我是桃

爹爹這陣子喜歡到永富買桃回來，當哥哥見到呢個桃套，就戴響我個頭到，仲問我：「您呢個桃點解唔戴返個套？」
比您激死＝．＝

負離子專門店

哥哥今晚有飯局,所以今晚我就約左我個髮型師,去整返個負離子頭...

事緣就3個月前,我見近近地,就同哥哥一齊去大圍佢個間髮型屋整頭,仲諗住整負離子間間有返咁上下$$都一樣,點知佢就整到我個頭一d都唔負離子,仲剪到碎曬,成個頭都大個左(哥哥明明已經話我個頭好大個).

打比我個髮型師,佢就話叫我忍3個月,之後就黎整啦~~~

3個月後,我就即刻忍唔住黎整啦!

價錢平左,由於同呢個髮型師識左好耐(應該有6-7年),女仔同女仔又會多d野講,所以今次都整得好歡喜.個Junior仲話比我聽今日係佢整既第3個負離子,呵呵...辛苦您了!

結果,滿意,都係佢有保証d ^o^

熱烤7人組

今日哥哥黎左接我放工,開心得不亦樂乎,回家途中,見到咁靚既黃昏,忍唔住搵部iphone影左,哈,佢既防震真係好一流,竟然響架車上面都可以影到咁...

是晚++提議去燒野食,尋晚哥哥不停同佢講話會好熱,最終今日都成行...

地點係:大埔既燒烤王

係,我地選擇平日黎燒係因為平日無咁多人,仲有$58任食,好抵

由於我地好肚餓,無等威威已經係咁食,每一樣野食都好出色,我同媽媽都好鬼鍾意佢個咖哩魷魚,而哥哥就話佢既豬扒好唔錯,食左兩次豬扒包...

力行就好似好攰咁,唔係咁雀躍!

開頭我同哥哥都好high,但去到後期,可能我慣左早訓,11點左右就開始跌watt,成個人好疲....

叫呢兩隻野影相,佢地就咁樣....哈哈哈..照影

哥哥燒燒下金沙骨,燒到著火,哈....

好好食,好好笑,好好玩,好多星星,正!

IPSA Metabolizer

由於屋企既Biotherm用曬, 見好多人都推介IPSA既Metabolizer, 今日放工就同哥哥去左旺角朗豪坊買, 個sales真係好好, 我只係同佢講左要買咩, 佢問左一句仲要唔要買埋其他野, 我話唔駛, 佢就無左hardsell我, 仲比左其他tester我試, 禮貌一流!

個樽好靚, 好似好大枝咁, 都只係$360, 唔覺得特別貴, 搽左兩次, 好唔錯!

可以試下佢其他product^^

給LeeLee - 新工人照

LeeLee,您想睇新工人既樣嘛,呢家就比您睇啦~~~

佢返左工已經1個星期(寫blog呢日),整體上,佢真係一個好鬼乾淨既人,乾淨到您怕,佢會將成間屋既野搬開一次,抺得鬼咁乾淨,每一日都唔會懶,將d野做得好ok(因為我每一日都會比job list佢做)

唯一有兩個唔太好既事(都有得教既): 一就係佢太慢,做每一樣野都好慢, 食野又好慢, d衫洗完佢唔mind放響自己間房入面兩日,慢慢熨 (搞到哥哥搵唔到衫著同訓); 二就係佢既中文同英文都唔太ok, 同佢講野要用好簡單既短句英文, 但佢同您講野您又會聽唔明,早兩日爹爹叫佢煮飯, 佢煮左個麵比爹爹食, 哈, 笑到我同哥哥死!

不過佢真係好乖, 叫佢做野, 佢每一句野前面一定有sorry, 食飯又會同我地講聲佢食飯, 我叫佢如果3號風球就要出去買餸, 8號就唔駛, 哥哥見到佢, 話比佢聽8號唔駛出去, 佢都要打個電話比我, 問一次佢要去買餸...

