Dabi@Day140 - 我要洗白白

媽mi，我大個仔啦，可以自己洗白白啦！

不過.....好似差緊d野咁....

Dabi@Day139 - 碰碰頭

今晚約左嫲嫲食晚飯！揀左和民，幸好有++去等位，仲要係卡位我先可以好安心咁餵人奶。正！

食完之後，點知同媽咪碰碰頭，成個額頭即刻紅左....

陰公豬

Dabi@Day138 - 網中B

有姑姐響到既一日，Dabi既生活都係多采多姿既！
今日，Dabi就試玩網床...

係....網中B!!
呢個係Dabi既洗衣籃.....

咦，媽mi，我點解響呢度既？

Dabi@Day137 - 開心BB

無工人，出街食飯既機會自然多。
今日又係好日子，同老公去左食Pokka Cafe。
事緣係老公想食芭菲杯，一直大家都仲認為Pokka Cafe係有得食。
點知等完位，見到個menu，大家先知已經無左呢樣野。
真傷心....

不過幸好都有呢隻開心小豬陪我地，佢仲好乖，我地食既時候，佢就響車車玩，我地食完，佢就開始唔耐煩要抱。
其實湊住佢，見到佢咁開心，真係咩都抵返曬。

我整唔到隻小豬笑得勁開心....

老公仲比我買左對新波鞋，想買對高身波鞋好耐。
Yeah........

我家的二廚

時間真寶貴，追到追唔返！
無左工人既日子，湊仔忙左二百倍。
連電腦都無時間開，大家既blog又無時間追。
可以上到iPhone個facebook已經大吉。

呢家無左工人，煮飯既工作就交左比老公。
屋企有老爺就會老爺煮，老爺唔響屋企就會老公煮，排隊都未到我..呵呵呵..

老公煮得一手好餸，就算佢未煮過，第一次煮都會好好食。

老公記得我鍾意食牛仔骨，特登買返黎整比我食。

兩個人食三餸一飯，真勁！
好好味，多謝老公。

Dabi@Day134 - 公園亞伯嘆世界

今日神婆入左黎探Dabi B，而我地又岩岩餵完奶，咁神婆就話不如一齊出去食lun豬。有人睇住個仔，有得出去行下，梗好啦。
本身只係話去對面食茶記，唔知點解講講下又會去左新城市 (媽mi藉口係去街)。
結果神婆就打埋比太婆，一行4代同堂咁走左去美心飲茶 (野食同服務都堅唔得)。
有神婆響到，我就連暗訓既工作都可以唔駛，安心食，安心傾。呵呵呵....
臨走前，仲走左去屎撈比影相。呢個Dabi B，真係好搞笑，唔知以為佢坐得好穩陣。其實神婆就響佢身邊以備佢不時要訓低，而我就快快手影相。
呢個小朋友，仲以為自己好型咁蹺腳坐，笑屎。

後記：敗家亞媽去新城市點會唔買野呀？
藉口就係：呀～Dabi既外套全部都有拉鍊，好似整到塊面豬仔。
結果，就敗左Hallmark既外套返屋企。
(都唔明點解女仔既衫靚咁多？！)

Dabi@Day130 - 我要sir滑梯

過左好多日陰陰沉沉既日子，今日見到有太陽。
見到Dabi又幾精神，姑姐又諗住出門口，我就換好衫，諗住同Dabi B落樓下會所公園行一行。
Dabi B真係好搞笑，佢完全唔知咩樹，就係咁比人舞。

太陽伯伯出來了。
哎呀，媽mi，好曬呀！我睇你唔到既....

我係咪好可愛呢？成個港女自拍咁。。。

媽mi，唔好留低我一個響到呀～
真係好曬呀！

之後同佢去埋7仔買野，先返屋企。
抱住呢個小豬仔一陣，已經手攰攰。
不過可以同佢落去曬下太陽，見到佢都好enjoy～

Dabi@Day129 - 爺爺，生日快樂！

尋晚老公幫Dabi做BB按摩既時候，我發現原來Dabi個頭已經可以抬得好高下。
之前早排一味想佢轉身，佢又懶仔，又無啦啦凍返，所以所有tummy time都停止埋。
不過老公就話我大驚小怪，哈哈哈...
因為佢日日都幫Dabi做BB按摩，一早知佢可以抬得咁早啦喎！

今日係爺爺大生日，今年由++選址左去食私房菜 - Le Mieux Bistro。
本想今朝早少少起身陪爺爺飲茶計劃失敗，唉....
不過食晚就一家人齊齊整整出發去灣仔，呵呵呵！

