睇場@彩福皇宴

同嘉嘉去完美麗華之後，我地兩個就再戰都會既彩福皇宴，話說佢呢度都好full，網上comment又唔錯，我地都諗過擺酒樓，黎緊18/10玲表姐會響呢度擺酒，所以我同嘉嘉就行埋黎呢度睇～

呢度包場只不過係$150K，可以擺35圍，不過D野就好似舊左少少，但我同嘉嘉都覺得呢個sales姐姐幾好人，咩都話有得傾，仲要串我tim：話說我同嘉嘉諗住問定可唔可以改期，點知，個女仔就兜個圈黎串我，先比張人地結婚前要準備既野，之後話：「通常都係擇左日子，之後先會問酒席～」

比人串到同嘉嘉一句都答唔到，呵呵呵．．難得佢串得一d都唔難頂～

呢度唯一一個我幾喜愛既係：佢可以擺兩個禮堂（有中又有西）

大家覺得得呢？

睇場@The Mira

哥哥行動不便,幸有好妹妹++陪我去睇場

第一站是美麗華酒店,估都估唔到呢家佢咁鬼靚,成間hotel都好有cyber feel,唔講以為自己去左咩high class既hotel.

佢有4個Ball Room,如果擺酒既,可以book Ball 1-2 (橫闊),或者Ball 3-4 (長窄)

灰色呢個係Ball Room 4

綠色呢個係Ball Room 3

金色呢個係Ball 1-2, 而我同++都覺得Ball 1-2靚好多,不過只係可以擺22圍~~~

不過我特別鍾意佢個新娘房,超靚+海景

點知check過d期之後,Ball 1-2 既期都唔好,又好貴

貴在邊?哈哈...包全場酒水5小時每圍要差唔多$3000....諗極都唔明?

但著實好靚,所以我同++決定book佢既buffet,食餐好,呵呵呵~

思覺失調?

話說印印做野已經越黎越唔得:

做野慢(唔緊要,可以教)

溝通唔到(唔緊要,我可以學印印話)

煮野唔好食(唔緊要,可以自己煮或教)

講完既野成日唔記得(唔緊要,可以鬧)

但今日,爹爹見佢煲湯,話佢唔識煲,我同哥哥咪教佢囉,順便又由頭briefing佢一次,點知...佢話佢成日都聽到有d人聲同佢講野(以為佢撞鬼),佢講既時候仲要望住塊鏡,嚇死我!再問多兩句,哥哥出埋黎,佢話響Singapore已經係咁,所以佢會好angry,有時聽到同一把聲,有時又唔同,真係聽到我o曬咀!

不過可以肯定既係:佢已經有少少思覺失調....

點算?嚇都嚇死

Simon's Weddiing @ 萬豪

Simon - 他是我在ACNielsen的老闆,是一個超無聊超搞笑的黃子華忠實fan屎

我和Emily在他的team入面,是最開心不過,因為我和Emily兩個都無聊得很....

由入ACNielsen開始,Simon已經成日都話自己無女朋友,他的最大興趣就係去打Golf,好多大假既時候,都係去左打Golf...

2007年新年,我同Emily講話不如買盆桃花比Simon,放響佢個位,等佢旺一旺啦!就係咁,我就自己一個去左花墟,個時仲同個間既老闆娘講話一定要揀盆好既,唔係就真係大吉啦!

買完返去,佢仲好搞笑咁真係圍住盆桃花轉左3個圈....

2008年9月27日,Simon結婚了!雖然可能真係唔關盆桃花事,不過點都要邀工!!!!

坐在席上,看到他的Video,看到他的笑容,我感動了!真的很感動,畢竟是相處了兩年多的同事,看到他的幸福,我也深受感動!

周星星,恭喜您

囍訊

這是一個很特別的紀念,而這麼歡喜的消息又想記下來...

就只給朋友吧~~~(經哥哥同意,可以公開了^o^)

我們倆決定結婚了,雖然好多野都未定,但就是在中秋節,我們告訴了家人,我們要成家立室了!

真係咁恐怖!!

由於太恐怖,相片雖然有,但不在此提供了!

哥哥隻腳呢家腳踏4星(差3粒),但就要用柺仗黎行

我第一次見到個傷口,又作嘔又喊,點解要由個病人黎安慰返我轉頭呢?不過,可能我同哥哥都無諗過咁大件事,所以兩個都嚇左一大跳.....

哥哥,您要快d好返,咪我地點可以去九寨呀?

咁恐怖?

星期四個日,我地一行幾人食完飯,嘉嘉諗住去浸會睇門診入醫院check耳仔,而哥哥見自己隻腳板底一直損左都未好返,所以佢就一齊諗住睇埋

星期五入院,星期六醫生黎到,話呢d叫Warts,但已經唔可以用冷凍去整,要切緊d肉...

嘩嘩嘩~~~~~~

終於,今朝佢要做手術,見到佢咁驚,我都不知幾擔心,哥哥,您要快d出返黎~

好朋友的聚會

哥哥的老朋友迪捷響我地兩個食食下飯打黎,所以...

