2009最後的一天

這個2009真的很豐富，它給我很多很多的第一次。
第一次拍香港的婚紗照，第一次搞婚禮，
第一次當主角，第一次做人地老婆，
第一次比人叫蔡太，第一次....
其實我真係估都估唔到自己響今年可以嫁得出，
全靠自己搵到個好老公，佢真係超級無敵好老公，
凡事都以我為先，好錫我。
1218您們每一個給了我一個難忘的婚禮，謝謝～！

展望2010我地四月既歐洲蜜月之旅順利，
之後能養好身子，唔好飲可樂
為我地既蔡B做準備！

註：婆婆響2009最尾既今日入左醫院，真係令人擔心。
期望您健健康康，一齊迎接快樂既Twenty Ten～

Blog標題的疑問

Blogger們，

我試過問Yahoo...
我試過用其他電腦...
我試過每一日睇幾次....
但我都無辦法轉我既blog banner，佢無左可以upload電腦相既function，揀從相簿中挑選，佢又話輸入唔正確，有無人可以救我呀？

存菜第一回

結婚個晚，我地始終都要應承人地開幾多圍，結果個晚有好既經理，幫我將黎既賓客整到岩岩好，當晚所以存在兩圍菜！

咁岩我知舅母就黎返澳洲，所以我地今晚就約埋一齊黎食！

今晚地點改為都會煌府，貪佢地點就腳一D，我個晚咩都無食，今晚終於可以食餐飽，最開心既係一家人齊齊整整，健健康康。

同場加映我同伴娘表妹既合照，哈哈，好似Monchhichi～
多謝您特登請假返黎幫我做伴娘，有您做我婚禮既伴娘，係我最大既心願！

碎陰真係唔錯，哈哈哈～

碎陰回歸篇

闊別一年半之多，我既碎陰回歸了！

為左結婚，我頭髮既陰已經年半都無剪過長度，每一次去Salon，佢都好清楚咁幫我留返d陰，就連成個頭髮既長度都無乜點改變，除左之前身痕咁走左去電髮之外。
今日我終於可以大大聲咁叫我個髮型師幫我剪返碎陰。
回家後，老公不停笑我，我就話比佢聽，結左婚既人，就要扮下後生架啦，呵呵呵！好鍾意有返碎陰既感覺，嘻！

Blogger的心血

今日約左blogger嘉嘉食lun豬，因為我有大量DIY婚後物資唔要，呢D野最好當然搵個識欣賞既人，我已經唔知袋入面有咩物資，只係知好重好重。
收到您既帖，真係好開心，我鍾意睇DIY既野，更鍾意欣賞您地既心血，睇到您那一格一格既雕花，嘩，我真係嚇親，我真係好榮幸自己有其中一個收到您呢張血淚帖，好貴重，真係好靚！多謝您～
希望物重情義更重，您會岩用啦！您結婚個日，一定係全場最靚個個，可以識到您真開心。
靜雞雞咁響呢度祝您2010年身體健康，結婚個日順順利利，搵到份好野，哈！（我個人真係幾無聊！）

3D IMAX 阿凡達 Avatar

故事簡介
《阿凡達》的故事敘述在未來世界中，人類為取得另一星球資源，開啟阿凡達計畫，以人類與納美人的DNA混血，培養出身高近3米高的阿凡達，以利在潘朵拉星球生存並採礦。
受傷的退役軍人傑克，首肯接受實驗並以他的阿凡達來到天堂般的潘朵拉星球。然而，在這唯美幽境裡，地上爬的、天上飛的、土裡鑽的生物卻隻隻巨大致命…