無我地想像中咁好食，加上佢要$750一個人，我地覺得唔係好抵。
不過最緊要一家人開開心心，爺爺身體健健康康。

題外話：由Dabi出世至今，我覺得Dabi同爺爺真係幾有緣份。
每次Dabi見到爺爺都會笑笑笑 (笑得勁過對住我地)。
爺爺抱住佢會唔喊，乖乖地。
當然，佢咁識撈，爺爺都真係錫爆佢。

Dabi@Day128 - 第一口米糊Heathy Times

呢個厭奶小寶貝真係令我好頭痕。
一黎就係睇住佢既磅數無升到，又睇住佢既肥脾仔越黎越唔見肉.....
曾經真係覺得關媽媽奶樹，有諗過不如比佢食奶粉啦！
但好彩個一刻，我去左睇Mrs Cocoa Bean同埋羊咩咩夫人既blog，重唔重都只係其次，真係打好個底先緊要！所以我又堅持落去....
諗住開始可以食固體就可能會好少少。

之前做左research，多得11月既媽媽同埋好友tintin & blogger 小sin子，我揀左Healthy Times。
米糊大作戰參考
其實我都有諗過比Beanstalk佢食，但咁岩就日本大地震，可以揀既都係唔好同日本人爭。而且Healthy Times我自己覺得都好易買到。
聽左tintin教我點整，自己就走左去泵30ml媽媽奶，加1 tablespoon既米糊。
不過今次我唔係響Dabi好肚餓時餵 (怕佢唔肯埋返身就大獲)。
所以佢無KO曬成碗，但我比老公試過，佢話有米香味，唔錯。
不過我諗水得滯，一路餵，其實佢都有唔少響咀角留返出黎。
下次我地再努力！

Dabi@Day126 - 健康院4個月檢查

今日同Dabi B返健康院做佢4個月檢查，一直都好想快D返黎，因為佢由1月尾開始厭奶，重都唔重下。真係擔心屎人...
望穿秋水終於可以返到黎啦！
我仲特登響佢黎之前，比佢食奶奶，等佢可以重少少。
點知...佢只係得5.97kg，明明響屋企磅都可以有14磅，估唔到衫仔都重成磅。
真係擔心屎人

爸爸就抱住呢個小朋友響眾多媽媽群中！等到小豬都唔耐煩，幸好當佢準備訓既時候，就叫佢啦！姑娘都話佢重得麻麻，不過佢就叫我比少少耐性，等到6個月可以食固體，希望佢好少少。
但我地響等既途中，見到一個8個月既BB，佢呢家都係得6.XXkg，都係兩個月開始厭奶，厭到8個月，嘩！所以唔重磅，都無計！希望Dabi B唔好厭咁耐～

夜晚約左99響新城市食飯，見到老公揹到成身都係袋，爸爸真偉大！

Dabi@Day125 - 姑姐有禮!!

姑姐今日響台灣返黎，響我同老公一齊響到撳緊錢既時候，佢攞左兩個玩具比Dabi。
哈哈哈。。。

最鍾意個個食手指既玩具，不過比過Dabi攞住，佢次次都放唔到落口，不過就差少少督到對眼。

多謝姑姐！

Dabi@Day124 - 打完針針發燒B

今日約左同Dabi打4個月既針針，呢個狠心既媽咪仲同佢約一次過打曬4個月既針針 - 肺鍊/5合1/食輪狀。諗住佢唔舒服都係一次過，唔駛佢辛苦兩次嘛！
一早去到醫生度，嘩...等到頸都長。等左成個鐘都未到Dabi...你都咪話唔辛苦。
幸好呢個叻叻豬，只係喊左兩聲，不過就係尖叫既喊聲，叫你唔好唔好呀！吉完左脾吉右脾，就無事啦！不過出到黎就個個都望住呢個傻豬豬，睇下佢咩樹響入面大叫。
題外話：諗住問下醫生佢幾多磅啦，點知佢無BB磅都算，佢叫我企上去磅，枝針都未停就叫我落黎，之後就話Dabi重得好好。有成7kg
唔係嘛，我響屋企磅黎磅去都只係得14磅，點搞呀？好嬲個不盡責既醫生。

返到屋企Dabi仲係食得玩得，不過去到7點幾，就已經好熱熱。
探一探都已經99度幾，比平時已經熱好多啦！
差唔多100度我地都係決定比佢食退燒藥，點知佢食完就無事。
但下一餐奶之前一度，又係去返99度幾，好慘豬。
成晚都係咁樣燒下退下....

今朝一度，仲要係100.6度，下......
擔心屎媽mi啦！
即刻同佢貼個退熱貼，桃媽都入左黎幫手照顧佢。

幸好下午已經退曬燒，無咩樹啦！
～叻豬～