偉大的老公爸B

星期日那個晚上，我地去左大埔食晚飯，喜歡兩口子咁樣出去拍拍拖，食久違了的陳漢記。
響大埔，好似可以買既野都平D咁，我地走左去行下行下，就又去睇Dabi既櫃。
我地一直都諗住買膠櫃，貪佢空間大少少，又唔重。
見實惠有個做緊discount (其實呢款睇左好多次)，咪諗住帶佢返屋企。

點知夜麻麻帶左佢返屋企，先知唔岩size，原來根本放唔落，我地兩公婆一直度錯size。
打去實惠好在沙田個間未close，佢可以比我地拎去換。

當然我地一早有兩手準備，諗住換另一款木櫃，呢款貴少少，但就細少少。
佢地要訂，咁我同老公又唔急用，就諗住訂左先再攞。

星期五我地終於可以去攞，辛苦了老公，佢以為好輕，點知，由停車場返上屋企，佢都用左九牛二虎之力先將個櫃帶到返屋企。話左比你知好重架啦，babe～

爸B第一次砌櫃，這一生人第一次，我都覺得佢好勇敢。

見到佢由一個一塊塊木，變成一個5桶櫃，好叻。
雖然中間發生少少問題，但最終我地都解決了，五桶櫃完成了！
用左3個多小時，見到你身水身寒，我好感動。

多謝老公爸B為我同Dabi而努力！