蔡媽咪倩影＠29wk2d

個個都話蔡媽咪個肚大左好多...係咩係咩？

唯一開心既係，呢家人人都會知我已經係一個大肚婆，無左之前既肚腩vs有左疑雲。
見今日呢件衫好似好見肚，又叫老公整張相留比DaBi睇下先....

明顯地，係尖尖尖尖.....
明顯地，蔡媽咪吹波中....
明顯地，DaBi迅速成長中...

好野，好少人見到自己肥左係開心，蔡媽咪唔通有病？

Dabi係虫虫特攻?(Video)

唔知各位媽媽有無以下呢個情況呢？
見到自己隻B響個肚上面玩黎玩去，um..心諗呢家仲唔係影低你既好時機？
點知攞曬野一影之際，佢又好乖咁唔郁啦！
到你放棄...放低所有影隻B既野，佢又開始返活躍起黎～

一句講曬：激屎！

我覺得第時比返亞囝睇，佢會自己響到笑架...
所以每次我見到Dabi咁活潑，我都好想好想影低佢。
但當然，遇上以上既情況都係好常見...
直至今日...

仲比我捉你唔到...呵呵呵～
我真係覺得你好似隻虫係咁響媽咪個肚入面游下游下，好可愛！

希望第時你唔好話呢個亞媽咁白痴，仲要著大口仔睡衣啦！

請留意：
0:05 - 0:18
0:35 - 0:51
1:00 - 1:10

Dabi成長記

我個肚雖然大得唔明顯，不過如果做返個對比，其實，真係大左好多架～
不過幸好，睇返隻肥手臂仍然未開始澎脹，我諗第時Dabi訓既時候，都係鍾意訓響超好肉地既爸B度多D，咁就好啦...

我想講，睇返我之前既相，我真係少少肚腩都無架喎！
唔知係咪因為咁，所以我個肚唔算好大呢？
不過見到您呢個豬豬岩Size，就無所謂啦....

終於可以變成6格，期待之後同您影更多更多既靚相....

-----------------------------------------------------------------------------
唔知係咪香港個一片黑色既感覺，我自己既相揀極都係黑色。
不過，發生左竟係發生左，雖然個心係極悲痛，但再響facebook/新聞睇得再多，
事情都係已經發生！
與其再去諗住呢件事，記低呢件事，不如大家唔好再提，唔好日日新聞將片段不停咁播，
唔好再搵呢d野黎抽水，唔好再放咁多咩所謂証據響飛卜...
我諗呢個係令真真正正首當其衝既當事人去淡忘呢件事！

菲係錯，不過我相信既係，對當事人黎講，知得再多，只係越痛！
------------------------------------------------------------------------------

我慶幸既人，響我身邊仍有你！

誤信飛卜的222Days

話說今日我無無聊聊開返自己個飛卜，咁一直我個飛卜都有個結婚日子計算，我間唔時睇自己既飛卜都會睇下結左婚幾多日。

今日都係一樣，仲見到：222Days！

仲即刻9秒9 send左個sms比老公，講左一堆又深情又老套既說話。

咁岩老公今日駕車攞左去整，我自己放工坐車去新城市搵佢，就係咁，就收到意外驚喜....
老公送給老婆既厚禮一份！

我見到個刻，真係又驚又喜架，都係個句，永遠估佢唔到。

兩條友仲鬼咁開心食左個Triple O慶祝！

同一個晚上，兩條友臨訓前...
老公問老婆：「其實我地結左婚幾多個月呀？」(大家呢排只係將個focus放左響寶貝仔身上)
老婆計一計，答老公：「咪就係8個幾月囉，我地12月結婚，最好計架啦！」
之後老婆計一計數，係喎，明明結左婚8個幾月，最少都結婚240日啦，點會222Days？

原來個Program已經唔再function啦～～～

老婆白賺禮物一份！
多謝老公！

蔡媽咪倩影@28wk3d

Dabi已經響蔡媽咪既肚仔入面7個月，講真，真係想講句「唔經唔覺」。
回想起當日諗都無諗過自己會有左，到知道有左個一刻唔知點算，到頭3個月咩都唔同得身邊既朋友仔講，又咩都好擔心一餐（唔知仲以為自己有抑鬱），到可以報喜，心情輕鬆....到呢家....
以為10個月好漫長咩？咁樣就過左7個月啦.........

