告別金鐘上班的日子

由舊年Joey回歸，已經收到話公司會搬，個時仲諗會搬大左，好開心～

差唔多一年，響４月最後既一日，我地終於執曬行李會搬去尖沙咀返工，不過地方聽聞無大左（好似係細左），但就會響貴租既Gateway返工!!!

告別金鐘既今天，我要拍下難忘既照片～
唔知搬既原因，關唔關個整左幾年同未來幾年都唔會整完既地盤事呢？
話曬風水都唔係咁好嘛！

見到公司七角咁亂，都覺得勁搞笑～

新產品from公司

今日同哥哥響旺角見到自己既產品廣告見左街，即刻影低左～

睇住自己既產品面世，就好似湊BB咁，有少少感動！

希望黎緊成個夏天都晴天Pig Pig，生意大賣～

法國婚紗FB@好Sales執相篇

今日真係覺得自己超超超幸運，幸運在整個拍婚照既過程，我都遇到好人，今日想讚既係...我真係遇到好sales姐姐......

話說我早幾日同幾個esdlife上面既姊妹傾開我既相片問題，大家都建議我先問下法國比唔比我重影，又或者執相ok唔ok？咁sales姐姐就覆我話如果重影既話，呢家呢套衫既所有相都唔可以揀，但因為我地兩個既笑容、Pose都無問題，唯獨是件衫離曬罩（最唔滿意既就係幫我換呢件衫既姐姐），佢都建議我先睇一睇執相既效果....

但之前佢係同我講問下Designer可唔可以執，因為咁樣唔係好岩規矩，我就同佢講咁不如問一下先～

今日佢就打比我，問我e貓，話想send比我睇，個一刻我同哥哥都呆左，因為我覺得我又未confirm要張相，點會肯send比我呢？

返到屋企check貓貓，嘩....真係靚相，仲要係兩張，又係Hi-R，嘩，勁感動～

最緊要係睇相既時候，哈，我個「鬆」大左～

#1

#2

大家覺得駛唔駛再重影呢？

最後，真係好想好想多謝個sales姐姐 - Ella～

Save the Date (2nd version)

明明係自己介紹比blog友，自己今次又好快想再玩多次～

因為今日我有靚既法國相～

好似今次呢個靚ｄ咁？係咪紫色好似正d呢？
#1

#2

我們的Wedding Table Stand (version 2)

經過上次大家既建議，我又好快好無聊咁整左個Table Stand既Design啦～

今次既１字會唔會清晰少少呢？

仲有無其他更好既建議呢？

法國婚紗FB@第一次睇相篇(放血ing)

雖然要補影，而法國本應係唔比我睇第一次相，但幸好有機警既未來老公，當然唔少得梗係好人既sales姐姐啦，所以今日我同哥哥就去左睇相啦～

之前仲一直擔心唔係比$ book攝影師同化妝師，點知一睇相，連好人sales姐姐都話唔駛擔心，叫我比佢做相版tim，而出黎卻又出奇地好，最歡喜既一點係法國既standard photo質素當然得，而唔係standard既pose都有好多，質素都係得，我一路睇，就一路叫「死啦死啦...一定放血啦～」

最搞笑既係，今朝去做presentation，又有個distributor既同事話我似譚小環，個sales姐姐又話我似，有無咁似呀？

最好既係，明明係偷影，個姐姐都好遲先走埋黎話比我聽唔可以影相，咁我當然好識做咁收埋個相機啦，返屋企用photoshop搞一搞，估唔到iPhone既相都可以整得咁靚，唔好理，去片先～

第一套婚紗，要有花既頭，好靚好鍾意，個化妝師真係好得～

去到公園影相，我見到遷秋，攝影師比我玩，仲叫我地一路打佢影多ｄ相，雖然睇相可以揀既唔多，但都完左我呢個貪玩既心...

「呵呵呵....我可以扮薜凱琪啦～」一路玩遮，一路就響到講....

最開心最開心係完左我想趴地既心願，超超超開心，同埋超靚～

之後就開始落雨啦，等左成個鐘有多都係轉妝啦～

第二套婚紗A-Line出場，最唔開心係呢一刻，我個化妝師去左食lun豬，有個唔知咩化妝師走埋黎，話幫我換衫，我已經覺得佢求其，之後我自己個化妝師幫我set頭，佢幫我補妝既時候，勁勁勁勁求其，幸好我自己叫自己個化妝師再執，但睇返呢ｄ相，雖然好靚，但就係因為個死野整件衫唔夠貼，離左，仲幾嚴重，唔知designer會執成點？

明明最右個張我好鬼like，但就離左囉....