傑克背負重任，身處險境中，與納美人首次的意外接觸後，雖然開啟了溝通的可能性，卻也即將面臨一場意想不到、浩瀚壯烈的世紀衝突與空前啟示…

由之前一無所知，到上映左一段時間，結完婚老公話想睇，我先知呢套戲原來係《鐵達尼號》天價大導演占士金馬倫 (James Cameron) 籌備及製作14年的最新嘔心瀝血傑作，全片以3D去睇。由於老公話想睇，我就二話不說咁一結完婚就上網開始搵飛訂，學老公咁講，一係唔睇，一睇就梗係睇IMAX版啦，由於方便泊車，我梗係揀MegaBox，但係望下真係無論早午晚，甚至假期既子夜場都全院爆滿，嚇死人！
幸好，我睇下睇下，見到28/12最後個排邊邊有兩個唔錯既位（嘉慧話睇IMAX，最後個排就已經OK），即刻走去買飛！

今日同老公手拖手去睇戲，雖然遇上開場前小插曲，發現自己出門口時，兩隻con掉轉左黎戴，唯有老公渣車返屋企再攞過，老公為左我既大頭蝦，遲左５分鐘先可以入場睇，sorry！
一去到戴左呢副黑超，真係好勁，所有野都變得靚左好多，特別鍾意佢地坐隻雀飛黎飛去時睇到既景！當然同時響套戲度，睇到人類有幾殘忍，老公話所以要佢黎保衛D樹喎，激死～

全套戲我反而覺得拖得太長，所以有少少悶，可能係我地兩公婆期望太高入去睇啦，不過睇佢呢套3D大製作，我都係覺得好值得既！

十月圍城早場篇

故事簡介 (copy from cinema.com.hk)
1905年，香港，消息傳來：革命領袖孫中山決定冒險赴港，名為探望母親，實則與革命代表見面。為保衛孫先生的安全，革命志士與清廷鷹犬、港英政府之間展開了一場殊死較量。
革命志士陳少白，聯絡富商李玉堂，希望其能出資“邀請”江湖高手保護孫先生。李玉堂發掘出五位大隱于市的高手，組成臨時“護衛隊”來保護孫先生。
一切準備就緒，孫先生如期抵港。
清廷派出的暗殺隊，遠比李玉堂等人想像的兇狠。這些寂寂無名的平凡百姓，在良知與正義的呼喚下，放棄了家庭、愛情、事業、友情，最後，甚至是生命。
一場又一場的血戰與惡鬥，在香港的街頭巷尾展開。
最終，孫先生安全離港，繼續為革命事業奔波。
六年後，辛亥革命爆發。

尋日響迪迪尼，DD打黎問今日睇戲好唔好？結果竟然係去左iSquare到睇早場10點鐘既「十月圍城」。
未睇之前，我同老公講：「死梗啦！我對呢類古裝好似會好悶既戲，咁早睇，我怕我會訓著！」但我....竟然比套戲吸引住，由頭睇到落尾，全片139分鐘，我都無訓著，仲覺得好好睇！

特別鍾意老爺呢個角色，佢真係發揮得唔錯，尤其係佢響差人要黎封舖唔比派報紙個幕，真係幾深刻！
當然，個人仍然對黎明呢個角色好有保留，係佢做戲未到家，定係呢個角色可以發揮既有限，我就唔知啦～除左以上，仍然有一個笑位，相信睇完既，大家都會同我一樣問點解要搵佢出一出場呢？
而嘉慧就話一路睇，隔離個Auntie就一路喊，睇黎我對孫中山既歷史未知得夠深，都係好似當戲咁睇吧！

題外話：話說iSquare呢家趕工階段，間間舖都想開黎做生意，結果睇戲前，睇戲時，睇戲後都聽到鑽牆聲，好唔Alright，又唔覺得facilities特別好，員工指示又唔清楚，所以，未係一間值得推介既影院！

婚後第一個outing...去迪迪尼做足準備

朋友自澳洲回來飲我地兩個餐囍宴，真係多謝曬！
佢地相約扑星Day一齊去迪迪黎，我地呢兩個大細路當然無問題啦...
去迪迪尼做足準備...