踏入左第七個月，講真，我個肚雖然唔算好大，但今日真真切切覺得自己唔再係響陀仔蜜月期。
今朝個肚好似人地搞長沙咁，超痛，但又唔係想痾Pooh Pooh，總之就係屈埋又唔舒服，伸直又唔舒服咁樣成日，同事都叫我返屋企抖下，不過我諗，與其走黎走去，不過留響公司做住野，有得坐。
但亞囝今日就明顯地，比以前更用力，更有power咁轉黎轉去，我成日都問佢：「乜您好似唔駛休息咁既？」今日，真係搞到我坐又唔舒服，企又唔舒服。

開始唔再係蜜月期，加上大大話左比老公知我可能要面對既辛苦痛症，老公好像比之前關心我更多了一點點。
雖然佢唔係第一次同我講，但佢今日再同我講：「老婆，辛苦您啦！」
可能之前我陀得太輕鬆，我係咁話唔辛苦；但今日，我切切實實咁唔係答您唔辛苦，只係為左呢一個家，為左我地個Dabi，我仍願意去接受我黎緊會面對重重不同既挑戰&痛楚！（Dabi，假如您睇到既話，您就知道做爸爸媽媽真係好偉大架！）

踏入第七個月，個肚...雖然未算好大，但我相信Dabi您既重量已經有返咁上下，我開始行得慢左，無咁多走黎走去咁大膽，而同事都話終於覺得我似返個大肚婆啦！

放心啦，老公&Dabi，我唔覺得辛苦，只要您健健康康咁成長，呢家一路食一路食，肥肥白白，做媽咪既我就會覺得乜都係值得架啦～

老公，我地一齊加油啦！

海鮮站@媽媽慶生

尋日發生左咁唔愉快既事，其實大家都好似無咩心情。
但著實又教我更加要珍惜呢家擁有既野，就好似屋企人咁。
今日係媽咪生日，我一早book左海鮮站同佢慶祝，主要係受到小高同嘉嘉既熱烈推介。我覺得可以同佢一齊慶祝佢呢廿幾年既生日，原來都已經好幸福。

Book枱個日，多得嘉嘉提醒，我打比老闆娘問佢可唔可以安排比我坐入面，但老闆娘話真係唔可以confirm我地，只可以盡量安排。所以個日我安排左早少少去，幸好，雖然人地都到左，但老闆娘都留返入面比我地坐。

開頭，我見到屋企人都無乜信心咁，擔心佢既海鮮唔新鮮，但響老闆同我既熱烈推介之後，我地乜都叫。
基本上，我地除左無叫蟹之外，我諗我地樣樣海鮮都有叫到。
呢樣可能就係多人既好處。

老公叫左珍寶蠔，嘩，超大隻呀！
老闆仲幫我地將個龍蝦湯加左酒，再叫我地試下，真係慳好飲左架喎！
我個人今日好鍾意既就係呢個螺，超鮮甜。
白酒煮青口，老公就話煮得太熟，下次帶佢去食間再好味D既先。

當然，小桃可以食既野唔多，但就叫左碟魚比自己食，我覺得響無得食海鮮既情況下，可以食魚都唔錯呀！
至於龍蝦麵，我諗如果食豬屎既，應該個個都會揀豬屎黎食，可惜我同媽咪唔食豬屎，所以叫左個上湯，就覺得唔係好夠味咁樣。
佢地就話個黃金瀨屎蝦幾特別，出面食唔到。
個海鮮焗飯，老公就話無豬屎味，小桃試左少少，真係唔重豬屎味喎！
個人另一欣賞既就係每一枱都會跟一碟蒜蓉包，超好味。想encore都無.....

