買買買@一田BB展

一早就已經問定一田既姐姐，佢地話9月底會開始有一田BB展，我地仲有少少細軟未買，所以都想趁呢個BB展買埋，唔想等到11月既VIP Day先同人迫。

今日老公爸B返學，所以我放工之後，就自己去左一田揀。(我真係好怕無曬貨嘛！)
今日既目標就係買床上用品，之前有諗過等朋友送，但係諗下諗下，如果到時亞B出世，應該已經要張床架啦嘛，等唔到。所以就揀呢個時候去買埋。
貴既款又無做sales，得返$399set裝，想買好少少既料今次就無；但由於真係唔可以等到11月，所以我揀左以下呢兩款：
- 可愛Pooh Pooh系列
- 海綿寶寶系列

本應佢地有$500送貨服務，但我又怕送黎既時候無人收貨，又怕佢送錯，所以我就膽粗粗自己攞。
加埋買比Dabi既潤膚露，都唔少野，幸好我呢個媽me有無窮既力量。

虎B的產前講座

之前一直諗住上產前講座，諗住去仁安上堂，$500上5堂，一直都覺得唔駛咁急報名。
點知想報10月上堂既時候，已經太遲，人地話乜都full曬，就連waiting list都有20幾對。幸好有tintin話比我知叫我報另一間，雖然佢都係好full，之前個d班全部full曬，但幸好我都趕得切響9月底開班，上5堂，即係10月底就上完。
今日係第一堂，我真係好鍾意佢乜都有得practical，大家都可以兩公婆一齊學。

每對都有呢個可愛既虎B，佢個樣好奸，好搞笑。
每次老公爸B同虎B玩既時候，Dabi都會呷醋咁踢，哈哈哈...
今次老公學換片片，好叻叻，所有步驟記得曬。連虎B都要比個叻佢。

豬腳第一回＠33wk2d

響9月頭既時候，開始諗自己會唔會腳腫，為左方便比較，我特登影低左張相做參考(查實個時以為自己有少少腳腫而影既)

做左肥婆之後，真係剪腳甲都好有難度，一向有修甲既我，就梗係去比人搞埋，唔駛自己咁煩，又要比Dabi響到young young young啦！點知今日去修甲，個人就同我講：「乜你隻腳腫左咁多呀？」
睇一睇之下，係wor，我對腳......

堅腫！
腫到修甲既姐姐話唔敢太大力去整我隻腳，怕整親我....
腳眼明顯失蹤左....

Oh...即晚就要搵野long起對腳先訓！

同場加映，成日聽聞Coke Classic好飲好多，今日有幸響City縮扒到見到，又無咖啡因，即刻帶返屋企試，掂！！

蔡媽咪倩影@33wk1d

又一個星期啦～
今個星期覺得你明顯地重左，我行得要慢左，都係個句，身邊既朋友話：終於覺得你似返個大肚婆啦！
係，我唔再係輕輕鬆鬆鄧子峰，呢家重左又肥左，乜都慢慢黎啦！

老公呢家同我行街，都忍唔住同我講：你行慢D啦.....
嘻嘻.....

我真係似返個大肚婆啦～咁都好呀，至少呢家係人見到都會讓座比我。
我同老公呢家都開始好緊張，好期待呢個寶貝豬出世；佢已經一日比一日郁得勁，郁我都覺得佢好似唔駛訓咁，亞B你要乖乖留響媽me個肚入面，吸收多D先出黎同我地見面呀～

蔡B產檢@32wk6d

踏入3字頭，係時候改左兩星期做一次產檢。以前四星期先可以見Dabi一次，呢家改做兩星期，開心～
我既體重，無咁誇張，帶住超急既vv上磅都只係重左3磅，之後去完vv又跌返0.4kg，岩曬！
呢家total重左26磅，都幾ok呀～
而Dabi去到差唔多33周，醫生就話佢呢家有4.6磅，仲係中上B，乖B！

入去見醫生，都無左之前咁多問題，一去到就乖乖訓上床見下呢隻豬仔先～
佢踢左我成朝，我諗佢都係一樣咁期待見到我同爸B啦！

塊面依然都係包包面，婆婆仍然都係話成個面型同爸B一樣，不過媽me都係大頭一族嘛，無辦法啦！

醫生今次比我睇到你既側面，好耐無見啦，Dabi，點知佢就腳young young響到玩飛天腿，連醫生都響到嘩嘩聲，拿拿拿，又踢啦！
見到箭咀示嗎？就係佢個隻好活潑既腳仔啦～

之後當然唔少得既係睇下你既私處啦～
老公又係話佢睇得明，我就唔知點樣先睇到？
你地睇得明嗎？箭咀示係佢既蛋蛋wor.....

