙田食。
佢地仲超好咁幫我手攞野，乜都唔比我攞。
去到攞飛，要等60張枱，諗住有排行，就周圍行一陣，點知行完一田，一返去，就岩岩下一張叫我地個no，超lucky呀！
佢地兩個去攞大大碗沙律，食得開開心心。
叫左兩個main，佢地都食唔曬，就連甜品都叫唔成。
歡歡樂樂左三個多小時，乜都講，乜都玩，真係頂你地隻野唔順。

真架，最開心係有你呢兩個妹陪我。

最後最後，當然係多謝你地呢一份厚禮，Dabi一定好鍾意，好開心。
無我響公司既日子，希望你地都一樣，唔會比人蝦啦！

------------------------------------------------------------------------------------------
今日，老公去三日兩夜既北上考科舉日子，我同Dabi就被安排乖乖留響家中等老公高中狀元返黎。
老公，你要比心機，我地已經同Dabi講好左，佢唔會亂咁出黎蝦媽me住。
掛屎我啦！！