埋單既時候，連我媽咪都嚇左一跳，只係$1050/6位，佢話真係好抵。
個老闆仲抱左隻出世無幾耐既小貴婦狗狗比我地玩，搞到佢地鬼咁開心。
如果唔係食環境既，我覺得個度真係幾唔錯。

由於我地食好早，之後仲可以行下，再去食甜蜜蜜做甜品。Yummy～

發生幾多唔愉快都係大家唔想既，唔想再去討論岩定唔岩，但係佢地當中有唔少都係基督徒，都好積極咁樣去面對，呢樣係我覺得好奇妙既地方。
希望媽媽身體健康，年年都可以同我地一齊過生日。

共冶一籠

另一慶幸既係...我個dept坐響IT隔離，唔駛靜英英。
因為...佢地真係好嘈！

成日都有好多野可以一齊食，佢地知我大住個肚，成日都會幫我整呢整撈。
我地呢家基本上，一行十幾人仲會一星期食一次lun豬，開心一下。

其中有一次，我地去左食任食點心，加上公司有燒賣怪(佢會朝早都買酒樓燒賣做早餐)，所以個日叫點心個陣，見到呢個情景....

又真係幾有諗頭wor～

沿途有你

當初有呢份工既offer，我都覺得好突然，特別係，佢知我大肚都肯請我。
著實之前響屋企無所事事，有左又唔敢搵朋友仔出街(so call 3個月前唔講得嘛)，所以都幾悶。

由岩岩返工有Emma陪我，到有嘉嘉，之後又有兩個新既妹妹，其實我覺得上天對我真的不薄。
我成日覺得做野，辛苦最好就唔好啦，但最緊要係有一班互相support既好同事，好似之前個份工咁，4個女人一個墟咁勁嘈，我都不知覺得幾開心。就算點同上司夾唔夾，我有佢地先可以挨咁耐。

呢家都係一樣，有你地陪我吹下水，發下癲，一齊鬧下講下，我覺得真係好唔錯架。

雖然我唔知自己前路會係點，話曬都係contract term嘛，希望同大家都仲做到朋友仔啦！

蔡媽咪倩影@27wk2d

肉照呀肉照呀～～～～






上個星期，終於去買左件Top，主要係為左老公可以響屋企得閒幫我同DaBi影相，加上唔知係咪成日覺得自己件衫鬆身，我想試下著Top既時候，個肚到底有幾大。

不過...

出到黎....

連我老公都話，我個肚...

