不如試下每一次唔開心，我都記得學下欣賞返自己呀？
今日您去左小學同學燒野食，其實之前我有諗過搵煌府既姊妹陪我上去大陸，因為我知每一次您陪我搞結婚既野，您都好悶～但一同您講，您就話唔去，所以我知道我可以選擇既有：
1) 您唔去燒野食，陪我返大陸
2) 您照去燒野食，但我堅持返大陸
3) 我唔返大陸，而您可以照去燒野食
難得您肯搵朋友，融入返呢個群體生活，我所以選擇左3)
雖然我知道我感受係唔開心，感受既感受係寂寞，或者係無安全感，但總唔能夠呢一世都係兩個人生活，咁樣您都唔會開心，所以我決定同自己講，您去燒野食，而我都可以開開心心咁接受。
今日您一路講您要帶相機，您點點點，其實我感受到您好興奮，所以我都好興奮咁同您傾，難得您唔mind我響您屋企等您，其實係我唔想返屋企無野做，自己仲會亂諗野，所以好想留響您屋企。
幸好有嘉慧同LeeLee仲有您既屋企人一齊食，我開頭都擔心您唔響到我會唔開心架，但今次我覺得自己表現都唔錯呀？係咪？
之後我就響房玩電腦，我記得您走之前，您同我講過您唔會玩好夜，好快就返黎～
我當然好安心，由六點半唔見左您，諗住有埋您既老師，應該唔會玩好耐啦～
由八點幾食完飯，九點無野做，返入房玩電腦，等下一陣等下一陣，我欣賞您中間都有打比我，但由11點之後，我就無收到您既電話。
直至12點半，我忍唔住打比您，我寧願自己坐的士返屋企，我唔係好想響到等，好孤單，我有不停叫自己唔會亂諗，但點解每一次您出去玩，我好自然會value自己好低，如果比您知道唔開心，您只會決定下一次唔去玩。
但去玩去玩，點解唔可以早少少返屋企呢？下一次再出去唔得既咩？每一次您出去，唔帶我，就會好夜好夜好夜，之後您就會覺得我好管住您～
切身處地，您會感受到嗎？
還是您一貫孩子氣既作風呢？
這一刻，我好想喊.....