教左佢一個星期, 佢煮既野真係幾好食, 叫佢自己拍板既餸都好唔錯, 推介有海南雞飯, 5粒星推介, 哥哥仲添飯...

報告完畢^^

 

又係二號仔?

好恐怖,無論做幾多次唔同既九形人格,我都一定係二號仔...

九型人格分析

第二型	助人者、全愛型、助人型、成就他人者、博愛型 14%
第六型	忠誠型、忠誠型、尋找安全者、謹慎型 14%
第一型	完美主義者、完美型、改革者、改進型、秩序大使 13%
第三型	成就者、事業型、成就型、實踐型 12%
第八型	領袖型、能力型、挑戰者、保護者、權威型 11%
第七型	快樂主義型、豐富型、活躍型、創造可能者、享樂型 10%
第四型	藝術型、浪漫者、自我型、憑感覺者 10%
第九型	和平型、和平者、和諧型、維持和諧者 10%
第五型	智慧型、觀察者、思想型、理性分析者、思考型 7%

我的九型人格分析？

究竟做二號仔係好定唔好呢? 我答d問題時,已經有一d我以前會答既答案唔同左,都係一樣既?

Happy Birthday to Mama

今日Mama正日生日, 做女既點都要同佢慶祝啦~~~

一早飲完茶就響沙田整蛋糕, 由於小妹唔食cream既關係, 一向整既都係海棉蛋糕, 好食又放得^^

屋企無蠟燭, 唯有搵把啫喱遮仔預住先, 見媽媽都好開心, 一家人去食飯, 一齊睇奧運閉幕, 讚!

響屋企, 乜哥哥您真係咁討厭亞屁咩?要咁樣對佢? 哼...

亞屁: 救...救...救命......呀!!!!!!!

免費假期 - 謝謝鸚鵡

一個月打兩次風, 平次跑馬只得部份人響到嗌隻馬既no, 呢兩日就大家都響到嗌: 8號, 8 號...

尋晚聽到話清晨掛8號既機會唔大, 仲諗住實要返半日, 點知...

一起身就知唔駛返工, 訓到11點左右,哥哥打黎話BB吹雞飲茶, 又要麻煩爹爹黎車埋我^^,跛跛仲手痕痕想打牌, 哈, 9號風啦喂...

結果哥哥就打左一日機, 小桃就睇左一日電視...

點解我地無訓覺既呢?!?

Cova

今日公司有個客人請食lun豬,我地公司一行3個人去食,佢地訂左Cova,為表禮儀,我都不敢太過醜怪, 食既飲既都問一問大家既意見先!

整餐飯最開心既係有Pamaham食, 真係my飛弗...

大家都在討論奧運同鸚鵡,唔知聽日打唔打得成風,可以放一日假呢?

不能太醜怪下, 只能影到杯coffee,好好飲, 下次約朋友食, 一定要勁食勁食!!!

新包裝

今晚一家人提早同媽媽慶祝生日,約左去佐敦食飯!

今晚有好精彩既奧運女排,而我地咁岩又安排左響大電視前面個張table,結果14人齊齊成晚望住個電視響到叫,搞到其他人都以為好緊張,好搞笑

買左部新相機Canon 860比媽媽,睇過好多人都話呢部係最好,出左成年都仲係咁正,雖然只有800萬,但我鍾意佢有wide angle,岩曬鍾意影相既媽媽,雖然佢口話佢有好多部相機,但我同哥哥一致認為佢係好鍾意既,哈哈!