唔算好大。

不過難得呢張我覺得都影得我幾有母愛feel，就同大家分享一下啦！

幸好仲見到個肚臍，雖然已經好細，同埋touchwood，仲未見到有肚紋！

囝呀囝，第時您睇返Mami響到打呢D日記，唔知您會唔會話我白痴呢？

DaBi 用品清單

真係多得上網search到其他媽媽既用品清單，我先可以去執得咁快。
既然係咁，我決定自己打個表出黎方便其他媽媽睇/用。

其實我又唔覺得自己呢個表齊曬，只係我覺得必需既我都有放響到。
呢個表就要多謝笨B媽媽，我都係睇佢個blog，先可以打到呢個表～

同時，當然好歡迎已為人母既你黎提點下我～

DaBi 用品清單
Item	Qty	Target Brand/ Model	Source	Price	Status
食品用具
奶粉		美贊臣A+
奶煲(+樽鉗)	1	Avent	康嬰	670	已買,連兩個大奶樽
8oz大奶樽	6	Avent	康嬰	383	已買
6oz細奶樽	2	Avent	康嬰	94	已買
洗奶煲粉	4	Avent	康嬰		要訂
奶樽刷	1	Chu Chu	護協	28	已買
奶咀刷	1	Chu Chu	姿彩	20	已買
洗奶樽液	1	Pigeon	姿彩	60	已買，refill生左先買
安撫奶咀	1	Combi	Japan		已有一個0-3m from Japan
奶粉格	1	Miffy	Japan		已買
暖奶器	1				諗緊駛唔駛
電動奶泵	1				生完先決定買唔買
寢具
床	1				有物資from哥哥，要度size
床褥	1
床單套裝	2
網床	1				唔駛住
隔尿墊	2	Nuk	康嬰	83	已買
牛角枕	1	Miffy	Japan		已買
保暖睡袋					有需要嗎？
監聽器	1				唔駛都得
沐浴用品
浴盆	1	Minimoto	康嬰	152	未訂
小臉盆	2
安全網	1	藍企鵝			物資from細細
浴巾	2
面巾	6
紗巾	27		花園街		已買
沐浴露	1	Sebamed	Mannings		已買
水溫計	1	Minimoto	護協	23	已買
清潔/衛生用品
尿片	1	Huggies			公司有360片
換片墊(屋企用)	1
棉花棒	1	Amor	護協	19.5	已買
棉花球	1	Johnson Baby	護協	8	已買
清潔棉	3	思詩樂	護協	75	已買
洗衣液	1	Chu Chu	姿彩	58	已買
清毒液	1
柔濕巾	1	Huggies - 盒裝	Mannings	34.9	已買,refill護協已買
凡士林	1
護理用品
梳/指甲拑	1	Tommee Tipee	護協	20	已買
吸鼻器	1	Richell	康嬰	50	已買
探熱針	1				屋企有
BB油	1	Johnson Baby	護協	23	已買
面霜	1
潤膚霜	1
退熱貼	2
BB衫
和尚袍(薄)	11	8件花園街,3件H&M	花園街		已買,諗住買多幾件
長袍(厚)	2		花園街		已買,諗住買多幾件
蛤乸衣	2	Baby Gap	Gap		已買
外套	1	Baby Gap	Gap		已買
手襪	7		花園街		已買
襪仔	5		花園街		已買
帽仔	2
初生包被	1	The First Year	康嬰	110	已買
包被	1
出街用品
奶咀鏈	1
BB車被夾	1
Sling/揹帶	1	Combi SK-X	康嬰	757	已買
BB車	1
BB車雨蓬	1
出街用換片墊	1	The First Year	護協	96	已買
熱水壺	1
媽咪袋	1	Lesportsac	Japan		已買
防蚊膏	1
Car Seat	1				物資from細細
其他
細衣架	8
High Chair	1	Combi RW490	康嬰	2533	已買
暖風機	1
產後用品
產婦衛生巾	1				仁安包左
乳墊	1	Pigeon	護協	70	仁安包左,已買
乳頭保護罩	1				要嗎?
網褲	6	理的	護協	42	仁安包左,已買
床墊	2	Kendall	護協	21	仁安包左,已買
頭髮乾洗劑	1	Arau	護協	63	已買
束腹帶	1
生理沖洗器	1				仁安包左

Mi @ 愛

從網路上唔知點解無啦啦聽到呢首歌，仲要岩岩響飛卜睇完大家post既孔雀哥，我有點點感動到毛骨悚然的感覺。
我對你承諾　　要一起到永遠

曲：張慈龍@Sense

詞：郭啟華@人山人海

編：ADAM LEE

監：李安修/陳德健


我在看「愛」這個字


一個「受」一個「心」

兩個字加在一起

變成「愛」這個字

要怎樣開始

怎樣的保存堅持

要怎樣一起去到永遠

兩個人每天進行

愛情的練習曲


*在愛情裡會看到包容和犧牲


也同樣可以找到猜疑和欺騙

在你的身上可看到就像我的另一個你

在愛情裡要堅定忍耐和盼望

愛是不嫉妒不自誇和不張狂

無論怎樣 順境逆境 富裕貧窮

健康疾病 快樂憂愁

我對你承諾

要一起到永遠


一個心找一個心


兩個人一個心

一個你跟一個我

再分不出你我

我會去愛你就好像愛我自己

我找到你才找到自己

就這樣不離不棄

最完美的完美

蔡B產檢@26wk4d

上一次見DaBi都已經係16/7，轉眼間咁又一個月先可以再見到佢。
幸好呢家可以feel到佢郁郁郁，個感覺都實在好多，但始終咁耐無見，您話我呢個Mami唔掛住就假既。
今日仲同埋婆婆＆爸B一齊見下呢隻豬仔。