一直都話今日天氣麻麻，有機會落雨，但10點左右黎到之後，見到仲有陽光，不知幾開心，睇我地勁影相就知！一黎到就見到聖誕裝束既米老鼠同埋Donald Duck，不過由於排隊已被截，唯有下午先搵佢地影啦～

第一站佢地揀左Space Mountain，所以我就可以行下街，濕下平。巴斯光年次次都可以搵到佢影相，今次都唔例外！

之後去左小小世界，真係幾失望，入到去所有野都係好簡陋，怪唔知得排５分鐘就得啦！今次第一次見到Eeyore，所以我超興奮，不停同佢地影相！

唔少得既城堡相，點知比Victor cut左個城堡頂，好在呢個世界有偉大既發明photoshop，掂曬！

可以同聖誕米老鼠影相，全靠諗到一路睇Parade，一路排影相隊，所以，排左一陣就可以同佢地影啦～

最搞笑係睇3D Donald，可能自己睇左幾次，沒有太大反應，今次坐我隔離既係個Auntie，佢一路睇，一路伸手摸，唔緊要，仲一路嗌：「巧令呀！」「嘩，稍美能呀！」睇到我兩公婆滴曬汗！

最開心係可以同Donald Duck影相，見到大街開始著燈，咪用個雪影眼鏡睇下囉，點知原來係咁靚架wor～
最搞笑係Donald同Daisy見到老公個肚腩，話要同佢影相，Donald仲摸摸自己個肚，之後擰曬頭咁話自己都無咁大個肚dum，哈哈哈！

假期係９點先放煙花，見朋友仔上次響日本睇唔到，我地都捨命陪君子，響到等，玩埋排最長龍既馳車天地，睇埋迪迪仔，8點就開始坐響到等，不過有聖誕氣氛係唔同D，煙花都好似浪漫D咁，仲響大街有飄雪效果，好正呀！

Hubby，婚後第一次同您出黎outing，但願日日都同您甜甜蜜蜜！

耶誕節合家歡派對

今日DD準備左好豐富既耶誕節派對比我地合家歡一齊參與，仲廣邀好友前來，當中不乏的當然係小朋友，今日由於就小朋友訓下午覺覺，時間係12-4pm，DD同++地仲一早去左會所Set up，超有planning！

一去到已經見到細細帶埋妹豬同細佬ｂ黎左，我見細佬Ｂ咁精神，就忍唔住好快抱上手玩，哈...一個乜都笑既小朋友！

而威威就響到吹波波....

仲有之前預備好既禮物....嘩，好多呀！

細佬ｂ今日個聖誕老人既造型好得！

除左小朋友玩得不亦樂乎之外，連大人都係，媽媽響到玩遊戲，同時間，個女都響到嚎哭中，哈哈哈..

最開心當然係有獎抽，個個都滿載而歸～

最搞笑莫過於玩收買佬，收錶既時候，我地team只得我個一隻，我就好快攤開手去和Uncle度，佢明明唔係我個組，都比佢隻錶我，結果就係咁，無啦啦追返上黎，我地呢組嬴左！

細佬B超乖，玩完就識訓，老公，您要學下抱bb啦，第時假如我地有bb，您都要幫手湊架！

We are married

We are happy to announce that：

 (✿◕‿◕)We are married！(◕‿◕✿)

成為蔡太的第一天

籌備了一年多，今天我要成為蔡太了～

一個超感動、超開心既婚禮，多謝大家比面！

老公，謝謝您給我的驚喜，第一次眼淚唔係流出黎，係滴出黎，哈哈哈.....