呢張唔笑既係我同哥哥一睇到就勁笑，因為影個時，攝影師叫我地兩個唔准笑，我地兩個都忍得好辛苦，見唔到牙既我，根本響相入面可以出現既次數真係一隻手都數得曬，估唔到出黎竟然係咁好，仲要係哥哥咁咁咁咁瘦～

抱花呢一張我都好喜愛喲～

呢個view，攝影師叫我擺Ｓ pose，令件A-Line靚d，嘩，如果件衫整得靚，就一定好正～

影紗呢個都好唔錯～

呢個浪漫心心景，我地兩個都可以笑得咁開心既？

影仔仔囡囡啦～我覺得影鏡好唔錯喲～

睇下您幾型～

又有一張唔笑，不過唔夠Cool～

另外買既聖安娜花花，真係幾好，唔駛成日都係花花球，Standard Photo既有燈有琴有我地，就梗係得啦～

Sales姐姐話可以下次先一次話揀，即係睇完相就走人，超開心，原來咁鬼靚喎～

各位jm，唔好話比人聽我偷影左咁多呀^^

Model唔易做@公司

由今個星期開始（即係影婚紗相開始），個人已經忙到喊，但著實呢個係一個好好好好既經驗，就係我無啦啦做左Model～
哈哈哈...不過由於唔見樣我先肯做咋！
而酬勞當然就係3日唔響公司做野既工作一大疊！！！

講返呢３日，話說我地公司同澳洲既足部診療師一齊研製左一系列既鞋墊（唔響到介紹，費事話我hardsell)，所以特登請佢黎做Seminar同埋Press Interview，我好彩唔係第一次見佢，都知道佢份人勁nice，不過今次佢帶埋佢個仔同埋佢公司既同事（都已經係VP），所以要照顧既人特別多。

呢３日就係同佢搞Seminar，拍Video同埋做Press Interview，仲要做埋我地自己公司既Product Training，而我既職責就係....打雜同埋Model～

您睇佢幾鬼馬，當然比傳媒既時候就唔會有我個樣啦～
仲有對好樣衰既腳....（註，由於想做到好衰既效果，係唔會執同埋Slim佢）

傳媒都幾認真，所以搞到亞哥仔都幾緊張～

呢幾日最好既一樣野就係可以食好野，由於同佢地食咩都要好，所以我地食左好多好好味既野～

仲有既就係免費既足病診療機會，就係咁我先知我對腳係好有問題架～

我們的Wedding Table Stand (version 1)

坐響電腦無曬野做，就design埋Table Stand啦～

好似麻麻地，um，好似唔知點咁，唔係好清楚，但無左個background就仲奇怪，點樣可以好ｄ呢？

＃１

＃２

我們的Wedding Logo (version 2)

我又pat pat痕咁走左去design個wedding logo～

講真，上次個一個Logo我自己真係唔係太滿意，總係覺得唔夠好！
第一次既Logo

今次我自己用左星星做主題，大家覺得點呢？

我們的Wedding Logo (version 1)

早於兩個多月前就已經想自己DIY一個Wedding Logo...
整下整下就想連中式既都整埋...
之後就幫影婚紗相既sis DIY埋，佢仲響佢Wedding用左～
超感動呀！

但自己仲係覺得自己design得麻麻，應該搵人整定係自己再design過好呢？

西式：

中式：

九龍灣展貿 - 未來煌府旗艦店

由於尋日去唔到各位煌府sis搞既九展gathering，唯有今日同哥哥兩個人自己去睇一睇個場地，始終買樓花，您話唔擔心就假既～～～

一去到13樓，見到個轉轉樓梯自己都幾開心（可能係自己一直都想響有樓梯既地方擺酒，之後仲會轉做白色雲石樓梯喎～

上到去轉左就係海景廳，聽佢地講話酒吧想keep比海景廳用，做cocktail都好喎！行完呢條長長既走廊，直入見到有光個到就係海景廳啦！！

嘩，全場無柱設計，我諗以前既君豪會應該都好full book，靚得好無敵，仲有個個咁大既落地玻璃...