不過唔知係咪佢越黎越大呢？醫生已經唔會咁清楚咁一part一part咁話比我知，反而係有少少hea住咁睇下佢頭仔/肚仔/腳仔/姑姑等，仲好快話見到乜乜乜，而我地當然係唔知發生緊咩樹，不停咁叫住醫生比我地睇清楚少少。
我成日都用自己既concern去諗DaBi既感受，所以見親佢倒樹蔥都覺得佢好辛苦。
但今日佢又係一樣，頭仔向下面，腳仔young住我個肚仔，唔通佢咁樣先舒服既？
不過，開頭佢用背脊向住我地，都乖乖咁轉返個正面比我地睇一睇。

而頭仔，醫生都無話佢大好多，都係話佢係中碼B，乖仔乖仔。

而可能佢用得天殘腳多，是日睇得最明顯既就係呢對大腿骨，影得好清。

乖仔乖仔，呢家Mami開始feel到您郁得勁左好多，雖然有得真係young得我有少少唔舒服架，不過諗深一層，您咁活躍都係唔想我地擔心，都係郁多D郁多D郁多D啦！
最緊要唔好搞到條臍帶就乖仔啦～

繼續食多D野，做個健康小Babe！

Dabi物資@奶煲+奶樽

奶煲+奶樽呢個item，可算係我做得最多reserach既一項，由得知跛跛相贈既奶煲唔用得之後，我就歡天喜地咁諗我地可以揀肥奶樽，做得多research既後果係：
我係揀左4位候選既佳麗
奶煲一號 - Tommee Tipee

-上層可放置奶咀及樽蓋

-數字及字母顯示存放時間倒數及處理程序

-分體式設計奶樽盛器可獨立取出放入雪櫃,增加奶樽更長的存放時間

-有燈號及響聲提示消毒程序已完成

-全自動完成消毒過程

我個人覺得佢平得黎都好易幾好用，見網上用既準媽媽都唔少。
想揀既原因係我鍾意佢無fix死奶樽隔間，即係肥又得，瘦又得，仲可以第時將亞B既食飯杯杯碗碗放埋入去消毒。
但一去到荷花，唔單止個sales姐姐話比我知無Avent咁好，就連我同老公都覺得佢既料好流，所以由個一刻開始，已經諗住揀Avent。

奶煲二號 - Avent

- 置件層架

- 全自動完成消毒過程

- PES原料製造，不含雙酚A致癌毒素，可更安心使用

- 排氣孔設計，防止寶寶吸入過多空氣，而引致脹痛不適

- 英國製造
大品牌，基本上無乜野要擔心，老公亦都唔係見貴野就買，佢真係會聽iQ有咩function多左，知道無用之後，就話唔駛買貴個隻。
放得到肥仔奶樽，料靚價錢貴，所以已經一心諗住揀呢一款。

揀完奶煲，就梗係揀奶樽，講真，真係越聽得多就越心多。
本身一心諗住買ChuChu母乳奶樽，點知原來佢已經無再出肥仔樽，只係得玻璃樽款。再出既肥仔樽，又只係得肥仔樽既PPSU十字咀版本，即係無得買。
奶樽一號 - ChuChu

- 採用不含環境荷爾蒙之新原料 – PPSU 塑膠製造

- 闊身奶瓶令清洗更容易 , 更方便

- 奶瓶傾側，奶亦不會漏出

- 不會打破

- 樽身輕巧，方便攜帶出外

- 可煮沸、藥液消毒及微波爐消毒

- 附SUPER CROSS CUT 矽膠闊身奶嘴

- 日本製造
既然無得揀母乳咀，究竟我地好唔好用十字咀呢？
但老公一黎對日本野有bias，佢話明明只係因為Yen既匯率貴先搞到佢個價咁高，無理由我地陪佢一齊加價。加上已經無左ChuChu我最想買既原因 - 母乳咀，所以就無揀。

