Dabi@Day187 - 推介Cotton Candy + 爸爸講故事片片

今日約左同Dabi B去健康院。
又兩個月啦，自五個半月開始食少少奶粉，唔知今次追唔追到呢？
去到今日奇怪地唔算多BB。
所以好快就可以比佢磅重。
仲係超輕既細碼B：6.56kg，高65cm，頭圍42.4cm。
所有都仲係細碼B既size，不過比起之前已經有重到，乜都唔食我都老懷安慰了。

之後就同佢去左一田餵milk milk。
哈哈，雖然佢細細粒，但我諗第時要既話都仲可以放落去餵糊仔既。

眼訓到爆既小朋友，都未訓得住。
比我捉左去Cotton Candy買野～
係呀，我想去買個揹帶。之前Combi個條唔係唔好，不過就係唔鍾意Dabi B睇唔到野既感覺。加上如果出街既話，買條輕便易收藏好似好少少。
點知，就出事啦。我再買左個睡袋同埋High Chair套。

見到個睡袋已經愛不釋手。是關好難得見到個老連咁大個既睡袋。
因為Dabi B有嚴重既踢被習慣，細個少少都嘈到拆天。
呢個只係$288，點知...一試上身，就覺得真係好得喎！

同場比大家睇下，其實個睡袋有咁.........長。
嘩哈哈哈......
我諗可以響尾個邊放多個B，兩個腳對腳咁，好搞笑。

同場加映爸爸同勞蘇講故事比Dabi B聽：

Dabi@Day183 - 6個月打針針

尋日玩得好盡興咩？今日就要乖乖受刑。
因為6個月要去打針針啦～
一早Dabi B好乖咁8點左右起身，我地諗過，都係早少少去唔駛排咁後。
所以奶都未食就帶左佢出去。
「爸爸，我地咁早去邊呀？」

點知呢個豬仔去到，都無乜野咁。
直至醫生打針針個一下，都只係叫左兩聲，就無事lu。



返到去，比佢食個milk milk就即刻訓。大家一齊訓。爽。

直到夜晚7點左右，佢就開始病發啦。開始有微燒。
其實同佢已經打左幾次針，我都大約知道佢次次都有反應架啦。
所以防禦工作做足了。
拿拿聲同佢貼個退熱貼，同埋食藥藥。
不過呢家佢大個左，食藥亦都變得無咁順攤。

不過唔緊要啦，打針針有反應即係抗體產生中，都係好事黎架。
所以小豬仔...你要快d好返呀！

知道Huggies有半歲生日會嗎？
Dabi B參加左，原來同佢同一日出世有咁多朋友仔架wor！
期待收到好快禮物仔。哈哈哈..我認我係貪d禮物。

Dabi@Day182 - Dabi、茵晴、小胖好友相聚

尋日見到茵晴諗住約小胖去街街，Dabi即刻忍唔住話都要參加。
我見上次大家出街好亂，媽咪食唔到野，BB又扭計。
Dabi B就邀請佢地黎我屋企玩。
呢3個小朋友真係好得意，一齊訓playmat影相。

茵晴一黎到，就已經忍唔住攞Dabi既玩具玩。
Dabi：「媽媽，我好無奈呀！我既favorite toy去左第二個度呀！」
茵晴：「呀～呢個玩具都幾好玩喎！幾好味喎！」

Dabi B：「不如我地3個sharing啦！唔好唔比我玩啦～」
(Jordon分屍中....)

之後茵晴媽咪請左餅餅比Dabi同小胖食。
Dabi B可以自己一手攞住食....

茵晴好sofu咁等緊媽咪餵....

而小胖就要媽咪半塊咁餵佢！

3個小豬仔仲一齊響playmat爬下爬下，傾密偈，好開心咁。

唉，無玩具玩，唯有食腳指啦。
(今次係Dabi B第一次食腳指咋！)

開心茵晴坐得好穩陣呀！

小胖好痴媽咪，媽咪行開半步都唔得。
所以心情都唔好，難得有一張影到可愛樣，哈哈！

============================================
今日其實玩得好開心，見到個豬仔都唔怕生保。
同朋友仔玩得巧開心。而當然媽咪亦都傾得好開心啦！
傾到大家都唔捨得走。
期望下次可以再見到大家黎玩啦。

Dabi@Day181 - 我今日半歲bird-地呀！

今日係我家小王子Dabi B既半歲bird-地。
佢好似知道咁，成日笑咪咪，冧屎人。
今日爸爸要返工，所以無乜安排節目！
點知屋企洗冷氣時，個師傅話不如同BB落一落街，呀？
我岩岩餵飽左個仔，想自己食野，佢就黎。咁我食乜好？！
有諗過自己同佢去廣源，不過諗到結果都係無得食，所以決定.....
搵父父黎車我地出娘家，搵大聲公睇住佢。
大聲公不知幾開心，仲成功暗到Dabi B訓。
而我就梗係輕輕鬆鬆食lun豬啦！

返到屋企同佢沖涼佢又訓過，幾乖！
晚上就同爸爸出去沙田食dinner，今晚都係去左悅翠，我自己鍾意佢方便。唔駛等位好緊要。呢個豬仔食完糊仔，明明好眼訓，都笑騎騎咁，好可愛架。

等爸爸媽媽食完之後，就同佢去反斗城買禮物。
點解買Barney？
因為呢期媽咪成日同佢剪指甲，都係開住Barney比佢睇。
試過Thomas、試過Mickey、佢都唔ok，反而一睇Barney佢就好開心。