見到你肥嘟嘟，我作為亞媽既，真係超興奮。
仲有唔夠兩個月就見到你啦～
你緊張嗎？興奮嗎？
不過記得響媽me既肚入面食多D，出世既時候先會健健康康架！

久違了的扒房

我有一樣野係好自豪...就係嫁左個煮野食比我叻既老公。
佢煮野真係有曬佢爹爹既真傳，好好味～

所以有時我地兩公婆會唔駛姐姐煮，自己下廚煮下自己鍾意食既野～
其實我地兩個久唔久都會自己煎下扒黎食，要知道，買靚扒唔難，但煎得好食好難。亞媽既年代成日都話要搵乜乜乜去整左塊牛扒先，一定唔好食。幸好有個勁老公，佢整既真係皮又脆，肉又嫩，好好食。
而我地兩公婆鍾意煎扒既另一個原因係因為有姐姐之後做清潔廚房既後期工作(呢一點係非常重要)。

尋日BB蕉完，仲有牛/羊扒食，岩曬～
唔好以為呢個老婆唔做野，我係響老公教導下，煎左..........
番茄架！！

好好味，多謝老公。

不一樣的月光

§中秋節快樂§

八月十五我覺得係好浪漫既一個節日，我覺得比情人節更浪漫。

兩年前係我地同屋企人分享我地準備結婚既喜訊；兩年後既今日，我地已經結左婚，仲有個即將要出世既Dabi同我地一齊分享。
我真係好白痴架，我聽人講話要幸福既人先見到個又圓又大既月亮。
今日天氣真係好麻麻，成日都落住雨，著賞花燈既都唔肯定有得睇；但竟然響我地晚飯後，老公話不如落樓行下；但係咁樣，我地竟然見到個月亮，我真係覺得好幸福架。

雖然只係見得個一陣，我呢個大肚婆，老公又怕小朋友撞到我，只係行左一陣，但我已經覺得好滿足。

同場加送肥媽me相一張，真係肥左好多架啦，個肚亦明顯地大左好多....
加埋剪左頭髮，新look少左好多頭髮，好喜愛。

已經黎到八個月，肥妹啦肥妹啦，不過最緊要Dabi肥肥仔，我就覺得肥都係值得架啦。
媽me真係開始好期待你出世啦～

你要乖乖，仲有8個星期我地就見面，食多D食多D....

中秋大會

公司既同事真係好好，或者咁講，我好好彩響入職既時候，被安排左坐響一個風水位，無乜人可以知道我做緊咩，又有好同事陪我吹水。
早響八月尾，已經有同事話中秋要搞個中秋大會。
乜野係中秋大會？
其實係每個人要預備唔同既月餅兩個，好等大家都有唔同既特色月餅食，又可以共享中秋。

今日大家就一齊慶祝啦～
嘩，見到呢堆月餅，就連亞Sir都問我地，係咪響到拜神，哈哈哈....

真係乜月餅都有，月餅會之前，我地仲叫左壽司同埋Pizza。
月餅有潮洲，有咩米豬蓮，有龍鬚糖....
真係食既唔多，但都好飽，超滿足。

加上今日係車路士生日，我地都同佢一齊慶祝。
雖然請左呢兩隻煌蟲返黎，但講真，有佢地響到，我真係幾開心。

中秋節快樂！

我以後都唔食甜野啦！

我既vv一直都好正常，亦因為唔係去廣華睇政府既關係，唔駛個個大肚媽媽都飲糖水。去健康院問姑娘，佢亦都同我講，響呢度唔駛個個飲，係覺得你有機會先要飲。加埋份抽血report，我基本上係無乜風險，所以我一直都好安心諗住自己唔駛飲大家都怕怕既個一杯 - 糖水。

但睇私家醫生話返比佢聽我無飲，佢就點都recommend我去飲，佢話知你唔係高危一族，亦無風險，但由於想100% confirm你唔係，所以都想你去做呢個test。再加上上一次小妹無啦啦4星期重左8磅之多，醫生就梗係點都叫我驗左好D啦！

老公聽到之後，話我又唔係無假，又唔係無錢，仲乜唔去驗呢？
咁又係....
之但係又要飲杯咁難飲既野，又要抽血，我又點會想做之嘛....

