為最好作最好的準備ing

早幾天，朋友仔問我係咪仲繼續搵緊工，其實都係架....
呢家又未知點，自己想做既同實際可以搵到既，其實我做過research，真係唔易。
老公成日都問我點解唔試下，其實呢個market真係太competitive，我又唔想犧牲人地放工我返工既時間，所以最終都係無搞到。
機緣巧合下，佢話公司請人，而我真係對呢個job幾有興趣，邊有咁岩架？
所以今日都約左試一試大家見個面，睇下有無機會做同事囉～

雖然都係等消息，不過我又真係有興趣，試下無妨呀！
之後響旺角行下等老公，一黎到已經捉左佢去食野，行左一陣，肚仔有少少痛，又捉佢再去食埋dinner先返屋企，返到屋企兩個人都超飽，哈哈哈.....
新世紀有Tuzki，佢既樣真係好搞笑，岩曬我地兩個無聊仔。

同場加映，我老公大人超超超好，早幾日比左$$我洗不特止，佢知我一直都想擁有返一部自己既相機，今日佢特登同我去睇～
就係咁，我地就帶左佢返屋企，雖然佢真係有少少大部，不過自從老公有左大機之後，我對普通傻瓜機真係完全無興趣，所以....帶左呢部返屋企，第一次同Nikon，唔知好唔好既呢？

多謝老公大人！

龍蝦大宴

桃爸講左成個月話屋企樓下間相熟酒樓今個月龍蝦做緊大特價，好似係$10兩，如果做刺身就$12兩，上次食完Pizza之後，就話左今晚一齊去食。

點知，今晚七個人，我地食左:
- 龍蝦刺身 (好似成5斤幾)
- 龍蝦粥
- 炸帶子球
- 炒菜心
- 半隻燒鵝
- 清蒸東星斑
- 奶皇壽包

嘩，食到個個都抱住個肚仔，哈哈哈.....超飽！
多謝桃爸為我預備既生滾爐，等我都可以一齊分享～

今晚真係超豐富，最緊要係一家人都超開心～

今天我是個模特兒

好朋友兼舊同事呢排跟著名既化妝師學化妝，超貴！
而我亦被邀請成為佢十堂其中一堂既模特兒，我就覺得自己好幸福，去到當係學化妝都得嘛～

五點半去到中環，上到去坐下坐下先覺得肚餓，大獲！
不過好彩佢都肚餓，之後可以一齊食野。

佢響我黎之前已經學左今堂化眼妝既野，我黎到佢就practice咁化我，見到佢好認真又好搞笑，化左個半鐘就化好，佢仲超快手咁幫我化埋另外一邊，等我有得化住妝咁走。

最開心最開心就係聽到個亞sir話佢化得好，對話如下：
Sir:「呢個妝邊個化架？」(語氣個人覺得唔多好)
朋友仔:「um...我化架！」(超驚比人插咁樣)
Sir:「化得幾好喎！.....」
嚇屎人咩.......

不過聽到佢咁講，我雖然被化，但都覺得超開心！
祝您早日學成自己創業啦！！！

商戶評分：Trinice Flower

我倆的1218

去到結婚前一日去攞花球，其實講笑，我有少少嚇左一跳，我無諗過個花球會紅到咁深，不過又唔係唔靚，只係同我預期既有出入吧～
Trinice超好，仲幫我預備左兩個新郎襟花、紅色玫瑰比我做頭花，仲有好多碎花....

去到結婚當日 - 我倆1218，我真係覺得好靚，又好新鮮，果然無揀錯！

睇我老公朵襟花，都好新鮮....超靚，放落婚紗/褂身上，都好襯！

至於四大長老同埋我既嫲嫲&婆婆，朵襟花都好sharp，好靚，超醒神，我鍾意！

評分：

Bouquet - Trinice Flower

回到未嫁時

我已經唔記得左係點樣去揀搵邊間訂花球？
我只係好肯定，係好早好早之前，我已經決定用新鮮花做我既花球，而主花一定係牡丹花。點解？
因為響2007年，我係第一次做姊妹，仲係第一次接到人生既第一個花球，當時個新娘子仲響拋花球前話，呢個係luck黎架，無論如何都唔可以比個花球跌落地下；就係響佢拋...而差d跌落地既一瞬間，我響佢離地2cm左右liu到個花球。我同當時既新娘子講，我地一定要將呢個luck一個傳一個。

點知....我真係嫁得出喎～(圖中箭咀既就係執到花球既我)

所以花球好早好早已經知自己要咩....