1218的點滴，要私有化，對不起～

我倆的1218

2009年12月18日

我知道這個屬於Crystal & Onkit的1218已經在今日完滿結束，是感動，是驚喜，是滿有恩典，是愛，是難忘，是激動的！

由Crystal成為蔡太的每一個過程都是那麼難忘，那麼的精彩，是一個畢生難忘的回憶！我想，當中我不知道的仍有很多，我遺忘的仍有很多，但願從收到的照片影片上找回來那每一個您給予我倆的回憶～

想多謝的人仍有很多，想記下的是記不完，我會在這裡(希望不要error)記下1218前前後後的點點滴滴，多謝您們，陪伴我倆見證1218～

Outstanding List

1) 手花
2) 襟花
3) Seating Plan
4) 教會程序表
5) Esorted Card
6) Welcome Board
7) Table No
8) Menu
9) 簽名版
10) 糖
11) 簽名筆
12) wishing tree
13) 人形foam board
14) 愛的宣言
15)

短暫的快樂@Cafe World

睇住澳門賽車，玩住Cafe World....

最開心既係，突然之間發現，我成為No.1，羸左跛跛差唔多1000分之多～

 

傑作之誕生

終於終於.....
一直自己急到爆但又拖到一拖再拖既..............帖+church invitation card終於完成啦！
今日去攞既時候，真係覺得有血有汗，好似係自己湊大既小寶寶咁...

朋友仔，準備接炸彈啦^___^

全職婚禮統籌人

唔駛返工一星期，日日都係無事忙，唔係搞結婚野就係搞結婚野，死啦死啦，不知不覺間，已經變左全職既婚禮統籌人，不過都有好野既，就係呢家好多新娘子都會黎問我料，問我邊度book咩好，咁當然我都係只會以過來人身份分享一下，希望幫到大家。

除左呢個職位之外，我仲做左另外幾份part time，第一份梗係呢家都出名既cafe world

，明明佢就同restaurant city一樣，但自己就唔知點解沉迷到傻左，日日計住如果自己要出街，就要煮５個鐘既pizza，如果自己成日響屋企，就可以煮沙律，如果沖涼咩，就煮個串燒岩曬，沉迷到有５粒星。

老公超好，日日怕我唔出街會悶（我係宅女黎架嘛），返黎都話想陪我出去食飯，傻瓜，其實有您陪我已經好好了！
尋日佢話要快ｄ生返個蔡ｂ，等我有野做，唔駛咁悶，正傻瓜～

倒數59天

唔駛返工既日子，以為自己可以接生意返黎做，但呢幾日都係忙於搞自己既婚禮，真係接都唔敢接。

今日又走左去搞帖，帖既design已經接近尾聲，應該可以去印，但就仲未睇帖封，真係唔多ok，所以今日就走左去睇一轉，幸好都唔難搵，亦都唔貴。其實一直都怕自己會用太多$響呢個帖上面，話曬都係人地一收到就唔知會唔會掉埋一邊，但我自己仍有自己既堅持，一生人一次，無理由唔搞自己想搞既野。

再響同小Joe傾電話期間，講開未搞紅酒，佢就叫我不如上一上夏生個度，結果就係咁上去賣醉，原來咁既價都可以有咁好飲既紅酒，真係飲到我想再飲，仲想問佢單枝買，咁當然係無啦，下次帶埋哥哥上黎試完就掂曬！

晚上會合劉Auntie去睇喼，佢話係嫁妝之一，要佢買架喎，所以我地今日就走左去睇啦，佢仲話想睇多款d，不如去Sogo睇，明明我無心理準備要去cwb架嘛，搞到我著拖鞋咁ugly，幸好都無乜人會留意我呢個look jeh～

睇左唔係太貴就係唔靚，一係就無紅色，終於搵到兩個，左邊個個係軟喼，仲要係我最鍾意既桃紅色，呵呵呵！最尾拍版連哥哥都覺得特別，掂曬～

第時去旅行終於有我地兩個既喼啦，開心屎～

甜品宵夜

今晚劉Auntie同劉爹爹終於響九寨光榮回歸，玩左成個星期既佢地兩個，不亦樂乎！響晚飯期間，不停同我地兩個講中間遇到乜同乜，真係聽到都令我地鬼掛住舊年去九寨影婚紗相既感覺！

