我們仨的合照 - Henry Workshop

有睇我profile相既都應該知道，係，我同老公去左影樓影大肚相。
一直都有朋友仔問我會唔會出去影大肚照，我都話唔知，因為我覺得好似無乜必要咁，BB又未出世，其實感覺有少少影pre-wedding既感覺；相反，我好支持BB出左世之後，同佢去影樓影一輯相。或者就好似朋友講，因為我老公有大機，我地成日都可以響屋企自己影相。
直至有一日，我同blog友 - 旻傾開計，佢問我有無興趣影大肚相？
幫佢婚禮影snapshot既攝影師 - Henry想開拓大肚相，佢可以幫我影。其實我同老公真係無咩所謂，所以好快就應承左。可惜既係我個肚唔夠大，由8月尾一拖再拖，拖到10月3日先影呢一輯大肚相。
上到佢影樓，雖然唔係話出面好pro影大肚相既setting，但所有燈光相機都係超professional，佢份人又好nice。我帶左好多道具去影，帶左好多sample去影，Henry都好努力去配合。
唔好講咁多，去片：

呢一張相，好多間影樓都有得影，但Henry真係影得好有feel。亦係我最最曼鍾意既一張相。

未影之前，我搵左我個好友Emily幫我化妝，我地又玩又笑，遲左好多先可以影，但Henry都無黑面，慢慢等，仲叫我地唔駛急。

所有衫都係我自己帶去，所以我之前都做左好多research我應該買咩衫。老公睇親呢d相，都問我點解要除衫，哈哈哈...我諗係你同我個肚襯啦。

而根據Facebook既feedback，大家最鍾意都係呢一身白色既打扮。好sweet，清純既感覺。

當然響呢度呢度，我要公開多謝旻，佢黎話玩下，點知就幫我做亞四，又睇下我地個pose靚唔靚，又幫我影好件衫，又幫我影頭髮等佢唔跌落黎，又幫我著好件衫......
仲幫我影花絮.....
最辛苦最辛苦就梗係幫我將條布響到飛黎飛去，無你，我都影唔到咁靚既相。

另外好多媽咪爹地就會有一set情侶衫，而Henry就話因為我個肚唔大，都係要露個肚仔出黎先靚。
我就超鍾意呢張一家仨口既相，有埋Dabi個樣，超幸福超sweet。

估唔到自己仲著得落件細碼衫...哈哈哈...

唔少得梗係呢個黑mud mud既background，有feel相唔係我同老公成日都有既style，但Henry仍然影得好靚，好得意。

總括真係好多謝旻既好介紹，Henry真係超有水準，我仲覺得好唔好意思要麻煩佢影咁耐。
真係超值得推介比各位準媽媽。