1108 - 旻希舊曆3歲生日!

旻希今日舊曆3歲生日派對！

1105 - 回憶

我又出現了！

這兩天我反覆思想一個問題：

我咁善忘好嗎？係咪有病？

其實我一直無同人講，聽我講過下，我諗得我老公一個。因為我羨慕佢，佢有極良好既記性，好到連你講過個句野既語氣，成句點講都記得一清二楚。

而我...係無童年！

這是我到呢家都好想記起既童年！

其實我真係唔知點解，我係好short term memory, 溫書咩，我一定要半夜4-5點起身溫多轉希望入腦。

而我既童年記憶真係好少，記得沙灘浸親囉，記得少少學校設施，畢業拖男仔手跳舞囉！小學，記得既，已經係5-6年級既事，屋企既事無記憶，同哥哥一齊玩既片段無記憶！

試過有朋友響Facebook add返我，話係小學同學，我完全無印象。

什至...早排同老公唔開心...我今日都諗左成個下晝先記得係咩事。

我...係咪有病？

唔知，唯有寫多d blog希望老時睇得返！

今日煮腸仔，妹妹勁鍾意食，佢真係尊食唔健康既食物！

夜晚早食飯既關係，終於食到平時大排長龍既小方糖！

1101 - 忙碌可怕既10月過去了

我又忙完返黎啦！

十月真係太精彩！

發生咩事？有睇我面書都知我老公3年黎第一次越洋去讀course，一年去4次。我就要做湊仔婆，日日照顧佢地7日。本應我屋企人強馬壯，我除左唔捨得都無咩所謂...

點知老公飛前2日，妹妹開始發燒...醫生話係扁桃腺發炎。老公飛走個日，妹妹腳上有紅點。第二日即刻同佢去睇醫生啦，個朝個仔都發燒...

結果醫生話兩個都中曬手足口病！

對我黎講簡直情天pig pig！

但都硬著頭皮頂硬上...

屋企變得熱鬧非常，個個都黎幫手！

嘉嘉變左晚晚響到陪瞓！

到過左兩日，我發燒，發冷！

陰公！

真係喉嚨痛到食唔到野...

結果...

老公返黎時就大家都好返7成啦！

個心驚驚既7日真係嚇死人！

之後就成個10月都好忙！

黎緊仲係旻希BB既生日...

忙！

926 - 我的第一份親子勞作

其實我唔覺得呢份叫功課，因為可整可唔整，呢間學校好，基本上旻希成個n班都無功課，什麼聖誕中秋新年，我都係高高興興睇佢放學拎住個製成品回家，未聽過親子功課。

呢點好重要，因為學校深明親子即係家長功課呢一個point係好緊要。

聽日旻希開生日會，佢地每次都有主題，而你配合到既可以著，配合唔到既，你可以著便服就得！

今次主題係：帽子派對

聽落好似好簡單，戴頂帽咪得！

原來係要：與孩子一同設計及創作一頂特色帽子！

我一直都諗住唔整就算...

但...

今日有時間喎！

帶住妹妹坐車去中南掃貨，再趕返黎接放學！

瞓醒晏覺就開工！

用左幾粒鐘，中途煮下飯，食下飯，旻希又幫下手...

終於...

旻希話：頂Mickey 帽好靚喎！

有時，聽到呢d說話，整得幾趕幾辛苦都抵曬！

922 - 天兔前的iPhone 5s

天兔來勢兇兇，其實講真，每次出iphone都有太多不愉快既經歷。等得耐同CS差可算係最常見。

所以之前我已經問定有無得揀時段，你比timeslot我，好過所有人一窩峰同一時間上去，特別係將。會。打。風。

回覆卻竟然係...如果響指定日子唔出機，就會無左個quota。

😡😡😡😡😡

我完全嬲到噴火，幸好，後尾我醒水，費事嘈叫佢搵第二個覆我，又話無事。

既然無得揀，我都係選擇響佢一開門就出去整，費事影響兩個細既晏覺。

自己一個坐火車，呀...原來好耐無試過。

出到去，估唔到...