聽到佢地玩得開心，都係令我地放心既一個感覺黎既，自從我知道自己就黎嫁，成日都會好擔心佢地會好悶，但有時見到我唔係成日響佢地身邊，佢地開始比以前對我既依賴少左，少左爹爹叫我幫佢問媽咪野，我總係覺得都係好事，畢竟我係細囡，學輔導咁講，我成日都自己走左去做佢地既磨心，連自己都不自覺。

食完晚飯，哥哥今日話肯同我食甜品（我一向都有甜品癮），就再次去上次都試過唔錯既「皇室甜品」，第一次去諗住試下無妨，點知佢竟然係可以媲美隔離又出名個間「金滿堂」，仲要平過佢又大碗過佢，唔錯唔錯！

加上個老闆娘既服務態度，令我不得不讚，一定可以再去既感覺！

建房大業慶典

哥哥的好友很有心，知道我們裝修完工，即刻響Facebook搞左個「建房大業」，黎到我地屋企玩一整天～

由於我地有Ｋ歌之王響到，我地今日都先去唱個K，細細個既年代，同同學明明星期六可以訓晏Ｄ都唔會，總會去唱Lunch K，梗係啦，幾十蚊３個鐘，抵！但由返工開始，我地由幾十蚊唱到幾百蚊，咁岩有朋友要飲酒咩，就真係Oh No～今日我地竟然走左去唱下午K（老到唔記得個時段叫乜野），埋單只係幾十蚊，仲可以７個人７支咪，您話邊到搵？

6點幾我地就走左去買野食，地點就係去我地屋企打邊爐，應該叫一品鍋，因為響整個打邊爐既過程入面，雖然個面係滿曬，但當大家想搵筷子向鍋中搵野食既時候，您會發現，連鍋中心都係滿曬野食，搵唔到（=.="）

當大家問我野食熟未既時候，明明唔係我落既，我都話熟，可想而知大家幾咁信任我？！超放左落肚之後，就會有第二把聲話佢岩岩落架咋喎～

是晚慶典竟然係大富翁之夜，仲要係啤牌大富翁，最慘仔既係哥哥記錯左係我唔鍾意玩，第一round我係無玩到，結果今晚傑仔成為大贏家，連贏兩局～

展開人生另一頁

之前差不多兩個月沒有update自己個blog，係因為有大件事發生響自己身上（對我黎講可算是），小桃.....失業了！

在公司做了差不多兩年，想想公司大地震已經是一年多前的事，當時我真的擔心自己會被人炒，話曬自己個direct manager一定會覺得我是被請返黎迫走佢，我邊會有運行？當時既我，真真真係有搵過工，但一黎搵唔到，二黎係我真係想要個title，所以決定留底。

但呢一年半，我真係完完全全地唔開心，一時就係有人比鑊我，一時就係有人造我，總之就係瀉得一乾二淨，而我就會幾個月唔埋，有人同您review之前，就會同您講一d令您擔心，進退兩難既說話，例如「您都好危下！」擔心過後，又會安然渡過。

一路我同男朋友都有個共識就係結完婚就會唔做，一黎個title開始有用，二黎到時唔駛怕岩岩返工請唔到假，三黎就梗係出埋雙糧岩岩好啦～

點知....８月尾....我開始知道佢地請緊人，咁交曬戲既我去八既時候，就知我係比開刀個個，咁同事之間傾開既時候，都岩既...公司自己個brand個個月都唔到數，仲得返半年，點都要交個人出黎，加上我同佢關係又唔好，呢個係一個好好既機會！

幸好身邊有班好buddies，佢地提我要點樣去搞，有咩要準備，最終響３個月代通知金加埋有pro rata既雙糧下，尋日14/10我last day左！

呢段時間....我心情好複雜，所以一直都無咩心機update個blog，事實上我知道公司咁樣對我，我係超開心，因為我岩岩好有兩個月去prepare我既wedding，您知我既希望工程幾恐怖架啦，但同時間要面對人生既大事：失業、創業、結婚，我真係完全失控，我可不是喜歡打開手問屋企人攞$既人，一世女都未試過問屋企人攞多零用去買野，每一份工都係工接工，停不下來（賤命一條）。

