TVBuddy出走記

唔知大家有無留意響九展上面長期有隻TVBuddy響到呢？

話說今日哥哥接我放工，佢無啦啦問我：「點解隻TVBuddy唔見左既？」

「佢出走左去我部電腦度！」

有相為証架！

第一次購物成功^__^

想買一個合適既返工袋好耐，一直都睇唔岩，原本仲心郁郁想買菇時袋，但實在太貴了，可以買好多個唔同既款式。

咁岩上個星期有網友話響日本既「樂天網」買野，我就八八卦卦咁去睇下，果然D款又真係靚好多，膽粗粗咁試下買...

今日就收到了，好靚，好開心～

特別欣賞佢真係會留意我想佢幾時deliver～

所有資料都有個好靚既folder入住....

同事話實物仲靚左～

日本野真係唔同D，第一次網上購物係咁開心^__^

終於食到啦～

自從上次接哥哥放工買過黎試之後，我就好想再食！

點知呢排成日都帶飯，咁我緊係慳$緊要啦！今日，哈，因為無飯帶，我終於又去左食「燒汁肥牛xxxx飯糰」，佢集合左肥牛、肉鬆同埋草於一身，正！

雖然如果今日食既係爹爹既炒米粉都一樣咁開心～

Mario Kart Wii

XBox唔聽話之後，比左個藉口我同哥哥買 Mario Kart Wii返屋企玩，哈，我地兩個一人一個save，因為我只係識用手制玩，哥哥要100%都用個「呔」喎～

哈哈，當我完成左100cc之後，竟然出現左以下呢個版面，哈哈，我上鏡了！

真係好好玩～

仲要一玩就諗起嘉慧個一句：「Yeah！我第一呀~」

BB vs B仔

今日放工，哥哥去左大學接我，好在我都醒目，知道哥哥唔一定帶BB黎接我，因為佢應該會試下初黎步到既B仔。

VS

一直其實我都係好鍾情放A Class，誰不知今日坐上B仔，我同哥哥都話：「始終都係BB好！」BB點都係襯哥哥。

之後兩條友一齊去剪頭髮，哈，第一次有人陪，原來都幾開心架喎！點知無啦啦電話響，原來我地無幫B仔熄好頭燈(=.=")，剪完返去睇一睇，原來只可以「擰擰擰」，如果「擰擰擰擰」就會熄唔曬！

今晚有唔開心事發生，嘉慧、VeeVee、哥哥，我以後都唔敢啦，唔好唔同我玩呀！

哈根大師

這陣子愛上與嘉慧和哥哥吃哈根大師的雪糕....

就是因為這陣子他們的優惠吧!憑HSBC信用咭,可享有買兩球送兩球的優惠,即是$48正!只要當中有一球是最新的Bailey's就可以了....

$48有4個scoop,佢又可以比個杯您分開佢,幸好有哥哥吃Bailey's...yeah!!!

念念不忘嘉慧今天的一句:「Yeah!我第一呀!」(=.=")

好憫

做送貨都算,仲要響公司無啦啦坐響到無野做響到等...

好憫好憫

攰

「您今日一定好攰啦！」

「點解呀？」

「因為您今日響我個腦行左成日啦！」

「^^」

咁多年之後，諗返起都仲係覺得好甜，謝謝您！

 

波係圓既

伍晃榮走了~~

就是這麼的突然,就是這麼的簡單...

相信陪伴著大家成長的他會永遠在我們心中!

永遠懷念~~伍晃榮

大地震

今天公司要9點開會，大家也不敢怠慢(我們平時大多數會9點半先返到公司)。

點知9點多開會既時候，原來...香港既Managing Director(即係我成日叫的老闆娘)，公司響香港最大粒個個...比人炒左！

我個感覺當然係震驚到爆...一黎話曬都係佢請我返黎，二黎無啦啦公司無左個話事人，點知...公司會請返4個月前離職既一位Marketing Manager返黎做Country Manager，本應都對我無咩影響，再聽下聽下...原來佢諗住請返之前做我Ｄ野兩個月前離職既同事返黎...

點解D走左既人咁易返黎既呢？

未知前途會點...

有一點點的懊惱...

小驚喜

昨天3個人開開心心去買東西煮飯，或者這是沒有DD的好處吧！有工人時，會不期然很多工作也留給她，現在，與嘉慧、哥哥常常一起分擔家務，我總是擔當著很多人也討厭的工作...洗碗，而嘉慧、哥哥就分別負責洗衫或拖地，談著笑著，不亦樂乎！

晚上爹爹回來，無啦啦入哥哥房，先比條手繩我，之後比哥哥，話保平安，又話雖然知道我係基督徒，所以唔戴響手，都可以放落袋。那一刻的感動，高興，是沒法形容的，這可算是第一份禮物吧！

是真的很很很開心～

StarLight 容祖兒演唱會 08 (Part 2)

尋晚爹爹問我地去唔去睇演唱會，我同愛人仲響到諗，呢期唔知邊個開呢？爹爹話好似係容祖肥，響大家都唔太肯定既情況下，就話去～

我地兩個仲擔心係劉美君～

４個人開開心心咁去睇容祖肥，可能大家都唔係喜歡容祖肥，沒有太大的期望...