最終為左Dabi，我都係乖乖聽命，約左今日去做呢個test囉。
又要唔食得野，又要空肚飲個杯糖水，一個字 - 頂！
頂住左個胃，想嘔，但姑娘話：「忍住呀，如果你忍唔住嘔，要再約返黎由頭飲過架。」
意註力可以克服一切，我有iPhone陪伴，忍忍忍忍忍....
3個鐘勁肚餓甜姐姐之旅終於完結。

Total抽左我3次血(人地明明兩次，唔明點解呢度要抽3次)。
第二次抽同一個窿，我認我忍唔到，第三次拿拿林叫佢搵第個窿先抽，咪真係暈低。
點知就搞到兩個乳貼放左響自己隻手度....

3小時完結，膽粗粗咁由佐敦行去尖咀咀搵舊同事食埋個lun豬先返去公司，唔知自己會頂唔順，行到差唔多到既時候，大熱天時，真係想暈低。

去到9秒9叫野食，有冷氣，無曬樹。

呀，大肚婆呀大肚婆，你唔理個大都理下個細呀～

我會乖架啦！

----------------------------------------------------------------------------------------------

小小溫馨提示：假若你都係要飲糖水一族，我個人覺得暖飲會好少少！

蔡媽咪爸B倩影@31wk4d

繼上次影左好靚既大肚相，我又忍唔住再捉住老公爸B再影過。

今次唔係成個肚肚露出黎，著返好少少既返工衫，Dabi，你睇下你爸B幾型？
今次仲要忍唔住攞埋你張相一齊影返張合家歡先...

明顯發福不少既媽咪....咁樣肥落去，點算？

幸好老公有部無敵相機，自拍照真係幾開心，至少可以慳返唔少$$

-----------------------------------------------------------------------------------------------
Dabi，你要加油響媽咪個肚入面大大大.....
乖乖到爸B生日之後就可以出黎同大家見面啦！

探B大行動

響整個懷孕旅程入面，我最想多謝個個朋友係 - tintin，佢算係好早知我有左既朋友仔，識佢係因為九寨溝影相，影完相都兩年，估唔到大家都keep到成日msn吹水。
佢早我兩個月有左，加上佢公司超搞笑，佢有左之後，就一直有同事相繼有babe，所以問佢大肚既野，佢係最清楚。
大家都好似見証住大家大肚咁，超搞笑。
由於佢早過我大肚，好多時都係佢提我之後要做乜做乜，我對佢就真係無乜貢獻，有時仲覺得自己煩住佢tim，幸好佢都會幫我提我。

我覺得大肚有孕媽媽一齊交流，而唔止係blog上/forum上既交流係好緊要架。

佢原因放前二後八，點知岩岩放假，小B女就乖乖出世啦～

雖然唔抱得又唔食得豬腳薑，但見到你個可愛小B，真係乜都抵曬。
見到你同亞May兩個都生左，真係忍唔住講做亞媽既真係好偉大！

期待同你一齊分享更多生B湊B既經歷....
小B女，你要乖乖長大，聽媽媽話，第時同我個Dabi一齊出黎玩架～

好友相聚

好多人都知我做左兩年一間超大型既公司，響入面由MT做起，做到升職，做到差唔多又升既時候，無啦啦決定辭職，轉左去做marketing firm。講真，唔試過唔心息，總係覺得要跳出去睇下。

但個兩年，我真係好開心，跟到一個好好既上司team，又有一個好好既coach，識到好多好同事，公司氣氛超好，呢一樣係我最唔捨得離開既原因。慶幸既係，我地呢條team，雖然呢家個個都離開左公司，但就因為3月有人生日，5月有我生日，9月有人生日，12月有人生日...即係至少每逢生日都會出黎聚一聚。呢個成為大家聯繫既一個好主要既原因。

今次又係慶祝0920生日既好姊妹，我地揀左去食盛八。(又係多得小高既名blog介紹)
原本我地未去過，以為一定唔識點野食，點知原來Kitty去過，可以幫我地發板，掂曬！

好好味，真係超正！(比起上次去世貿個間好好多)
欣賞佢既一口牛、牛舌、燒粟米等，建議唔洗叫和牛，因為燒完都食唔出。

好味開心既一餐，多謝你地咁多年仍然做我既buddy！

自家製大肚相第一回

同好友食完晚飯後，我地返到屋企，老公記得上星期無同Dabi影相，所以我地就諗住影相。
可能老公mood到，我地無啦啦忍唔住影起大肚相來....