😱😱😱😱

矛人。

係職員等我，馬上有得埋去，馬上有得出機。我仲遇著個好好禮貌既男仔，服務很稱心。

唔駛半粒鐘...

到手😊😊😊😊

點解唔放？

你問我，炒到萬幾蚊，真係心動過。

但...

我上Apple 訂唔返亦唔知幾時有...

早買早享受！

加上開左機又無咁高價。

咁早收機既又未開門...

我預繳又只係$900

種種原因之下我決定...

自用

去買貼時，途人羨慕既目光...

我自己揸上手種興奮...

抵抵抵。

920 - 追月天

919 - 中秋節快樂

各位中秋節快樂，我地Dabi 同 Jobi 響呢度祝大家人月兩團圓，有honey既就sweet seeet,  有兄弟姊妹既就相親相愛！

今日旻希放學由媽媽同妹妹接送，齊齊晨早入沙田，費事等佢地瞓醒先同人地一齊塞入去。

佢地兩個知道去爺爺度，不知幾開心！

瞓醒晏覺個個都返曬嚟

最勁既係，以往我仲要見到我老爺入廚房煮，今年我老爺只係負責買餸。

工人可以一手包辦10幾人既晚飯！

見到佢好忙，真係好辛苦架

但我相當欣賞佢既multi-task!

之後唔少得梗係去玩燈籠。

今年氣氛差d, 會所搞既猜燈迷搬左落羽毛球場。我地攞完爆谷玩左陣就算

行返出嚟賞個又大又光又圓既Moon! 

918 - 迎月夜

今日迎月夜，我地繼續慶祝做節！

尋晚煮完大龍鳳實在怕怕，所以今日改唔煮，去左呼吸食。

點知6點幾行緊去時，見到呢個又園又大既月亮。

我老公一向好鍾情月亮，見到呢個有少少雲遮住既，好淒美！

真係好大個！

自己一家四口好難影到呢類相，我99好鍾意影相，capture the moment好重要。

我認，囡真係好嗲，就連我都好易被俘虜，何況佢爸爸！

之後應承旻希去樂園玩，其實唔計餵食，佢兩個真係好多時都好乖。

呢個珍寶豬機，已經唔止吸引我一次，佢任玩60秒，我諗點都中卦？

今日咁齊人，我嗲我老公比我玩，佢聽到6個幣一次都嘩架，不過我想玩嘛。

開頭唔識，真係不極都無。。。想話呃錢。。。

點知。。。

玩左兩有3枝諗住都收手，又見下一次有機跌喎，咪再玩多次。

結果跌多7枝，共10枝珍寶樹到手。

勁開心勁興奮。

同場加映

旻希學校今日整左呢個佢話既MIckey燈籠。

佢一落校車已經係咁叫我睇。

跟住就叫我，話係送比妹妹。

我問佢，咁你咪無囉？

佢答我：唔係，我有大眼仔呀嘛！

見佢事事都諗起妹妹，就已足夠！

916 - 攰

我既舊同事響whatsapp group 度傾開，話估唔到我會唔做嘢全職湊仔，話我性格唔似。

都係既，我係一個比人感覺拼命向上爬既人，話停落嚟做ftm, 其實連我自己開頭都有掙扎。最主要原因咪係我唔信工人，而我99同媽咪都係返工人仕，與其擔心比外人湊，不如自己一手一腳，唔駛諗點教點磨合。

呢3年我每日都係同個仔一齊過，當然仲有之後多埋妹妹啦。幸好既係，哥哥真係呢家諗返算易湊，妹妹惡湊既日子又好似遠左。但講真，你估真係三頭六臂咩？所以有時都有好唔開心好氣餒既時候，成日諗點解唔請工人？