但係搵邊間好？當時牡丹當唔當做，我都係唔識！
見大家都係上網搵個兩間，個人又幾鍾意Trinice呢個名，就膽粗粗有一日自己一條冷咁走上去。
由於見到個女仔(即係Trinice)好好人，好鬼nice，幾本上我諗都無諗第間就join左，加上我12月係超旺季，我都唔敢怠慢，好快就落左訂。
當時揀既就係紅色呢款:

去到婚禮前1個月，就算您唔記得，Trinice都會打比您，叫您揀花球，咁我同桃媽就上多去一次揀花。
由於唔肯定當日會唔會訂到紅色既牡丹花，所以Trinice都會叫您揀No.1 Choice 同埋 No.2 Choice。
我既第一最愛就係以下呢款，不過轉曬做紅牡丹，我覺得大牡丹襯響新娘手上先襯，我鍾意有個d一枝枝飛下飛下：

而我同桃媽都覺得如果訂唔到牡丹，即係當時唔當做啦，所以第二最愛我都揀返紅色，不過就改左做玫瑰：

同時亦比桃媽揀左四大長老既襟花，因為我想搵專業既人整靚好多，佢地既都係買啦～

6wk4d的蔡B噗噗跳

蔡B已經有6個星期咁大啦！

其實我雖然呢家仲係只係比自己睇，不過我就好想記低每一刻既蔡B與我，主要當然係我覺得每一刻都係咁珍貴，另外既係....
我想同可能第時有BB既你分享，因為作為呢家準媽媽既我，乜都唔問得朋友，只係得網上問，但可知既又唔多，想加入Forum又唔肯定呢樣叫唔叫公開，怕BB小氣又好，覺得BB未穩定都好。岩岩有左又唔係好肯定BB響入面係咪健康，有無成長，又擔心佢有無心跳，到有心跳又擔心佢有無手指，有無腳仔(呢一刻，我擔心到呢度....=.=") 所以我希望我呢個「驚喜大肚之道」可以同擔心ing的你分享！

闊別蔡B兩個星期，今日又可以同佢見面，呢個星期我成日同老公講我feel到Babe既心跳，哈哈哈....
今日老公陪我一齊第一次產檢，超滾動！

今日醫生已經可以肚照，仲一碌就碌到我個胎 - 蔡B。
嘩，你/妳大個左好多呀！
之前only胎囊只有0.29cm，呢定只係蔡B你都有0.84cm啦！
再碌多兩碌，醫生問我睇唔睇到？
我老公就話睇到個點閃下閃下，蔡B已經有心跳啦～

雖然個一刻未至於喊，但感動真係有說不出的多！

蔡B，你/妳要乖乖繼續食多D，大個大個啦！

《DUO陳奕迅2010演唱會》

係呀係呀，雖然我響飛卜無upload相，但其實我地都係去睇DUO Concert，一黎今次既飛唔係坐得好近，二黎睇陳奕迅既演唱會，我prefer睇多過影。
今日因為早左好多黎到，所以可以影到多啲相，仲行左去睇佢既T-Shirt，本身真係有諗過買，但我怕買完返黎之後，響街到見到好多人著，好似bossini咁就唔好啦，所以最終都無買到！
今次演唱會好熱鬧，一行6人一齊去睇，d飛無分開到好多日，唔錯唔錯～

一開場，講真，我幾鍾意佢呢個舞台design，雖然無握手位，但佢唱陀飛輪既時候，呢個場真係好有feel。當然唔少高音都有少少甩，但您一聽到佢講野，您就覺得佢仲可以唱成咁，堅勁！