響自己不拖粉末下，自己竟然都敢上鏡，真係勇氣可加！
不過講真，影大肚相，最緊要唔係自己靚，係Dabi靚，對嗎？

唔知點解屋企床上既「囍」字，仍然緊緊掛響牆上，令成張相增色不少。

頭都係濕濕的，但我又覺得好有母愛feel。囝呀囝，我地仲有差唔多兩個月多就見面啦！

睇下老公呢副有仔萬事足既樣，真係我睇到都冧。

我個肚已經38吋啦，Dabi加油呀～

老公仲失驚無神加埋effect相，你睇Dabi成個金魚咁～

我個肚已經成功咁大過我老公，叻叻Dabi～

-------------------------------------------------------------------------------------------
仲有兩個多月就見面，我同老公爸B都好期待。
你要乖乖留響媽me個肚入面，食多d，到預產期先出世呀～

開心大發現@30wk6d

又成個月無見寶貝仔 - Dabi啦～
唔知係咪因為Dabi知道今日會見爸B媽me呢？佢都好似特別興奮咁響到踢踢踢....

今日因為夜晚會同婆婆食飯，所以婆婆都一齊入黎陪媽me睇下呢隻豬仔！
去到醫務所，第一樣野梗係磅重啦，嘩，以為自己終於覺得重左，唔錯唔錯，點知同桃媽講開，佢記得上次我磅幾多，原來我呢4個星期足足重左8磅！平均一個媽咪響呢d周數應該一星期重一磅，我就重左個double，哎呀！
醫生見我第一下，我都問左佢有無問題先，幸好，佢話我之前唔係好重，呢家vs未有之前，大約重左23磅，唔算多，都ok，要keep住睇下點先，嘻嘻～(等你地一直都話我唔肥)

去到睇下隻豬仔，一睇已經見到佢個正面，好乖好似訓緊又好似笑緊，最緊要係睇到佢兩邊面個舊肉，嘩....肥豬仔呀～
超可愛超可愛！

醫生唔少得梗係都係show佢既袋袋比我地睇，佢話左上角個個係wor，我就唔識睇，但老公就話睇到啦～

醫生轉角度再比我睇，拿，呢條咪係JJ囉(箭咀指)，睇到嗎？

頭仔都仲係有少少over size....

醫生話Dabi呢家重3磅7，算係中上碼既Babe，希望佢keep住呢家咁樣，生出黎就乖囝啦！

睇完醫生，媽咪一睇d相，嘩...點解Dabi同爸B一樣樣既???
有相為証！

我作為媽咪，見到佢地咁似樣，竟然覺得好自豪...呵呵呵！

為你下廚

家中有印印，加上自己大住個肚(明明係藉口)，真係少左好多下廚，因為佢地成日都話太油煙，BB會熱氣喎！

不過呢家野信就有，唔信就無，無工人既屋企，個老婆生B咪好熱氣？

但老公無啦啦又痾又嘔，明顯係腸胃炎又返黎啦～

愛心老婆又出動，忍唔住煮返一餐比佢食，希望佢食得乾淨D，快D好返！

其實我真係好懶，又唔想自己去買，結果後尾都係要老公出動，煮一味！
不過老婆咁有心，我諗老公已經好冧@.@

收獲@大減價下既雞鴨店

踏入第30周啦，3字頭好似係響到提醒我，已經唔再係輕輕鬆鬆，呢家行步路都好似好易攰咁....

8月其實好多好多地方都做緊sale，以前我只係會行女人野，呢家女人野已經唔多想行，反而成日走左去行BB野，變左啦我！

今日係老公既Master course開學前最後一日，今朝返工已經同佢講，今晚同佢好好食一餐慶祝。
開學禮，我地去左食BLT Burger，老公一向都幾鍾意食唔同地方既burger，所以今晚同佢出尖沙咀，佢揀左呢一間大家都想試好耐既，都唔錯。