幸好響呢段時間，咁岩有安排到去見輔導，佢問我覺得邊樣最重要（咁當然係結婚啦～），加上呢一個係我日求夜求既結果（我真係唔想做呢間公司好耐），最緊要既係，無論係我男朋友定屋企人，都係二百萬個支持，就算我話可能無得比家用一排，佢地都係話無問題，都支持我。

而我男朋友響呢段時間，真係擔當左一個好重要既角色，因為我知道我呢個幾月，係不停不停忐忑不安，一時就好開心，一時就會好擔心，最明顯係佢接親我放工，我就會不停數公司個幾個煎釀三寶，從而令自己覺得自己走左就最明智既決定，佢抱抱我，支持我，陪我一齊數，係對我最最最大既支持；更對我經濟上無限既支持，以前出街食飯，我地無分被此，成日邊個有銀包就邊個比，呢個幾月，佢係有意無意咁話佢比，等我可以有多d$傍身，又問我夠唔夠＄，真係超級感動！仲係咁叫我唔駛咁急搵工，想做乜都做，最緊要自己開心。
咁好既老公，邊度搵？

來到今天，已經開始唔駛返工，我將會開始搞自己結婚既野，同時會開始創業，比時間自己，得就得，唔得咪出黎再搵工，希望各新娘子會支持啦！始終都係我興趣嘛，有自己要求，無辦法，幸好呢家開既頭都唔錯，朋友仔既feedback都好鐘意！祝您地都有個難忘既wedding～

最後一天返工，我真係好輕鬆；今天唔駛返工，我更加感覺到呢兩年不停擔心比人造個種提心吊膽既感覺可以放下之後，係幾咁好。

倒數66日+結婚進度表第三回

倒數3個月唔整結婚進度表，因為自己有事發生左，呢兩日再update大家。
但響倒數既66天又唔知邊度黎既勇氣，都覺得係時候整返呢個表嚇下自己！
-------------------------------------------------------------------------------------------------------------

婚禮日期：貳零零玖年拾貳月拾捌日
註冊地點：道風山神學院明節堂
註冊時間：下午二時三十分
晚宴地點：九龍灣國際展貿中心13樓煌府海景宴會廳
開席時間：晚上八時正

工作人員名單
伴娘：Yoyo
伴郎：迪捷
姊妹：Yuen/ Joyee/ Wing/ Emily/ Alice/ Vissica/ Phyllis
兄弟：定宇/ 永良/ Patrick Man/ 力行/ Robert/ 威威/ Victor
花女：Siby（諗住搵埋Katie同埋妹豬）
花仔：Kobe
MC：定宇&Wing
教堂工作人員名單：未有
當日攝影攝錄：Tat @ Jack Creation & team

新娘
婚紗：France Bridal x 2 (一件行教堂用，一件march-in用)
晚裝：France Bridal x 2 + 顯卓 x 1 (會再試下顯卓會唔會有新款)
裙褂：上海街永隆
婚紛鞋：已選
晚裝鞋：未買
首飾：已租
化妝：Hana @ Hana Studio

新郎
馬褂：上海街永隆
禮服：France Bridal x 2 (1黑 + 1白)
新郎鞋：未買

四大長老+屋企人
媽媽禮服：顯卓 x 2 (23/10 final confirm款)
爹爹禮服：未買
奶奶禮服：顯卓 x 2 (23/10 final confirm款)
老爺禮服：未買
媽媽＆奶奶化妝：Hana's team
姑仔禮服：顯卓
伴娘禮服：顯卓
伴娘化妝：Hana's team