連浮誇都仲唱到，邊夠您黎呀？
講真，好似佢咁講，邊個話聲沙唔得jeh，只係大家聽唔慣佢呢把聲之嘛！

最驚喜係發現楊千fa上台送花，仲唱左首唔記得歌詞既少女的祈禱，好睇！

雖然無太多華麗既野出現，但簡單可能就是美，我喜愛呢個病住都堅持做到咁好既E神！

Yahoo Blog，我為你感到羞恥！

我對short左既yahoo blog寄予無限既怒意

愛吃Pizza的桃爸

我桃爸真係超鍾意食Pizza，超鍾意食芝士，而咁岩我同桃媽兩個都係抗拒芝士怪，所以其實桃爸成日將呢個為食既口收埋；都係既，無人一齊分享，幾好食都係無味～
幸好唔知點解呢幾年，桃哥開始鍾意食芝士，食既野無我同桃媽咁咀刁，加埋我呢個肥肥老公乜都鍾意食，令到呢個Pizza團成功。
最開心係桃爸，佢睇住個menu已經好開心，好似咩都想食咁，而我當然係諗住乜都食少少都無所謂，最緊要見到一家人開開心心；同埋我幾欣賞Pizza Express既Pizza，好味之餘佢既豬屎味真係唔多重，令到一向唔食既我，都可以食到唔係好多cream cheese個類。
同埋小桃唔知點解好鍾意食佢既麵包球，所以我對今次既Pizza團係好滿意。

席間大家有講有笑，好開心，或者我覺得一家人就係咁，最緊要係開心，傾下食下就一餐，仲可以行去食埋甜品先走。

我覺得今日肥桃爸好開心，或者呢d間唔時既驚喜，對佢黎講都唔錯。

婚禮的祝福 + 病之3人組!

今晚係老爺朋友禾哥細佬結婚之喜，我們一家獲邀出席，老公咁岩唔駛返學，可以一齊出席。
我響屋企換好曬衫，就等各人放工回家一同出發。
今晚老爺個胃唔舒服，威威又響出發前嘔，好似好病咁....

我地差唔多8點去到，影下相玩下就入席。今晚既野其實幾好食，不過因為唔食得太多，我地個圍得9個人，有老爺食唔到野，走左落街買藥；威威又唔係食好多，都係因為岩岩嘔完；我老公就仲搞笑，情況急轉直下，由之前仲可以飲到紅酒，之後就食唔到野，再之後就入廁所嘔曬出黎....
3個男人都病曬.....

我地食完雞就靜雞雞走左，因為3個都唔係好掂，返到屋企威威半夜就發燒；老公成晚都響到痾；老爺又係，全屋都病曬；好驚。
成晚我都陪老公起身，佢醒我又醒，估唔到飲完搞到咁多病....

其實上面既兩個男人都已經病到無血色，真係響呢度希望一對新人同埋未出世既Baby開開心心，快快樂樂啦！

老爺，生日快樂！

一早起來同老公先去見輔導，這時我們結婚後第一次見面，哈哈....
總覺得這是很重要的，3個月後的見面，很珍貴，分享了很多！

今日係一年一度我老爺的生日，所以總動員同佢慶祝。今日晚宴既地方都係食扒，不過就唔夠上年嘉嘉生日那一次好食。
但幸好那一個紅湯，真的好好飲，同老公share一半，我倆都覺得很讚。

雖然很多食物我都分享唔到，不過見到一家人齊齊整整，可以一齊慶祝，但已經足夠了！
生日快樂，老爺，願您身體健康，我仍覺得這才是最緊要！

P.S. 今日係煌府好友 - 多多同十姐既結婚慶典，小妹未能親身到賀，真係好對唔住～
但我的祝福已經遠遠送到給您倆，願您地白頭到老！

商戶評分：Sweet Wedding Decoration

回到未嫁時

當日響教堂逗留既時間，話長唔長 (至少長過去婚姻註冊好多好多)，話短唔短....
但我好似就係少左好多時間響教堂入面影我地既wedding photos。

所以影decoration既時間都唔多....
我連同我既婚紗相都無影相....

但Sweet Wedding真係好負責，我12點幾上到去，佢地已經deco到尾聲！
當然要拆個part佢地都係留到最後，執得好好先走。

個條Aisle
runner整得好靚～

多得牧師提我地，就搵Sweet Wedding放左盤花響兩個蠋台中間。

唯一Sweet Wedding有少少呃我既，因為我個人都好著重個簽名台，因為當日都有唔少相響呢度影，明明request要重新用佢地既一塊白布做簽名台，但最後都係用返道風山既粉紅布，但因為出黎效果好唔錯，所以我都好ok。

同桃爸行Aisle
runner時...

未行前，真係有好好咁幫我用毛毛封左個條Aisle
runner....