奶樽二號 - Tommee Tipee

-採用PP原料製造，不含雙酚A，可更安心使用

-natural flex奶咀在寶寶吸吮時可延伸及運動

-讓寶寶隨意將奶咀放在較舒服位置來吸吮

-奶咀使用超柔軟的材料製成

-仿似媽媽的乳房一樣

-特別為排氣、防脹氣而設計的高敏感度閥門

-以及減少因吸入空氣而導致的絞痛問題

-特大的寬口奶咀設計，更像媽媽的乳房
Tommee Tipee既母乳咀係除左ChuChu之外，我做既research之中，最似母乳既奶樽。但真係睇親佢既現貨，摸上手既手感，加埋荷花話比我知Tommee Tipee係英國野，但大陸做。
睇埋個價錢，好似真係好大陸野既感覺，所以都係out！


奶樽三號 - Dr. Brown

-採用全新耐熱PES材質，絕不含致癌物質雙酚A

-其專利的內置通氣管，能減少奶液中的氣泡

-減少吸入過多的空氣而引致肚絞疼、打嗝、嘔奶、及引發中耳炎

-設計以正壓輸送奶液，與母乳喂哺原理相同

-可避免因液體流入耳朵而引起中耳炎

-闊頸設計， 方便倒入奶粉及清洗

-葫蘆樽形，容易握緊，防止滑手

-附專用奶管刷1支

-德國及奧地利製造
其實響荷花聽個sales姐姐介紹，聽到話佢呢隻少d風，著實真係有諗過，講真，咁多個亞媽為你自己既仔女揀奶樽，都係唔係貪靚，而係想亞B食得好D，少D風～
但當我地睇到佢個條幼到唔幼既管，雖然佢跟埋隻幼刷，但個人覺得清潔上都幾麻煩。

奶樽四號 - Avent

-PES原料製造，不含雙酚A致癌毒素，可更安心使用

-排氣孔設計，防止寶寶吸入過多空氣，而引致脹痛不適

-英國製造
Avent其實一直都無諗過揀，應該咁講，一直我都諗住揀ChuChu母乳咀，直至我知道佢唔再返貨，我先去搵用咩好？其實Avent呢一隻又唔係母乳咀，著實我係有擔心Dabi食過唔再食人奶，但由於細佬B同妹豬都係用Avent，一直都無問題，妹豬仲用左4年之多，加上老公對英國品牌有信心過日本好多，買奶煲set裝又抵少少，所以最終我地都係揀左Avent。

希望Dabi健健康康，乖乖成長啦！

Dabi物資@揹帶

揹帶呢家野，真係無論咩國家都大把款您揀，由以前亞媽紅白色個款揹帶，去到呢家有幾實用、幾新潮都有。我自己睇完小Sin子個blog - 揹帶大比拼，我覺得真係頭都大埋，佢既詳盡又論盡各款揹帶既好與壞，對於一向有選擇困難症既我，好易出事！

但由於姑媽話揹帶要由婆婆買架喎，佢地就叫我揀左，之後佢地比返錢，咁樣我個人都覺得實際少少。

咁岩個日去開康嬰，個老闆娘又肯細心咁開比我睇，同教我地兩公婆用。而且我上網細心咁睇過小Sin子其他既款，我自己個人覺得個結一紮得唔夠實，成個B跌出黎就大獲飯，咁我同老公都係唔小心個type，所以越易handle越好。

跟住老闆娘一拆出黎係紅白色，老公岩曬！
佢話如果其他model無呢隻色都唔買喎～

佢話SK4已經唔再返貨，呢隻SK-X係比較透氣，好唔錯！

就係咁，我地就揀左呢款啦！

睇落亞B都幾穩，熱少少都好過我自己唔小心唔識打結。
又KO左一個item～

Dabi物資@High Chair

一直都受惠緊其他媽媽分享既物資介紹，雖然我唔係完完全全咁去做比較，但我自己就揀左朋友用/比較有信心既品牌。
始終對於小朋友黎到講，安全先係最緊要，我總係唔相信人地淨係因為個牌子就會賣得咁貴，比得起既，我地都想盡量比寶貝仔最好既(打呢句既時候，佢大力咁踢左我一下喎，真乖！)

