親親細佬ｂ

細細生左ｂ之後，呢一個星期我地都多左入去探佢地，一黎想探下細佬ｂ，二黎同妹豬玩下等佢無咁悶！
呢一日就係大表哥第一次親親細佬ｂ啦，佢開頭話唔敢抱，哈....
但內心就梗係好想好想啦，經過大家支持之後，佢先敢抱起佢，但見佢同細佬ｂ講野，我又覺得佢好有愛心，um...掂曬！第時我就放心啦.....

Kelvin真係好好客，個個華盛頓蘋果真係唔野少，不愧為師奶殺手^^

響哥哥部電腦搵岩出世無幾耐既妹豬，哈，兩姊弟真係好似，唯一唔同既係，妹豬係萬世巨ｂ～～

Save the date (請投票!)

我既DIY由於上星期HoMe Office既關係，有少少進步，其中一樣開左波既就係"Save the date"，話曬仲有５個月就大日子，加上我地個日又係星期五，好似差唔多係時候要整親戚朋友，最想係用九寨既相，因為特別好多，大家有無咩意見呢？
#1                                                                  #2

 

#3                                                                   #4

 

#5                                                                  #6

      

#7                                                                  #8

      

還有這一個走過每一個春夏秋冬的年頭....
#9                                                                  #10

   

請投下您神聖既一票，多謝多謝^^

細佬B出世現場直擊報導

等左十個月，細佬ｂ要今日要出世啦～
我地有隆重而簡單既等細佬ｂ出世團，６點鐘就起左身，齊齊整整咁去探細細。
您睇細細幾咁High（註：未生前）

仲可以同嘉嘉有V仔手勢仔^^

而將會榮升第二任爸爸既Kevin，亦都響爛gap既同時，難掩佢緊張既心情！

唔少得既緊有攝記LeeLee^^

疑似細佬b出現既時候，一家人發左癲咁，原來唔係....

細佬b黎啦......

喱埋左

終於見到佢真面目啦！

姑娘好惡，哥哥部大機又要企好遠，只係影到佢蒙面既樣...

只有LeeLee佢攞住傻瓜機，咁岩細佬ｂ喊，得左....
成個妹豬咁，好搞笑^^

一班熱心既屋企人,....

一張緊張既爸爸～

Yeah，細佬ｂ出左世lu～

生左ｂ之後既細細，麻醉左，無曬力～
辛苦您啦，偉大的媽媽！

手花DIY第二回

去旅行前，去左深水埗買左串珠仔材料，諗住再次整手花DIY，今日要留響屋企自己隔離，係最好既機會做我既DIY～～～

個間好好人既舖頭，除左教我買幾多珠珠，仲送左條鐵線教我點樣易ｄ串，結果自己就打孖上，好似靚少少！
用熱溶槍將絲帶整上去.....

當然唔少得就係加返d葉做陪襯啦～
加埋新買既白色繡球同埋紅色牡丹，今次決定買自己婚禮theme既紅色，好嗎？

今次繡球無用成個，又將ｄ花徑整短左，戴埋上手，得左！

相比上一次呢一個，上一次清少少，今次就襯返自己個主題顏色，會唔會比姊妹戴既話太搶呢？

比少少意見我，等我可以大製作，好嗎？謝謝^^

法國婚紗外租試衫篇

去完旅行返黎，曬到成個賓賓咁，我今次真係覺得自己黑左好多^^

搞錯曬日子既旅程，幸好法國婚紗都比我改到期試衫，定左響今日試衫！
由於今次網上已經揀好曬衫，今次其實我自己知道好出事，因為我既揀衫困難症又出現，揀婚紗對我黎講無咩問題，但一揀到晚裝就真係好oh no....