當然我request既一個重點就係個掛鐘，因為當日我會好多相都出出面影，呢個可能因為道風山既掛鉤set好曬，所以我搵網上既佈置都係差唔多，我又唔想比咁多錢整拱門，影出黎...都唔錯呀！

評分：

5星期的驚魂

今個星期，你/妳都很健康喲！
只是星期日那一晚，你/妳把Mami嚇一跳....
幸好只有那一晚....
Mami只可以唱著「天父必看顧你/妳」，Babi也很親吻了你/
妳喲，您感受到嗎？
幸好過了那一晚，你/
妳也乖了下來！

每天你/
妳在Mami的肚子入面，健康嗎？住得好嗎？
期待你/
妳一天一天的長大。

Deco - Sweet Wedding

回到未嫁時

我響整個婚禮既過程中，很慶幸自己唔駛為晚宴Decoration而煩。因為煌府新裝修，配備已經好齊全。至少我可以慳返唔少.....
唯一響佈置上要煩既只有教堂呢一部分，一直都諗左好耐要搵邊間之餘，我仲諗左好耐應該搵兄弟姊妹做好定比埋佈置公司做好，價錢大約差$1000-1500不等。經我同老公商議之後，我地決定為兄弟姊妹減輕負擔，比人地做埋。
至於揀邊間，真係出面好多，esdlife上面又好多，真係唔知點揀？
本來睇中左一間叫童話既，價錢我覺得比較貴，但都比較靚。本想約左上去睇，但最終....
有一日，我同桃媽響金都行下行下，行左入間Sweet Wedding (金都1樓) 入面，個sales都幾岩傾，傾下傾下，佢比我既offer就已經比童話吸引。

就係咁，當日既所有decoration就交比佢地！

Sweet Wedding : http://www.sweetwedding.iyp.hk/en/decoration.htm

My Ding-Ling-Done-Lung

回到未嫁時

我個人覺得除左The One既選擇重要之餘，我地既Ding-Ling-Done-Lung都同樣重要，The One就好似化妝打左底，而Ding-Ling-Done-Lung就好似唇膏咁，揸左可以令件The One更突出，更靚～

我既Ding-Ling-Done-Lung去左金都大家都好常去既地方租，原因？
我諗可能係無論堂家姐、Emily定係媽咪既契女都係響度租，而個姐姐您話好有service又唔係，但就好有心機幫我去襯，襯到我自己都覺得好靚，最緊要係Emma響到陪我揀，令到我都好放心。

其實我響法國租衫係包埋我既手飾(頭飾除外)，但我都係揀左響呢度租，我份人比較浮誇，哈哈哈....

埋單都唔平架，都成$2000大洋，但我都係同自己講，一生人一次，就豪D。

MC - 一個倉猝的決定

回到未嫁時

選擇要唔要一個MC響自己既晚宴係一個好難作既決定，之前我一直都係諗住搵兄弟姊妹幫手，因為咁岩有兩個我個人覺得口才都好得既人，我絕對覺得呢兩個人係勝任既。
同時呢兩個人都比我安排左做兄弟姊妹長，哈哈...係，我覺得兄弟姊妹中，一定要有一個話得事，其他人有問題，可以先問呢兩個，如果都解決唔到，先搵我地兩個新人，咁樣可以簡化好多野。

直至婚前三個星期左右，我地fine tune緊我地既guest list (應該係話岩岩開始整先岩)，點知睇下睇下，我地最少都要開45圍以上......
下.....
咁我就開始擔心，擔心唔係佢地應付唔黎，而係佢地辛苦左成朝，仲要擔當一個咁重要既角色，要應付45圍既人，即係差唔多600人，好似好辛苦。
同老公同DD傾過之後，大家都覺得應該搵個MC返黎，一黎您比錢請佢返黎，佢有責任去幫您做野，您又唔駛怕唔好意思。二黎兄弟姊妹夜晚可以休息一下。
對，我係響婚禮前三個星期都唔夠既時間搵個MC，由於無乜做research，所以揀左自己攝影公司既MC，book得咁急，好既都book曬，至於佢，不過不失，做到要做既野。
呢個真係一個太倉猝既決定。

You are our Choice

回到未嫁時

搞結婚...
第一樣要book既，就係酒席。
第二樣好多人揀既都係婚禮攝錄同埋Mua。
因為呢個item，一日只會接一個order，最易full booking.....

我唔知係自己無做太多research，定係自己太心急呢？
呢個item，其實我都好快落訂....