唔明點解人握手，佢握手，佢不停咁自己企響fan屎面前又跳又唱，但係...唔握？

舞台好簡單，唯一是佢自己不停做唔同既高難度動作！

間屋好靚...

全晚最討厭係佢唱快歌個part，我地一致認為似旺角D場多過演唱會！

全晚最好聽係佢唱Jazz版既「愛一課上一課」，但發現佢唔係太carry到粉紅色咁～

本應好地地，但唔知仲咩encore時間，佢講一句：「見係您地咋，尋晚都無encore架！」

於是４個....即走～

妹豬兩歲生日BBQ派對

去玩，去癲，去迪迪尼啦！

4人敢死隊，睇完報紙知道呢個星期係小黃金周，竟然尋晚用劃鬼腳決定今日「去玩，去癲，去迪迪尼」既行程照舊。

由於揸車都只不過係$120，我地就開開心心一行4人去迪迪尼啦！

嘉慧有左上次兩個人去台灣拍照既經驗，今次好多相都係自己影，勁！

本應都以為會好多人，我同愛人都帶備左NDS諗住排隊用，點知...大家睇下下面呢一幅相，就應該相信香港人都係怕多人而唔去，咁岩我地去就變左少人到要投訴，點解每一樣野排隊都要用「幾」分鐘（=.="）

由於排隊只要用幾分鐘，我地根本無用過Ｆａｓｔｐａｓｓ，SpaceMountain同埋巴斯光年我地都玩左兩次，而可以玩既每一個遊戲我地都幾乎玩曬，卡通人物都影得七七八八，唯一飲恨就係玩唔到馳車天地（定期維修喎）同埋大家都無咩興趣既Lion King，簡直就係開心快活星期天！

等睇煙花既時候，我地仲係坐得好前好前，嘉慧話未試過坐咁前睇煙花喎，最開心既係我地兩個竟然有一張城堡相係無其他閒雜等人，奇奇奇！

四個人好開心盡興好曬咁睇埋煙花先走！

同哥哥為左紀念咁開心既日子，我地都買左情侶Ｔｅｅ留返個紀念，快樂快樂^3^

回程時，由於哥哥猜輸左要決定去邊度食野，佢話好想食PizzaHut，點知打去任何一間都話超多人排隊加唔比訂位，幸好亞威諗到寶湖樓下有一間TakeAway，認真既嘉慧仲問埋有無堂食加埋駛唔駛等位，呵呵呵，第一次唔駛等位（基本上係得我地４個堂食）可以食到PizzaHut，唔駛加一仲要超好服務，開心到死！

雖然今日當我地開心快活既時候，發生左一個唔太開心既消息，我仲響到諗，點解肥豬唔乖D呢？點知返到屋企之後，同哥哥既驚人發現，我就相信呢個決定係真係好岩，又懶又肥又唔做野已經算，仲要...唯有我呢個比較靚少少既肥豬做替工一個月先啦！我會乖架啦～

LeeLee生日記

LeeLee的生日派對今年定於尖沙咀竹園舉行，由於今天哥哥同爹爹都要OT，我獨個兒去到青衣城接哥哥，諗住比個驚喜佢！（通常我呢種懶人都要等哥哥黎車我）

晚上一家人好熱鬧咁響房咁面又叫又跳...

就祝LeeLee日日都「美麗動人」啦！

繼續做孝子賢孫

繼上星期與女麻女麻去拜山之後，今天與婆婆去拜山，仍然是一家人去吃早餐，不同的是今天有私家車出出入入。

因為今天是公眾假期的第一天，嘩，多人到不得了～幾本上我們只可以做簡單的儀式便要離開。雖然是簡單，但用最長的時間，我相信是車程，我響架車上面我諗訓左幾覺先到...

好不客易差唔多3點先去到劉氏飯堂，一家人熱熱鬧鬧的，這已經足夠了！

好ｅ食～日式燒餅

今日響公司同愛人傾傾下，佢提議今晚整燒餅，可能放假前夕，我都好雀躍，lun豬去左Great買左D材料，諗住佢呢度可能齊D...

放工再去會合嘉慧同埋愛人，去CitySuper買野，返屋企齊齊開工：

其實我地都幾Professional架，有曬材料同埋工具（^o^）！

整起上黎都似模似樣咁～

但係唔知點解買左咁多椰菜，後尾先發現要整得似，最緊要多椰菜，不過又真係唔駛咁多喎！（=.="）

師傅整得幾Pro咁喎～

禮成，重點在於BB牌沙律醬，燒汁同埋上面個D好似叫木魚！

我都唔差架，幫手整左成盤鹽焗雞翼！

是晚小插曲：無啦啦勁痛，首次痛到以為自己要入醫院（哥哥去到我無事個一刻都以為我要入醫院），都係要飲多D水，唔可以再咁落去～

買野既時候，發癲３人組去左順便買幾件衫（順便只係藉口），買左一件哥哥超喜愛的毛巾褸，見到陶醉既樣子，我都感到好安慰