今日係欣希妹妹既舊曆生日，好易記，因為每年既年廿九，即係你地慶高采烈咁屎花行既時候，兩年前既今日，佢就唔比我開心，響沙田行行下辦年貨時，開始痛，年廿九就出世趕逗利是，搞到我年初一二三都響醫院，無人探，醫院冷清清，極之難忘！
咁就兩年了！
我家欣希妹妹雖然細細粒，但已經兩歲人仔。
今日突發地相約左在思ee去佢屋企玩，佢新屋裝修後都未見過，屋大真係好。旻希欣希玩得極之開心。
見到熹熹哥哥架車仲愛不釋手！
自己搵左個好似鑼絲批既野當入油，笑死我！
瞓醒之後，我地就去食晚飯。由於年尾真係度度無位，我地都係求其食個飯切蛋糕算！
見到Kitty蛋糕最開心就係欣希豬！
年廿九，最好既慶祝活動就係一家人一齊屎花行！
可惜太多人，真係迫到妹妹都叫走。舊年明明行得好輕鬆，下次都係早少少黎好。
記得以前行花市，係好希望擁有個氫氣球架，仲有毛公仔。年年都好想要...呢兩個小朋友真係好幸福，咁細個已經個個錫到燶，話有就有。明明細路得兩個，但風車已經買左3個。
仲同佢地響到跑跑跑...
極快樂既小朋友，返到屋企沖埋涼都12點...
