擬結婚通知書

自己一直都呢方面零知識，如果唔係教堂個邊話比我知要自己搞，仲以為教堂會幫我搞。幸好，教堂提左我，響岩岩confirm book到church既同時，佢真係幫我地作出多方面既提醒！

擬結婚通知書係要響結婚前３個月先可以去申請，響今日18/9係第一日可以申請，哥哥超好，話今日陪埋我一齊黎，所以我地約左最早既時間8:45，仲咁岩可以做第一對新人，但都搞左成半個鐘有多，要9點半先可以完成。

聽住哥哥讀個段聲明，我除左錄音之外，我不停響到笑，真係好可愛。

12/10可以攞，又搞掂一樣野，好多人話呢樣野搵律師搞，但我就覺得自己親身去搞既感受係完全唔同！

煌府九展盛大開幕日

九月六日係九展煌府既盛大開幕日，自己由之前買樓花開始，其實您問我唔擔心就假既...不過一路響esdlife上面認識左好多同我一齊買樓花既姊妹，大家既感情建立起來，加埋煌府對我地呢一班新人既尊重，就慢慢令我放心～

終於等到今日啦，係佢地開幕既大日子，而更開心既係，小桃有幸被邀請為煌府當天開幕行貓行(Catwalk)，可以披起嫁衣，又可以「試結婚」，仲可以鄧煌府開心，真係開心屎～

個場唔駛講得多，一個字：grand！連屋企人黎到都嘩嘩聲～

更加估唔到既係....我地可以同柴九哥影相之餘，仲響成報見報，有成半版咁多架～

唔好講咁多，睇下煌府幾靚～
當然唔少得咁型既強哥！

未開始之前，我地不前響到玩，仲邀請左小桃同哥哥既媽媽黎開心一下！

有成15對新人行catwalk，梗係開心屎啦～
最搞笑既係，哥哥同我講，人人都就咁行，我地不如搵d野搞囉，結果呢一個吻都比大會攝影師影到，真係掂呀！

而有幸被吳剛師傅訪問都係我估唔到既，加埋哥哥估佢唔到既驚喜對答，唔單止見到強哥響台下拍手，連我都ｏ咀！

同場仲加映哥哥做我攝影師，幫我整婚紗照，哈哈，人人都讚佢好pro wor...

點解有一個咁grand既空中花園既呢？
要諗下點用先～～～

（鳴謝：以上相片大部份由煌府大會攝影提供）