為左保持神秘感，都係唔響到公開自己揀左咩衫，但我呢家竟然係寧願加$都揀左2件wg + 2件eg，呢家最oh no都係我未揀到席前個件衫，因為我地間酒樓仲裝修緊，已大家confirm左既backdrop係以下呢一個差唔多style，咁就會變左所有紫/粉紅/白都唔ok，點算呢？

DIY@婚嫁餅咭

今日，開始左我DIY既第一步 - 美心餅咭信封！
因為我唔知張餅咭可唔可以搞DIY(如果有人知，請話比我知），所以我就先搞個信封！

首先要多謝貓貓送贈我既囍字Die Cut（因為係貓貓送贈，所以我都唔知邊度有得買），有了大方向，就知自己既DIY應該向邊出發～
第二要多謝梗係男朋友個妹 - 嘉嘉啦！佢成為左我製毒工場既主要助手，不停幫我手...最緊要既係，我發現佢整得靚過我整，佢話我無得撈啦！

當然唔少得要多謝既係我未來老公，佢雖然口口聲聲話整完都無人睇、呢一個信封係最快比人掉左既item之一，但其實佢知我好想DIY，所以都無阻止我（應該係話阻止唔到^^）

雖然唔係張張都咁靚，但我真係打到手都軟埋....

每一張都要好大力先打到架～

而亞妹就整個條花花同埋兩隻Dove（原來喜鵲唔易搵到印仔），加埋金色閃粉，掂曬！

大功告成，不過由於數量太多，仍需努力～

Will you be my bridesmaids?

搞左幾多星期，搵相，搵主題，搵點整.....
終於，今日埋埋個尾，send左invitation card比各位姊妹～
雖然之前已經口頭問過，但總係覺得親自整比佢地有心少少，不過無用郵差叔叔寄出，誠意已經減左少少。
希望佢地唔好拒絕我啦，因為我結婚個日要麻煩佢地請假架！

最鍾意係同佢地每一個既珍貴照片回憶.....

18Dec,09就靠您地啦！

My Cuttlebug @ DIY (Thanks Mrs Cocoa Bean)

響呢度，真係要好多謝一個人，佢就係Mrs. Cocoa Bean，相信鍾意響婚禮到DIY既人，就知道佢係邊個^^ - 一個結左婚，將自己婚禮既DIY搞得有聲有色，睇到我木定口呆既一個新娘子！
而我雖然岩岩先開始睇佢個blog，但就已經學益良多。

最緊要既係，Mrs. Cocoa Bean幫我響美國買左我好想好想要既Cuttlebug寄比我！

本應我上網見到香港可以交收既一部台灣版A4 Size cuttlebug，不過本人總係對cuttlebug有信心少少，所以都係full paid咁樣托Mrs. Cocoa Bean幫我買！

佢上星期六幫我買同寄出，今日就收到啦！
一個急不及待既樣子....

Mrs. Cocoa Bean仲可以幫埋我買d embossing folder，靚得絕！

大曬冷～

一試已經上癮啦！！！！

大出血@DIY工具

見婚禮只係剩返6個月唔夠，我呢排最緊張既，竟然係....
我既「DIY希望工程」～
點解係希望工程，當然係因為好多野我都想自己DIY，但到呢家為止都只能係一個希望，未能實現，但小妹仍在努力籌備中！

今日有幸同哥哥出去影相（我地兩個好似好耐無見過太陽），所以要帶單鏡出去努力練習一下，一個努力練習影，一個努力練習做Model，哈～

雖然出面真係熱到痴左線，但我地兩個都係滴住汗去玩....

最好既係，哥哥知道我有一個大大大目標，就係去買DIY用料～
去到已經知道自己無命走，因為一向我行親呢Ｄ地方都會出事，就算幾有目標，都會買到敗曬身家先返屋企！加上Sales姐姐問我join唔join做會員，有永久９折優惠（個腦都無諗過人地會唔會執），就響度再諗再想要買咩？
敗家之作如下：
我係為呢一舊野而去架....

當然唔少得呢d配件啦～

後面個袋綠色話係做會員送架（女人真係易氹）

結果係一堆咭字、一個印仔同埋一個閃粉....

小試牛刀，亞妹響到寫，我做到倒粉，幾靚呀，相信金色會好正＠.@

我既希望工程一定得既～