上網做過下research，見有人話Jack Creation幾好，價錢亦都唔係平，但個個都話要book亞Jack，可惜既係我上到去既時候，亞Jack已經full左。但我之後無再做research，只係同老公睇下其他攝影師既相，就落訂book左亞達。

一直都好擔心自己揀錯，揀唔岩，間唔時就上佢地既website睇佢地既相，希望比多d信心自己。
始終我覺得揀佢都係當初睇佢既相鍾意先揀jeh，唔駛擔心既.....
婚禮一生人一次，就算個日影得唔靚，都無得再影，呢個真係唔可以出錯既item。

直至我結婚前，呢個擔心都無無停過，直至婚後收到佢地既相....
我知道，我無揀錯。

Jack Creation既blog：http://jackcreation.blogspot.com/
Crystal & Onkit個篇blog：http://jackcreation.blogspot.com/2010/03/crystal-andy-by-tat.html

Arrangement for the Groomsman

回到未嫁時

伴郎同伴娘一樣，我覺得都係婚禮中其中既主要人物之一。
伴娘要同我一樣行Aisle runner，伴郎要攞住介指，同埋我總係覺得伴娘要同姊妹有少少唔同；而伴郎都要同兄弟有少少唔同！
既然決定所有恤衫都一樣，我地就響呔到著手，老公話想佢打bow tie，哈哈哈...
由於我無淘寶account，所以...無得上網訂。

響結婚前最後一日，我地去金都揀左上面呢一個桃紅bow tie，明明都唔平，但算啦，一生人一次，就佢啦！因為佢同兄弟呔都好襯。

著起黎都好唔錯呀，大家又分得出。

兄弟領呔

回到未嫁時

兄弟既呔，一直我都好想襯返姊妹裙，所以我諗住先揀姊妹裙。
雖然話就話紅色做theme colour，但市面上紅色既呔都唔係好靚，幸好同小Joe差唔多時間結婚，佢上淘寶網訂，叫埋我揀，佢真係好，我唔識用淘寶訂野～
響個網上面見到既都好多款，有誇啦啦既，有靚靚既，咩色都有。
而我同老公就揀左呢條 - 桃紅波波點，成條底褲咁，好笑！
最緊要係只需要：RMB$5

幫佢地去G2000襯埋粉紅恤衫，襯曬！

當日，我個日都覺得佢地好靚仔，哈哈，您睇佢幾滿意自己個造型。

我的紅鞋兒

回到未嫁時

其實我知好多姊妹都去有利蔡生度買鞋，一黎真係堅平，二黎鞋響婚紗黎到講，除非您會著短裙，否則可以見到既場合係少之又少。
但小女子唔知點解，去睇有利既褂鞋一直都覺得無乜想買既感覺，即係唔鍾意啦～
就算比我行過一次、兩次都唔鍾意，咁就唔響個度買lu....
做我既The One鞋時，發現呢一對真係唔錯喎，仲可以用幼踭，咁已經係好好啦！

特別我呢個成日腳痛既人，可以叫個老闆幫我加軟墊，仲可以整軟個鞋邊，無咁影刮腳。

到結婚個日著住，真係覺得好襯我件褂，真係無買錯～

My The One shoes

回到未嫁時

本應我影結婚相時，已經買左一對影相既婚紗鞋，但心裡總係覺得結婚時咩都要係新既，所以我係比較奇怪，無要過所有二手野。
1218前，我同桃媽去揀鞋，佢話有個friend介紹佢響金都一間鞋舖唔錯喎！
入左去之後，陪媽媽揀鞋係其次，我自己就比一對Swarovski既bling bling鞋吸引住....
本以為自己著上去，會覺得太簡單，唔鍾意，估唔到，係一試就鍾意左....
第一次...無買到。第二次即係佢人手痴最後order既deadline，就落左order！
呢一對，我真係有The One既感覺，並唔係因為佢閃，而係我覺得佢整出黎個款靚，連個踭都係Swarovski，雖然佢話呢對鞋如果去百利會成$2000，但對我而言，呢對已經好夠。

購自：都市新婚服務中心1樓113店

而另外一對，係我既朋友都知我平時唔著得高跟鞋，平底鞋(ballerina shoes)，點著我都會腳痛+刮腳，我真係好擔心我會結婚個日腳痛，所以點我都諗住買對bling bling波鞋。
但當然我個人覺得converse個對唔靚又貴，所以一直都覺得唔多好。
估唔到行下行下，有一日響尖沙咀，比我見到佢。
佢仲係有內增高兩吋咁多既波鞋，您話係咪掂先？

不過，其實我結婚個日雖然有帶住，不過怕煩同埋唔腳痛，無著到。即係我既The One好舒服。