見佢咁鍾意，就買左個有音樂既Barney比佢。

佢一聽到Barney唱歌，就好開心。除左Barney大聲之外，其實真係好好。
不過Dabi B都係一貫佢既作風.....放入口。
哈哈哈

Dabi@Day181 - 六個月成長印記

沒有工人的日子，blog真係追唔切，其實今個月幫Dabi B影多左好多好多相，放心，工人希望響6月中返工。到時希望有機會後補4月既日記。
不過....
斷唔可以放低咁耐，希望寫最update既都能夠吧！

其實尚欠五個月既成長印記，一直Dabi響4個月時都無打側身既意欲。眼見其他BB都好似打側打側想轉身咁，我先同老公講，會唔會Dabi好遲先識架。
點知響4月頭，佢開始換片時想轉身，再響9/4無啦啦一早自己成功咁roll over到。

呢家換片簡直就係同佢鬥快鬥力鬥EQ，佢轉身真係可以9秒9。

今個月最大最大既轉變，我諗就係便便啦！
因為佢一踏入4月頭，佢無啦啦成3日無便便>之後兩日有>4日無>1日有>5日無...
好似玩野咁

明明之前係日日都幾次架嘛！
於是，媽媽太擔心之下，就梗係同佢去左睇醫生。
睇過兩個醫生，其中一個係佢出世既兒科醫生，一睇佢既磅數，就話佢唔夠重。
咁又係，5個幾月得個13磅，真係幾令人擔心既。
醫生話佢無便便好大可能性係.....佢食唔夠。
我諗呢一句對於奶媽黎講，真係好打擊架！

佢於是建議我由餵一餐糊仔改為兩餐，希望佢密食當三番。或者係補奶粉～
經我同老公商量後，我地怕佢消化唔到咁多固體，終於我地響佢5個半月開始左補奶粉大計。由一餐，慢慢兩餐，到呢家三餐奶粉lu！
加埋我比佢既糊仔由純米糊到呢家有加生果蓉，果然，呢期日日有便便。
咁我有無好傷心？我又無喎，反而我輕鬆左好多，一定知佢食幾多，又見到佢有poopoo，真係成個人都安樂曬！
黎緊我都諗住已經餵到6個月，呢家死泵爛泵先得個2安，我都諗住差唔多收工lu。
世衛話建議餵母乳到6個月嘛，哈哈哈..安樂地收工。

食奶方面，由於佢已經轉左半奶粉，呢家一日只係早晚食人奶，中間三餐都係奶粉，每餐150ml，朝早個餐為求方便，仍然係埋身食。知佢食唔夠架啦，不過佢又訓得返，咪由佢下一餐先食奶粉。夜晚個餐人奶都係靠之前泵落儲起，一日夠一餐咁囉，食到6安架。
而每日就夜晚個餐比糊仔/粥仔佢食，大約兩安！今個月試得多囉，開頭食糊仔食得好地地，幾個星期後無啦啦唔食喎。咪煲粥囉，仲開始加南瓜、瘦肉、菜等比佢試，全部都mi實個口唔食，吹脹！
之後因為我有時下午會比佢食生果蓉，見佢食蕉好好，咪試下加返落米糊比佢食，佢又同我清曬兩安，真係比佢激屎！其他無論apple定個個小朋友都喜愛既南瓜都唔食，我都唔知點算好？日日食蕉都唔係辦法？
呢個月開始，都間唔時會食下餅餅、生果蓉等，比佢試下味。

便便方面，上面講左，佢之前唔係好有便意，呢家食完蕉糊之後，就日日都有poopoo，有時開心起黎，一日兩次都有架。
不過食左奶粉之後，明顯濕片多左好多，次次都有勁重片(亞媽，即係我食唔夠囉！)

訓覺豬方面，夜晚個覺唔駛抱住暗訓，放落床仔，聽下音樂，15分鐘內就會KO。
每日呢家訓覺既schedule都好定。同埋佢開始眼訓會捽眼～
00:15-8:00>14:00-15:00>16:45-18:30>21:00-21:30
日日都訓到12個鐘plus，出街另計啦！嘻嘻！

我仲記得之前上產前講座，話你好快就會pick up到bb既schedule。
我一直都覺得自己pick up唔到架，連佢喊乜我都唔識分。
直至呢個月，講真，我先完完全全咁掌握到呢個小朋友既每日活動。
我已經係全職咁湊佢，都要5個幾月時間，雖然，呢家我了解到呢個人仔，我真係覺得超級開心架！

玩玩方面，佢呢家叻左好多，又識轉身又盛，基本上比乜佢都放入口咬一餐架啦！
亦都好叻撩人玩，又會咭咭聲笑出黎，點講都係一隻識氹人既豬仔。

=========================================
Dabi B，可以見証住你每天的成長，我真係覺得無比既榮幸同開心。
但願你響呢個屋企繼續快快樂樂，健健康康咁成長。
愛你的媽咪上

Dabi@Day180 - 半歲的慶祝活動

咁岩今日係佛誕生日，公眾假期。

我同老公商量左，今日同佢切蛋糕，好過聽日我地兩個人食一個蛋糕。
提早左慶祝，就梗係去婆婆度痴餐啦。

Dabi B：半歲人仔生日快樂！

呢個人仔同父父玩得幾開心？！

Best Buy又出現。佢可以開開心心咁睇住個蛋糕！

今日我們仨係全藍精靈裝，好colourful，好靚。多謝姑姐from Thai trip。

女朋友仔無啦啦剪左齊陰，好傷心，都被迫要影相。陰公

～

唔少得梗係一家人一齊影相啦。

呢期呢個小豬仔鍾意扮識行，超搞笑。
你睇佢high到....哈哈哈哈.....