我地第一次食，唔識，叫左兩個Burger Combo，又有薯條，又有Cole Slaw，仲有杯野飲，最緊要係，個包好大個....
老公食到係飲多杯水都飲唔落咁飽，佢仲以為我只係食到一半，結果，我都KO左3/4個Burger，之後先話比老公知，好似有少少飽啦，都係唔食啦！
望住隔離枱，佢地原來會叫一個Combo set加一個Cesar Salad咁樣，係喎，好似岩分量少少。

之後我地就去左雞鴨店行，明明九月仲見到佢有Sale，點都想入去行多轉(明明之前已經響沙田行左幾次都無收獲)。
點知，今日就見到好抵既包被，原價差唔多$300，呢家$110就有交易，嘩，半價有多呀！
個款同個料仲要好唔錯，只係無新貨，已經全部都係last one，我見係雞鴨店，出面買好少少料都唔會係呢個價啦，所以同老公即刻執左3條比Dabi。

老公仲買左個玩具比DaBi添，佢話就算亞囝未玩到住，佢可以攞住玩比亞囝睇喎！
不過又真係幾靚，仲要咁平，點可以忍得手唔買～

滿載而歸咁諗住返屋企，cup泊車之際，亞姐話我地可以有5小時免費泊車喎，拿拿聲話去行多陣。
點知，舖頭都慢慢咁閂門，咁我地唯有走啦，望下隻錶以為好夜啦，原來只係九點半。

同場加映較早前買比DaBi既玩具，一個係掛床床既音樂牛牛，呢家日日都比佢聽架～
仲有兔兔加犀牛玩具，等佢可以攞住玩。

屋企已經越黎越多DaBi野，即係佢要出世既日子一日比一日近啦～～～

我同老公爸B都好期待你既來臨.....
乖囝，記得響媽咪肚入面繼續食食食，食到爸B生日之後，你就可以隨時出黎啦！

一蚊既車厘子

今晚大顆兒出街食晚飯，雖然一星期食左3餐老四，不過我個人真係幾enjoy家庭樂，有得一齊笑下講下，不知幾歡喜。
儘管我同老公已經第6餐輸左，唔知點解...黑氣二人組....

飯後，同爹爹去左永富買生果。
一向都好鍾意食生果既我，為左DaBi已經戒左好多，所以去到，我都忍唔住同爹爹講：我想食桃，不過平平地就oooookkkkk....
點知見到$32個，爹爹話呢d唔得，一買就買左一大盒....

見到都覺感動，真係感動味蕾。
同場加映既車厘子...
一向都唔平，今次仲要大過個一蚊，唔知幾多錢呢？

滾動滾動！！

蔡媽咪倩影＠29wk5d

究竟呢3個星期，DaBi大左幾多？
作為媽咪既我，最鍾意影相，唔知羞咁放上blog比大家一齊鑑定一下！

用返同一件衫，係我覺得最易睇到分別既。
估唔到，DaBi呢3個星期，真係成長得好快，呢家坐響到，都見到自己圓圓既肚仔！

我諗做亞媽既，見到個囝一路一路咁大，原來真係會自豪架喎！
乖仔乖仔，亞媽肥唔緊要，最緊要你健健康康，快高長大～

都係個句，都話亞媽真係好偉大！(今時今日終於明白左)

-----------------------------------------------------------------------------------------------------
是晚訓訓下覺，小腿突然抽筋仔，真係眼水都出埋。
個一刻，自己個肚又頂住，拉唔到筋，好在可以拍醒訓到朦朦朧朧既老公大人，幫我即刻按摩一下！

老公爸B，你真係好啦！

37吋巨肚@蔡媽咪

今日約左蔡爹爹去九龍城食飯，見有時間，就同老公去行下九龍城個間BB衫店。
之前同++去過，就買左少少和尚袍，不過都係薄既料，但今日去行，好多厚衫仔都出左啦！
爸B梗係話買啦，我就想再格下價，去花園街再掃。

不過見到呢件衫仔，我同老公都覺得好靚，就忍唔住，買左比Dabi。
影出黎好似無咁鮮，但佢既黃色真係好靚，好特別。

返到屋企，沖完涼，諗住度下個肚仔啦....
呢排其實都覺個肚大得好快，不過今日一度，兩個星期前，我都只係35.5吋，媽咪仲問我係咪食得好少野，今日一度，連我都嚇左一跳，原來已經去到37吋巨肚啦！

見到Dabi速成中，我係覺得超開心。
媽咪肥唔緊要，最緊要你食食食，出世既時候至少有7磅就好啦...