有時一路煮飯佢地一路扭計真係覺得好煩，點解唔可以自己玩呢？

但睇住佢地大，自己負責返佢地既成長，我覺得好重要。

今日接仔放學，見到佢笑住咁落車，ee同我講佢好乖，摺左把紙槍比佢，我幾開心！

914 - Dabi B人生第一份功課

今日旻希學畫畫，上星期同Miss Leung講過想畫毛毛，無諗過佢真係安排到。

上次畫大眼仔，旻希已經好開心，今次畫毛毛，仲有旻字牌月餅， 佢係咁叫我返屋企貼起佢。一家團聚。

R喂跟住佢人生既第一份功課亦都出現了！

老師話今年課程深左早左開始，所以一返學已經有功課。不過寫字練習就會11月先開始，叫我都唔駛太擔心。

嘻嘻，我唔係擔心，係剪章。。。

佢既功課咪即係我既功課，幸好見到旻希都好留心咁聽我講，之後做。

剪剪貼貼油顏色

佢每一份每一part都堅持自己做。

見佢油顏色已經唔係烏里馬叉，好有規律唔想自己油出界，係。。。好嚴謹！

用左半個鐘，完成！

我諗進步最快既唔係旻希，係響身邊不停叫要一齊做既小欣希妹妹。

913 - 我的動力來源

每日來來往往接送，煮飯，陪玩。。。

已經成為左我生活既一部分。

我。。。很享受！

係，我無私人時間

出街要同老公夾

好忙，因為無sick leave, 無大假

但有咩好得過可以睇住佢地大？

呢個世代，我覺得第時Dabi 講比人知係媽媽湊大，頭上會有個光環，少之又少數既一類。

呢期，我發現自己開始無力

抱仔無力，揹女無力

無力既地步係。。。

腰痛同膝頭劇痛，特別係揹住個女行既時候，每一步都好想叫我停，但唔揹又帶唔到兩個出街，好困擾(>﹏<)

今日帶妹妹返pg, 佢無瞓晏覺，我以為會出事，呀。。。佢又無嘢，又出奇地投入。

連佩儀姐姐都話估你唔到，叫我唔駛擔心咁話。呢下真係飲得杯落！

感覺係我份assignment/ presentation 好得！

912 - 我的波子司機

今日旻希已經第二日返學上校車無喊啦!

我安慰架！

兄妹溫馨語錄

哥哥：『妹妹，你仲咩喊呀？』
妹妹：『PooPoo』
哥哥：『哦，poopoo唔駛喊架嘛！我同你去巴斯度痾poopoo好唔好？』
妹妹點頭就走去門口，佢痾poopoo既地方(⊙＿⊙)
哥哥走去門口，拖妹妹
哥哥：『妹妹，唔係呢度poopoo架，知唔知？去廁所架嘛，拿，我帶你去啦！』
兩個拖住手去到廁所
哥哥：『拿，響呢度！』
妹妹就踎左響門口痾佢既poopoo啦！
我，一直坐響到睇住，不停笑！

911 - Dabi B 34個月大！

今日係我家小旻希34個月大了！佢已經不再小了，已經由n班升左上K1,已經有一個19個幾月大既妹妹。旻希長大了！

作為媽媽既我，梗係仲係覺得佢好細個啦，我諗佢第時30歲，我都仲好想叫佢做BB,因為響我世界入面，佢就係我既BB!

我懷念佢細細個成舊飯咁，係，佢真係好好湊好可愛，除左唔食飯！所以有妹妹做比較，我覺得佢極易湊！

響佢既世界真係好簡單，喜歡爸爸媽媽同妹妹一家四口痴埋一齊，最好有張床可以4個人一齊瞓。覺得有咩都應該一齊做，例如唔明點解媽媽唔帶佢去d朋友聚會，點解爸爸唔可以帶佢返工，點解我地唔可以陪佢上校車？

早兩日我餵佢餵到好憫，同佢講，不如媽媽返工，我叫ee或者dia姐姐d朋友嚟煮嘢比你食啦。點知佢喊得可憐到可以話係屎上最慘，我心裡甜得很，因為原來我都好重要既。二來當然效果顯著，個餐食飯乖到飛起。嘻嘻。。

旻希，大大話話我地無切34個蛋糕都有30個，其餘個4個係用雪糕代替而唔係無切。無他既，人地話駛唔駛，我就話為仔死為仔亡，切個蛋糕jer, 佢開心，我快樂，why not?

至少佢響1歲前已經對生日歌同蠟燭極敏感，好快識唱XDD