兄弟姊妹
姊妹裙：已訂造＠Sweet百利（米白+#86蝴蝶結）
姊妹化妝：Hana's team
兄弟呔：已訂（黑底+桃紅波點）

行禮準備
結婚戒指：周lung lung Love Diamond (要去改size)
戒指枕：未買
羽毛筆：未買
簽名筆：DIY，未搞
結婚證書套：已訂盟Blessing，11月中交貨
婚禮邀請咭：DIY (11月中要比Final Layout教堂)
婚禮場刊：DIY (11月中要比Final Layout教堂)
婚禮佈置：搵左資料打緊價

新房準備
新房裝修：已完成
新睡衣：已買
龍鳳被：已買

出門準備
茶壺：已買
紅傘：未買
利是封，貼紙：未買
囍字拉條，揮春：未買

雜項
婚紗相：(1)九寨溝@106視覺 - 08年6/11 - 12/11已影 (成品已收)
                 (2) France Bridal - 18/4 & 17/5 已影 (成品已收)
成長片段：10月底交相片到Jack Creation
音樂：有初步idea，未整好
主婚車：自己車
廿四座：給兄弟姊妹用（未租）
紅酒：未搵
結婚蛋糕：酒樓包
回門燒豬：已買，用太興燒肉劵代替
啤牌：未買
簽名布：France Bridal包，已取
場地佈置：九展煌府提供
西餅唐餅咭：美心&奇華（已DIY)
囍帖：已有初稿，未印
帖封：買返黎之後諗住DIY，未搞
帖封貼紙：買左返黎，有idea，未搞
台咭：DIY，未搞
花車公仔：已有，未整成花車公仔
新娘花球：Trince Flower
伴娘花球：DIY，未搞
主婚人襟花：諗緊DIY定響Trince Flower訂
兄弟姊妹襟花：DIY，未搞
傳統用品：上頭用品、包羅萬有利是封（未買）
婚前檢查：已完成＠家計會
賓客名單及座位表：追趕中
兄弟姊妹聚會：姊妹第一次gathering已完成
                              預計11月中兄弟+姊妹第一次gathering
                              11月尾姊妹第二次gathering

-------------------------------------------------------------------------------------------------------------
其實都好似幾on track咁呀.....

試新房．完工

一直鐵定於十月裝修，一直都的唔起心肝搵資料，一間房既裝修又唔係間間肯做，幸好疑似豬期間，可以搵師傅上黎睇下報下價，又有好多好熱心既esd朋友仔同埋屋企人，揀左之後，就馬上訂料，中秋之後開始裝修！

5/10 拆傢俬，裝電制
6/10 裝電制，送傢俬
7/10 裝傢俬
8/10 裝傢俬 (發現層板漏左，即訂，希望星期六送到，不過機會唔大)
9/10 痴牆紙
10/10 痴牆紙，裝燈，埋尾
          發現自己比錯床褥size師傅，要改，即刻OT改過，埋尾
　　  8點鐘完工～

成件事真係好感恩，中間其實好多蝦碌野，但師傅無發脾氣，仲幫我諗計，我真係好彩有呢個師傅，雖然佢手上有幾單大野，都肯跟我呢ｄ細野，我都不知幾感動！

７天完工真係響呢個蝦碌既環境下諗都諗唔到，但表伯同表伯娘返黎，真係要趕，結果今日佢加班都幫我搞掂埋，價錢合理，用料都唔錯，收口位又唔差，pass，可以上esd介紹返比朋友仔！

結果執屋執到４點，先可以訓覺～

第一次既雙人床，以為自己響酒店^___^

花左萬元既床褥，希望生生性性，訓得安心～

仲有我揀既燈燈燈....燈～
加埋自己好鍾意既dream catcher，我響澳洲買左響自己屋企用既時候，真係發少左好多惡夢！

仲可以紙盒藏屍....

紙盒藏肥屍亦可...

難為了家人比我地將d野放到周屋都係....超迫爆~

唔少得梗係幫我地趕工既名星師傅～