以前我諗無High Chair呢樣野，因為一係就放響床仔，一係就放響Sofa，但由於我地屋企張Sofa應該唔可以將寶貝仔平訓響到，加上我想佢第時埋枱食飯！
第一樣想買既item就係High Chair，佢可以：
-採取懷抱型的設計概念，讓寶寶如同在媽媽懷中安心舒適

-模仿心跳搖擺，與心跳節奏一樣的搖晃設計

-首創側開靈活置物台，方便放置照護配備

-儲物盒收藏毛巾、尿片等所須物件

-全方位四輪360度轉向

-3段式可調節餐桌，5段高度及靠背斜度調節

-立體網眼3D透氣質材座墊，中央細縫設計增加透氣，可拆出清洗或更換

-收納後減少約三成的體積

-適合初生至4歲左右

即係岩岩出世換片可以響呢張野度，比Dabi響廳度玩下訓下又可以放響呢度，第時大個埋枱食飯，都可以放響呢度！
唔駛Dabi成日訓響間房入面咁悶，岩曬我心意！

加上爸B睇過都話OK，最貴既Dabi Item List第一樣就係呢張High Chair！

本應有諗過平$1000個架，都只係無左個儲物盒，後輪無得360度轉向，無咁透氣等....
但爸B話呢張OK，寶貝仔，快D同爸B講多謝先！

瘋狂濕平日

當然，那天除左DaBi大豐收之外，我同爸B都唔例外。
除左那一個精美既iPhone 4到手外...我地仲有....

可以點攞熱野都得既矽膠手套，同埋筷子。其實上次I Love Kitchen時，都心大心細諗左好耐買唔買好？最尾因為有事出唔到去買，但竟然見到一田都同樣做緊Sale，嘩，老公又支持，咁就帶左佢返屋企。

另外就係無啦啦多左張credit card既情況下，送既蒸氣熨刷，講真，都唔知有無用，不過諗住第時真係搬出黎住，唔用熨斗都可以幫老公係咁二熨下，咪攞左先囉！

同場加映自己忍唔住買多左對涼鞋，因為響日本買返黎個對，已經比我踢到鞋頭都好爛下，哈哈，係，我係行得比較粗豪。只係著到兩個月。
咁佢又唔係唔著得，不過諗住買多對替換下之外，由於等iPhone，所以就帶左佢返屋企。
而老公就買左新既Polo Tee開工著。

一家人都有收獲，好敗家，但又真係好開心。
好似為左DaBi，我地都添置左好多野咁～

放血@Dabi購物日

放心，我絕對無去到BB展！
由之前聽過表姐講，去BB展得個迫字，又唔係平；到老公千叮萬囑我唔好去，又怕我撞親，又怕個度多細菌；就好似我搞結婚都唔想我返大陸荀崗買野一樣。
但話曬都6個月，雖然老公覺得咩都唔駛咁早買，有車，幾次一次過去掃曬就搞掂，但佢又知我呢個緊張大師唔買唔安樂。所以佢都比我今日出去放縱一下(明顯地唔係一下，係嚴重放血ing)

今日一出去就去左護協，因為想買Avent既奶煲。明明今朝仲打左去話有貨，我先出去...
點知當然係一出到去又話無貨啦，話最後一個岩岩比人買左喎！
不過師奶仔既我，點都係自己上下去，個心安樂d既。清單遲下再post，不過就真係滿載而歸。

之後仲同老公去埋CityBaby，佢個度無咁多人，個老闆娘又肯響無乜客既時候教您，都serve得唔錯架。
所以呢度先係放血既地方，我地埋單係：
.
.
.
.
.
.
$6000大洋。
老公真係超錫Dabi，咩都話買，相反，同場見到有對兩公婆響到單單打打，響到鬧交，老婆同老公講：「係既係既，您話買就買，我話買咩都唔好既！」
咁都有得嘈？都係一心諗住買野比出世既BB jeh....
同場加映我地買左呢張包被，雖然貴少少，不過就比到Dabi安全感，好，買！
尿墊set裝，都係貪佢一個小小袋放到好多野，岩曬。

大型既野可以10月中先送貨，掂曬！
好似買得七七八八，哈哈哈....

