老公慶生第四擊

今日係老公既正日生日，響一個月前，揀左3個地方同老公慶祝，今年唔同既係...唔再用surprise，反而係比老公揀想去邊度食，結果當然係響我極力hard sell下，佢揀左Petrus！
正日生日老公都係揀左返工，只係唔返學喎！唔緊要，最緊要係過得開心！

Book左6點半，我地慢慢響屋企出發，加上少少塞車，我地6點半到，但係已經忍唔到響四周圍影相。

佢locate響ISL最高個層 - 56樓，可以將九龍區既景色一覽無遺。舊年揀左去Felix，雖然高但睇唔到好靚既景，今年個位好正，我同老公都睇得好開心。加上我地係第一枱去到，梗係啦，人地返工邊有咁快可以放工去食飯呢？佢地揀比我地既位都好似特別靚咁～

睇睇餐牌，老公叫左杯champaign cocktail，我就梗係只可以飲水啦！個環境真係好relax，好快佢地就有waiter攞兩件包包比我地食。話就話我唔食cream又唔食cheese，但我都試左少少架～
而我個人都好欣賞佢地唔同種類既包包，個waiter仲不停幫我地refill添！

我地開始睇main course，老公就揀左個8 course既tasting menu，而我因為唔岩食既關係，我自己就揀左a la carte。
未黎我地叫既野之前，唔知點解我叫a la carte都為我預備左一個前菜，好好味。
之後去到個湯，我個湯真係好好飲，個廚師仲因為呢家黑松露菌岩季節，佢特登加左響湯上面，又夾又好飲。

去到個main course，我叫左個牛仔扒，而老公都唔知叫唔叫main course啦，佢黎左個血鴨，佢話佢個個超好味；而我個個因為係牛仔，d肉係白色架，好好味，好特別。

黎到呢一刻，已經咩都食唔落，但老公都仲有好幾個course未黎，哈哈哈...
佢地每一道菜都介紹得好清晰架，個waitress又好好人，去到呢一刻都仲想幫我地refill包包架～

食甜品前，佢仲比左兩杯sparkling water比我地飲～
去到desert呢一part，其實我同老公都已經食唔落，但佢地真係超有heart，見老公個course仲有兩個甜品，所以分左一杯比我，仲話唔肯定咁擺岩唔岩，不過希望你地可以一齊享受。
唔少得梗係我之前request整比老公既生日牌～
就連個生日牌都係好薄好薄既白古古力，好好味！

已經食到咩都食唔落既階段，今次係我咁大個女唯一想每一道菜都食曬，為表對個廚師既欣賞。
滿以為叫埋coffee or tea就食完啦，點知，仲有...
marcoon，古古力同埋西式既生果拼盤！

唔知點算，唔知點食，但我地兩公婆都係努力食曬既～

今日呢餐真係無論視覺同味覺同聽覺 (不停有人豎琴演奏架)都係五星級享受。
老公都好滿意呢一餐！

「生日快樂，老公大人！」
雖然今年既驚喜唔多，但仍希望你滿意今年我為你既安排！