點知呢家轉個頭就話佢就黎一歲，而Jobi B就仲有幾個月就出世。
呢家終於明白點解人地話眨下眼就大。
工人終於返左黎，係我地之前無續約既工人，點知DD挖角，佢肯補返錢比呢家個僱主都返黎。
我都真係好安慰，我同老公都話要善待佢，唔好要佢咁辛苦。
而且佢有我上次生Dabi B時既坐月經驗，有佢真係放心好多。
飲食方面
今個月本應慢慢幫佢轉A+二仔，但佢竟然對二仔有抗拒。
咁佢呢個唔食固體既小朋友，我唯有繼續用返一仔，好過佢連奶都唔食嘛。
至於食固體，今個月我的起左心肝，每日都餵佢，佢食到大約半碗，之後就會唔食。我就補奶。
但有時又唔錯，可以一食就食到大半碗，咁我就連奶都唔補，等佢下一餐先食7安奶。
方法就只係燉，可能燉入味啦，佢先肯食。
鍾意食：生果類，最新連橙今個月都試埋，佢都OK
唔鍾意食：南瓜/三文魚(奇怪，只要料中有呢幾樣野，個日佢就食得幾啖)
水就相當有進展，自從佢識用吸管飲水之後，日日都至少兩至三安，反而呢家比甜野佢唔飲。
便便方面
仍然唔係日日有，都隔日有。
訓覺豬方面
睇黎又過左反彈既時間，佢除左要自己響大床碌黎碌去之外，就係晚晚11點左右就會訓，訓到第二日七點左右。
爸爸咁要起身返工，咁佢餵埋奶就我暗返亞仔訓，爸爸返工。
4-5點半夜起身既日子，好似已經過去，呢一個月只係有1-2次。
驚喜方面
上面既牙仔未有動靜，不過就好似想出想出咁。
識得扶住企，扶住行，好似好快會識行咁，有時仲會雙手乜都唔扶，企到一陣。
爸爸媽媽既發音都已經聽到，媽媽就係救命既意思，只要佢想叫救命就會有「媽媽」。而「爸爸」就比較常見，可能爸爸係佢既玩伴。仲有一個成日有既音係「娃娃」，唔知點解呢？
識得Hi/ Bye，好熱情個款，不過日日同佢玩Give me 5，都係唔比。
試過搵佢既玩具教佢貓貓/ 狗狗/ 鼠鼠，佢真係識搵返貓貓出黎，唔知係真定假呢？
每個月既驚喜都唔同，期待小寶貝你為我們繼續更多更多既驚喜！