今晚食飯仲有新既芬達罐,見到同哥哥忍唔住即刻影低,雖然無左355ml,但見佢新packing,都真係幾靚~

愛心lun豬

唔好以為見到個碗得返一半就以為我食食下影，其實…

哥哥頭先做完野打比我，話想食粢飯，佢渣車去左cwb買完之後，佢知我無lun豬，哈，仲買埋我個份。

響等我既時候，仲將個我好鍾意飲既酸辣湯分左一半…

有您呢個Honey真係好^v^，lum曬

沒有工人的日子完結篇

沒有工人的日子終於要完結了，歷時差唔多５個月。

今日我地飲完茶就一行人去接佢返屋企，見到佢唔聲唔聲咁，好似好驚，返到屋企執左一陣野，爹爹就invite左跛跛一家同BB黎食飯，見到佢手震震咁，連去倒垃圾都唔記得左邊度門，哈哈…

不過在我、++同埋哥哥努力之下，加上跛跛幫手用筷子撈醃好既肉(^o^)，我地都整左一餐豐富既晚餐出黎，好耐無親朋到訪既感覺，就算有少少身水身汗都值得既，學哥哥話齋，唔駛洗都好開心架啦～

亞Ling，您要加油呀

蜜蜜早餐

由於尋晚整個新既xbox360唔掂，我諗住今日就幫哥哥攞去金鐘HMV再換過新既，所以哥哥今日晨咁早就黎左我屋企（為左要比部機我），咁難得晨咁早見到佢（好似真係未試過），就梗係一定食埋個早晨啦～

因為xbox真係好重，哥哥仲車我去地鐵站添，您真係好啦～～～

天氣晴朗，心情都特別好

哈，當然我就梗係換到部新既xbox360返黎啦，yeah，可以邀功（^v^）

Xbox360 60G出世啦

今日出xbox360 60G既大日子，我提一提哥哥之下，佢先醒起今日係第一日，所以今朝就幫佢打去不同既地方去check同reserve部機啦！

幸好，我打去旺角既時候，佢話可以留部機比我(^v^)

點知哥哥之後再打比我話比我知金鐘HMV有喎，我咪即刻落去攞囉，點知重到呀…好在有您黎車我咋…

您睇佢幾咁滿足 (^V^)

日式煎蛋初試篇

好耐之前，同哥哥行city super，佢已經想買個煎pan整日式煎蛋，有一次我就買左比佢，但一直都無整。

今日我同佢就無啦啦patpat痕咁話要整下。

好，就黎一個日式煎蛋初試篇…

材料：

雞蛋 3隻/ 日式味醂 一茶匙 (如圖) / 應該要落糖(但我地應該落唔夠)/ 水少少

日式煎蛋pan如圖：

煮法非常簡單 :

1) 倒少少蛋落個pan度, 要 keep住唔好比佢起泡泡

2) look look look佢如圖:

3) 將已look好既放響一邊,再響另一邊倒新既蛋汁

4)煎一煎個接口位

5) 完成

同場加映我同哥哥另一味新餸: 蒜茸蒸粉絲勝瓜

還有哥哥話今日整菜飯...

點解個味個哥哥整既豆腐蒸豬肉一樣味既?

 

覆診記

上個星期住左幾日醫院，醫生就叫我食一星期藥之後返黎覆診，見工作上無咁忙，今朝就起身先去覆診，之後先返公司。

哈，今朝坐巴士去醫院，雖然烈日當空，但我坐既係熱狗（即無冷氣既巴士），突然又有一點懷念細細個開大隻窗吹風既感覺…

去到醫院，嘩，原來就算私家醫院，都有咁多人黎睇架喎！幸好我睇既係心臟科，比較少人（唔明點解係幸好？明明就係心臟科咁大件事=.=”）。入到去，就梗係問醫生點解我食曬ｄ藥都仲有痛啦，又問佢點解會有咁既病因，呢個院長由第一日見佢就已經覺得佢好鬼玄，佢話我咩事都無，check過report真係無事，話比佢聽我仲有痛，佢就話refer個胸肺科比我睇（乜我之前唔係check過胸肺無問題咩？）佢又話係架，其實可以唔駛睇，已經唔知點答好？