好敗家，但今次係買比Dabi，竟然有無比既快樂！

iPhone4 Family

各位朋友，我已經加入左iPhone4既行列啦！
話說老公其實響第一日出iPhone4 - 30/7/2010已經可以換到iPhone4架啦，原因係因為佢個部3G upgrade左去4.0之後，真係勁慢同勁彈，就連打個電話都好似慢過人咁。
加上佢contract已經完，一同3講如果第一日唔比機佢，佢就會即刻轉台，人地仲唔急急咁安排部機比佢咩...所以第一日佢已經好開心咁攞住部iPhone4響到玩。
咁當然，老公試後感之後，如果同3GS比，上網速度別唔大，係多左Multi-task既function。
所以對於無upgrade去4.0既我，又唔係3既豬貴客戶，我係唔係好急去轉。(但當然我都有上網登記)

星期三個日，無啦啦打比我，話要成個月後先有貨，本應唔急既我，但都忍唔住嘈左幾句，叫佢要reply我點解我屋企人同我一樣收到個短訊，但只係佢地收到機，我收唔到？

點知星期五既晚上，我嘈都嘈無，佢打比我已經話arrange左部機比我～
咁特別？

有既梗係約左先啦。佢話星期日下午先有得攞...
今日去開都諗住試下有無機攞啦，點知一check電話，就已經有機攞得。

有超好既老公陪我等左兩個鐘，再加上佢可以用credit card分期埋出機既$$，即係我呢家一分一亳都唔駛現金咁攞出黎，只係交返月費多少少既$$，就可以帶部iPhone4返屋企，聽落都好似幾過癮，就簽曬野帶左佢返屋企啦！

我貪iPhone4既功能主要係個wifi視像，第時Dabi出世，我響屋企湊住佢，都可以同老公Facetime嘛！
加上佢既拍片功能，可以好快影低Dabi重要既一刻，岩曬！

蔡媽咪倩影again@25wk5d

是晚約左老公既朋友仔食生日飯，響屋企未出發前，見有時間，又捉住老公影大肚媽咪相。
我總係覺得，就算個背景唔靚，第日比返Dabi睇，佢都會咁開心。
拿拿拿，都話關件衫事架啦，今日個肚又好似無早兩日咁大個啦！
而呢個肥B唔肥媽既蔡媽咪，仲好得戚，我又真係唔係好覺得自己肥左好多喎！
就連桃爸都成日問我係咪食好少野？
其實真係唔係，我已經將自己既食量加大到食得多過老公架啦，只係唔知點解，去曬Dabi度，不過咁樣仲好啦，至少唔駛擔心Dabi唔夠營養嘛～

捉埋爸B影先，佢真係好錫Dabi架！

蔡媽咪倩影again@25wk3d

星期六去左恤髮之後，蔡媽咪又回復可以唔駛成日紮頭髮既日子。
其實我真係好唔鍾意日日起身都要紮起曬d頭髮，通常夜晚返屋企都會個頭超唔舒服，又痛痛地，又痕痕地咁樣...

早排買左件衫，去買既時候，就係貪佢中間有件橡筋，可以突個肚出黎，但可能個時未見肚，個sales同我講話：呢件衫好好架，佢既cutting著起都唔會似大肚婆。
=.="
其實我真係想買件似大肚婆既衫之嘛！

果然，著起呢件衫之後，老公話我老左，同時，我覺得個肚都現左好多！
Dabi真係乖，果然係好吸收咁成長中...