法國婚紗FB@婚照共賞篇

本黎真係諗住....真係諗住保留一點點神秘感，但既然自己set左privacy，又唔係放響facebook，應該響呢度同大家share下都無乜所謂jeh？係咪？

實在忍唔住啦...

望穿秋水......頸都長埋....連我都唔記得自己揀左咩相......終於終於，今日我收到法國婚紗FB既相啦～當佢地一份一份咁比我睇，連大肚sales姐姐都話靚既時候，呵呵呵....自己不期然響到飄飄然，梗係啦，我係放棄左好多好多張相揀呢度既相架！

張張都好滿意，除左佢如我所料無執我個鬆之外（不過我自己覺得人地唔覺就算啦），質數我都應該算滿意！

每個景都放少少比大家共賞一下啦～

響九寨飲恨無影既訓地相，係我敗家最多既地方，呢家睇返，張張都好似差唔多，但好鬼靚咁....

第3張踢水相就係我之前問大家做大相好唔好個一張囉！但出黎個感覺真係超開心，我自己睇到都勁鍾意！

甜爆漏爆既幸福婚照，最鍾意係明明我地唔係book top既攝影師，但佢影出黎既相反而無咁standard又靚又正！

兄弟襟花DIY

整完花球之後，信心大左就梗係試下整襟花啦！由於今日整既時候掛住睇超級巨聲，無影相，下個次補影返先，但製成品都唔錯，只係....

我唔識整個絲帶同打蝴蝶結，有無高人可以賜教一下？

絲花新娘花球學習好機會(下)

有睇我上一篇blog既朋友都知我好幸運地，上星期岩岩行開繽紛，見到有新娘花球學習班，咁平仲可以有花球帶走，諗都唔諗就參加左！

今日上堂(哈，小妹遲到)，去到已經有曬所有材料，樣樣都好齊備！

可能呢家興清D，所以用全白色，好特別！

其實我都幾雞手鴨腳，不停咁問Miss咁樣岩唔岩，而佢地都好有心機教我地，明明只係一個雪糕波...

一個鐘內，小桃將佢變左做一個咁靚既花球，雖然唔係好pro，但唔同其他人比較，都可以見得人架！

我覺得呢$150真係超抵～

佢仲教埋我襯花，當然我又放低左唔少＄啦^^

鋼印到手了

之前仲諗住整透明貼紙，同個Vendor傾下傾下，我忽發奇想咁諗，點解唔自己整鋼印？於是就響上個星期開始搞自己已經整好既Logo，確認後，今日仲可以courier黎公司！

一試已經上癮，好易玩，好好玩！

小記：今日哥哥入左醫院，事緣佢今朝一早去完廁所，準備洗手之後，佢突然休克，無人知佢點解會暈左，暈左幾耐，但我就響lun豬聽到佢電話話搵唔到媽咪，我於是諗都唔諗就響公司走左去醫院陪佢，仲幫佢轉左院，４個鐘之後先搵到媽咪，而媽咪一到醫院見到既只係個醫生比個好深既傷口佢睇，嚇到佢暈！

哥哥仲響包青天位縫左10針，真慘！

Pom Pom花

多得Mrs Cocoa Bean，佢真係令我對DIY既靈感多左好多，而且佢既DIY真係有好慳家既選擇，其中一款不得不數就係Pom Pom花，一直想整好耐，今日終於買到材料，返屋企即刻忍唔住試.....

哥哥話好靚喎，既簡單又方便....

只要整多幾層，摺摺摺，拉拉拉，就可以整到好靚既Pom Pom花...

間住黃同橙色，另有一番風味！
諗住用黎整教堂佈置，都幾特別呀....

絲花新娘花球學習好機會

話說尋日去深水埗同旺角買絲花既材料，唔少得既係諗住行埋繽紛，成３層咁多，咁耐都未行過，原來係咁多野買架wor，我當然大出血啦，但另外一個大發現係佢無啦啦整左個「絲花新娘花球設計及製作班」，佢分兩隻：
1.比$150大洋可以自己落手落腳整，個絲花球仲可以帶走 (名額只有6個)
2.唔駛比$$可以免費坐響到聽，但就無得落手落腳整 (名額有15個)
我即刻對眼閃閃閃咁，由於今日先可以報名，我當然揀要比＄個個啦，繽紛既料都唔平架嘛，不過原來真係幾搶手，我兩點出到去，已經係第５個報名，應該個一個好快都無埋，Yeah，下星期有得學整花球，開心屎！