就係咁,我地就一齊出左去~~~~

原來我係波子棋高手,哈哈哈..承讓!!

點解梁生可以咁有興趣砌呢棵樹既呢?唔明白....

家好月圓慶中秋

這個2008年9月15日...可能是我最難忘的中秋節～

唔知係咪特登既咁岩既呢？不過就選擇左響呢個日子同屋企人食飯，而屋企人都好開心，一直怕媽媽會反對話危險既個一關都無問題了，都叫左自己唔好咁多假設性架啦～

點解妹豬永遠都咁可愛既呢？跌落地之後仲起身問大家：「仲咩事呀？」

而嘉嘉今年就贏曬，威威挑左個好靚既燈籠送比佢，不過哥哥個個那星燈籠，就已經響我心了！

今年真的很難忘，謝謝您～

家姐回歸

家姐回來了～
她是我小學同學（一d都唔熟)
她是我中學同學（唔知幾時開始無啦啦熟）
她是我最好的朋友

由佢中六去左美國，之後我去左澳洲之後，大家好似都無乜見過，佢返黎我唔響香港，我返黎佢又唔響香港。

咁多年之後，我地終於可以再見面（但我肚痛）
今日可到見到既時候，大家傾既已經唔係小朋友的事了，家姐，見到您幸幸福福，我就真係開心＆放心了～

亞菇問點解佢無啦啦變左主角，呵呵呵．．明玩您^o^

連江嘉狗都2010年結婚了，呵呵．．我們都已經長大了～

男磨坊@演藝

好早知道有男磨坊做既時候，黃子華fans club既哥哥已經話要睇，結果用左一個上午既時間先可以上到網買飛，明明知道尾場同平時無分別，都特別揀黎睇既我，就死揀都要揀到最尾一場（呢家仲要加開兩場，死未）

成場笑位唔係特別多，但一笑就笑足您好耐，拍曬手掌，黃子華既急才真係好勁好勁，雖然佢地３個既角色都一樣咁重要，特別鍾意陳淑儀個幕連環口水台詞，好正！

５粒星推介～

欣賞

謝謝您！

您給我的驚喜真的…無一次我可以估到，今次都唔例外！

多謝您，那一份勇氣，是我始料不及，或者就是這麼簡單的一回事。

究竟十月尾可唔可以成行呢？最緊要都係媽媽個一關=.=”

打邊爐打到我第一個肚痛，響架車上面係咁同威威講可唔可以快d，都算係第一次，嘉嘉話我叫到好似生仔咁，呵呵呵…(我諗生仔痛廿倍)

向好方向諗

今日原本婆婆食飯，但哥哥話約左我唔去，其實我真係唔係咁多，因為今日主要都係攞資料，到打返比媽媽問的時候，佢就話已經取消左！
原本同哥哥唔係咁開心既一日，不過去到銅鑼灣見到佢...又無咩事！
其間仲聽到佢既一點點意見，其實都好呀，至少我知您諗緊咩，好在我地既意見都係一致，不過聽到您話最緊要好，唔怕個幾千蚊，個心真係唔知點解有少少感動，雖然我都係會選擇慳^^
之後同哥哥諗左好耐響銅鑼灣有咩好食既平時又食唔到，結果我地去左新寧餐廳，係意想不到既好食，本應唔食白汁既我，都讚佢既飯好食！

您睇佢食得幾開心

飲樣

今日哥哥去飲，所以佢執得好正，呵呵呵．．．

而我今晚就返左屋企dinner，哈

今晚，我鼓起左我畢生最大的勇氣！

快樂＠碗屋

這時我咁大個女第一次咁早book既餐廳，早響一個月前，已經聽到哥哥話想食（應該係話好耐好耐之前），所以就諗住打去book，點知d weekend full到不得了，於是我就把心一橫，reserve左waiting list又book埋今日。上次好似係打風，所以waiting list有都無用，而今日就終於有幸黎到中環碗屋食。
佢weekend食既係日本料理，亦都係比較多人食，好似因為佢個鵝肝好好食，而我同哥哥就諗都唔諗，咩都叫少少。

您睇下佢睇menu睇到幾入神...

上面兩個頭盤係送既...

仲有好好食既刺身

我鍾意食既蛋蛋同埋手卷都好好味～！雖然成$300幾蚊個人好似貴左少少，不過咁耐先一次，而咁好味，我同哥哥都無計啦^^

由於哥哥今日無渣車，我地就漫步去左坐船船

竟然響汽水機比我地搵到仲有355ml既可樂，點都要拍照留念^^

專業

公司決定了找model姐姐拍照，這天，我就肩負重任去看agency為我們揀的model姐姐拍硬照。
她不算是專業，但拍照的就個個都很專業，不過這一天真的讓我大開眼界，原來最麻唔係影個下，set個下真係搞您半日，真係想講一句：駛唔駛咁耐呀？
而我就係行行企企，指手劃腳...
原來做model都唔易，少少$搞足您半日，又要咁又要咁，真係緊張到青筋都出埋！

希望個稿好好地，生生性性啦！