望住出面既景色就真係一流

開頭杜生未黎，我地兩個都仲覺得應該擺唔到62圍喎，仲有好多VIP房唔知仲咩，原來全部全部都會拆曬，打通曬比海景廳，即係比呢家既海景廳再多出三分之一既位置黎擺酒，嘩，仲唔夠咩？

再加上行入海景廳途中，有一間房應該都會比海景廳既新人，即係我地，如果要黎做埋相簿房都真係好一流tim～

身為旗艦店好殺食既地方就係佢呢個將來既空中花園，呢家真係好dirty，不過我估到時應該好正！

另外呢一邊既四季廳都好唔錯架，不過望既景就會變左九龍灣～

忍唔住去睇埋個toilet，比人睇到我入左男廁tim～
不過女廁就可能會唔夠多格格，可能要起多少少啦～

坐Lift就可以去到13樓，叮就到～

杜生話估應該20/7前整好曬，8月頭應該會開到張，嘩，好期待～～～～

法國婚紗攝影@天有不測之風雲

尋晚臨訓前睇天氣，明明都仲係話會有短暫陽光，今朝就已經....

咦？個Mr.Sun呢？諗住最多天陰陰jeh，都會影到相既，但因為個人仍然都係好緊張既關係，一早就起左身，仲係等哥哥出門口個一個人～

去到開頭真係咩都唔知，無姐姐話比我聽自己要去邊，但就已經見到好多人響到行黎行去！

我同哥哥就無無聊聊響到睇人地化妝前後，點知到我自己化完妝已經12點幾....(化妝師好有心機)

點知之後我地影影下，未影門口同埋水池就開始落雨....

等左個幾鐘都係咁大雨之後....我地都係決定再補拍，再等都唔係辦法，就唯有轉妝，直至見到好多人返黎，先知今日出外景La Mer個D仲慘，出去塞左兩個鐘車，之後去到遊艇就落雨，等唔到一張相都無影到就坐車返黎～
（返到黎塊面係黑架....=.="）

因為太多人要留返響到影室內景，我地都要排隊，最尾，我都係揀左呢件衫，好似grand D，可以偷影到呢件衫～

不過原來我有肥豬肉，下次補影可唔可以減到呢？
我到呢個誇張到不得了既頭竟然第一次接受到，不過只係用iPhone影，所以我都係覺得唔靚～

攝影師同化妝師都係等影曬睇埋相版先講～

5月17日我地再戰法國影靚相，個日一定要大太陽^^

短暫陽光?

聽日係影婚紗相既日子，呢一個星期我無時無刻都會去睇下個天氣，緊張到會用埋iPhone睇天氣～

由上星期六開始睇話forecast落雨，擔心左一陣，星期一既狂風雷暴變左天晴，就諗會唔會因為Ｄ雨遲左先落，到今晚...

聽日係有短暫陽光喎，咁有幾短呢？

話明晚上先落驟雨，就千祈唔可以無啦啦落雨啦～

祝聽日拍照順利～～～～～

妹豬３歲生日狂歡派對

呢個月見到妹豬，佢都會好開心雀躍咁話比人知佢３歲生日，之後就仲會highlight佢３歲之後可以做D咩唔同既野？例如佢可以用Optopus，同埋自己訓覺。

舊年我仲記得好似無買生日禮物比妹豬，所以今日飲完茶，特陪搵哥哥陪我去揀禮物比妹豬，行左反斗城同埋一田，我地諗左好耐應該買咩？想買既有泥膠Or吹泡泡機，結果因為怕妹豬有吹泡泡機，同埋怕佢食物中毒，所以最終都係買左泥膠。

同場加映仲有呢隻吹氣而成既邪惡兔，真係邪惡萬分....

去到林村已經見到妹豬著靚靚，仲好興奮咁拿著條裙飛黎飛去，唔少得梗係爸爸媽媽幫佢準備既生日派對豐富食物。

而Kelvin見到哥哥既相機，都好開心咁話要攞黎玩下，哥哥有幸唔駛做攝記，仲係靚相既主角....

謝嘉欣今日都帶左妹妹黎，而妹豬對小朋友既喜愛程度，簡直就係抱極都唔厭。

由於跛姑姐送左架單車比妹豬，所以我地就同佢上左天台玩啦，而佢亦都開心快樂咁自己響到車黎車去，幸好妹豬有小玩具車比妹妹玩，傻下傻下，勁搞笑～

爸爸幫佢準備左有氣紅氣慶祝佢生日，真係唔話得～

仲有妹豬自己揀既Thomas蛋糕，成５磅咁多，我切都切左成半磅比強記食，哈哈哈～

睇下妹豬幾開心快樂，就知佢呢個３歲派對開心得不得了啦～

Save the Date (1st version)

一直都響到諗自己想design自己既save the date invitation card，但一直都響到諗究竟點整好，揀咩相好，點先係好？

見各網友都玩Scrapblog，我又無無聊聊試下自己整第一個Save the Date sin~~~~