最搞笑既係…我問佢仲有痛，駛唔駛再食藥，佢竟然答我：「係人都會呢度痛個度痛架啦，睇過您無事，您唔駛再食藥。」好，咁我就唔理，到我突然有咩事，就等屋企人告到您甩褲，哼！

今晚奧運開幕，嘩，精彩到呀～張藝謀好勁！

睇到李寧點聖火個刻，同唱國歌個刻，唔知點解個心有一點點既感動，唔通我都係「我地就係奧運」？

番茄豆腐排吉湯

沒有工人的日子 – 已經唔知第幾多天，不過經過呢個少少的試驗，就知道我同哥哥就算第時無工人，都係會做家務同堅持煮飯既…

我地由以前會煮d好油煙既餸，但又煮又食又洗，仲要拖地，之後仲有機會要洗衫，確實無左好多休息既時間，所以呢家會學叻左，只係煮ｄ簡單既菜色。

自從早幾日同哥哥整左個雜菜煲之後，我兩個就相當驚訝於無論洗既同煮既都相當方便既做法，於是今日我地就encore煲湯…

登登登登…

番茄豆腐排吉湯，雖然煲得唔係好耐，但都真係超好味，哈，因為呢幾個月既關係，我地仲認識左相熟既菜販同埋凍肉店主，唔怕比人呃，而佢既排吉又真係好鬼好味，食到我、哥哥同++都停唔到口。

三個月後既約會

知道之前優先訂飛既「男磨坊」已經滿左，今日開始公開訂飛，哈，我就成朝響公司上網不停咁search，成日都error，幸好差唔多lun豬既時候比我買到飛。

仲約左哥哥食飯，就順便去攞飛，哈，點知見到11月就「男人之虎」做，用compass visa仲有七五折，我同哥哥就買埋5/11既飛，哈哈，成手都係飛...

３個月後既約會，好搞笑～

UCC感動味蕾記

上一次食既UCC我總係覺得叫左唔係好好食既意粉，見自己呢排食藥食到無曬胃口，今日就約哥哥再食多次UCC，至少佢既沙律吧同埋咖啡都叫我倆興奮。

有上次既體驗，今次哥哥整既沙律高了很多，味道亦分得岩岩好，好好味。

我同哥哥今日特別欣賞佢既海鮮湯意粉，兩個都不停咁食呢碟，哥哥仲話想下次響屋企試下整添！

而呢個漢堡咖哩，哥哥就好有信心咁話佢整得好食D，哈哈，好好笑，不過我依然好欣賞佢既咖哩，好好味！

睇哥哥幾自豪既樣，就知今次既沙律係好成功啦！

仲有佢地好好飲既咖啡，真係好感動味蕾既一餐～

嘉嘉慶生記

之前響醫院，唔可以同嘉嘉慶祝生日，幸好大家定了今日晚上一齊慶祝嘉嘉生日，我都能夠參與。

晚上同哥哥車埋DD一齊去尖沙咀，哈，用iPhone影出來既夜影也很不錯吧！

DD今日仲好有諗頭，要一齊玩「世界之最」，我同哥哥就被分到唔同組，哈，點都有bonus分既一對，呵呵呵....睇下BB幾咁落力幫DD一齊主持遊戲

話說其中一最係哥哥同強記鬥快飲曬一杯蔗水，我心諗哥哥一定贏，哥哥平時飲野真係好快架，點知...哥哥飲得太快，響隻杯度仲留低左一啖蔗水，輸左...

哈，成家人都不停咁笑...

之前食既都會係豬屎龍蝦，我同跛跛都享受唔到，今日爹爹好好，除左豬屎之外，仲有上湯，yeah，實在太感動啦～

小店

今日哥哥放工，我地再一次去食小店。

它是一間在九龍城的西餐廳吧，聽哥哥講，佢係由一間好細既店越開越大，都岩既，九龍城都無西餐食...

今日試佢既lun豬，都唔錯喎...有扒又有南瓜雞肉意粉，好好食。

同場加映哥哥低能的表情^o^