扑醒ＤＡY

今晚良生約燒野食，好大堆頭，成11個人，我地就開開心心一齊去燒烤王度買野食，好豐富。

今晚我先發現原來哥哥透爐有一手，勁喎！

今晚燒野食，見到哥哥真係好開心，同朋友仔傻下笑下，咁就一晚！

哥哥今晚成為大贏家，估唔到大家對我地咁好～

聖誕節快樂

一早起身，哥哥已經急不及待試佢既新鏡頭，嘩，真係闊到....

之後我地一齊入平哥度去慶祝佢既B女出世12天，有薑醋食！

哥哥影既相真係開始好有味道，特別以下呢兩張，好正！

我自己就好鍾意呢一張...

晚上訓醒我地就去左買野煮飯，哥哥話好想食三文魚頭，勁易整，超好味！

平淡既聖誕節，祝您快快樂樂！

好平安既一晚

今日公司放半日，同同事飲完茶之後，我就開開心心咁去尖沙咀等哥哥，同埋買哥哥既生日禮物。

哥哥話想去影多次美麗華，哈，發覺佢控制呢個鏡頭真係越黎越好。

同佢又去返銅鑼灣搵亞May幫佢剪隻腳，May真係好有心機，幫佢整塊膠都剪到。連埋佢新既傷口都處理好，７點半左右我地就返屋企食爹爹整既聖誕大餐。

今晚原來我地真係自己焗雞，仲有超美味既牛扒同埋鵝肝。

晚上，終於可以將我揹左一日既聖誕禮物放響您手上，見到您好驚喜既表情，我又覺得好值得，真架！

親愛的，聖誕快樂！

婆婆晚飯

知道哥哥既婆婆又入醫院，所以我地都約佢出黎食下飯，見下佢。

無電視聲既晚飯，好靜。婆婆竟然記得上次食既翅，好搞笑。

力行唔知點解會織頸巾比女朋友做聖誕禮物？

Simon's Home Christmas Gathering

哥哥影既相越黎越靚，主題越黎越出，好！

晚上約左響舊老闆Simon屋企Christmas Dinner，好耐無見既同事朋友，超開心，超搞笑，連第一次見佢地既哥哥都好relax咁join埋一齊，令我好放心。

Simon屋企一D都唔似我識既佢，唯一似既係用盡名牌，但間屋好有格調，特別鍾意佢既Open Kitchen，好正！

期間講緊照個心臟，Simon老婆問用咩照，佢就話應該唔係用個電筒照，呵...笑死我！

食完野唔少得既梗係交換禮物，超好玩，有無聊既Simon同埋多主意既Emma，結果係搞笑地我同哥哥抽到Emma地既禮物，而Emma兩個就抽到Simon夫婦既禮物，好開心。

最搞笑既係Michelle包禮物既花紙係同Simon著既冷衫一樣（+.=）

每個人都抽到好特別既禮物，我抽到個iPod播放喇叭，好開心既一晚！

做冬

本應今日婆婆屋企做冬，但因為媽媽入完醫院，媽媽話想響屋企休息一下，所以我就可以join埋去哥哥屋企做冬。

由於工人已經KO，我地就決定去返尖沙咀竹園食。

７點開飯，我地就６點去到先開四方城，今日我個位唔知點解好旺，要乜有乜，真係唔錯。

中途點知哥哥收到跛跛既聖誕禮物，諗到影相，點知拋到自己個鼻，低能仔。

Kelvin同細細由於有兩場，我地等埋佢地先開飯，點知Kelvin一黎到，佢見到哥哥既相機，就傾到唔停，原來佢都係玩機之人，呵呵呵...

食食下飯既期間，Kelvin話哥哥既連拍好勁，所以就同BB玩握手，哥哥影完返屋企睇，最好笑既係...中間既跛跛。

妹豬訓左好耐，由跛跛既聖誕禮物波波先醒到，cute爆。期間同每一個人講聖誕快樂都好似痾唔出咁先會講：「.....大舅父，聖誕快樂！」超搞笑～

跛跛超好人，連小桃我都有聖誕禮物，開心耶～

返到屋企，同哥哥＆嘉慧玩相機，原來嘉慧真係好定架喎，我同哥哥就飛黎飛去，不過我都成功咁寫到哥哥個名架～睇唔睇得出架？！

媽媽出院lu～

經過４日既住院，媽媽今日照埋胃鏡，知道唔係個d唔知咩螺旋菌之後，佢終於可以出院啦！

響等出院既期間，我坐左響到睇電視，佢仲識電召我去倒水比佢飲，勁！

點知等下等下，搞出院都搞左３個鐘，呆（=.="）

出院既今晚，我地就join埋姑姐同埋女麻女麻地一齊食晚飯，媽媽話要補斟茶比女麻女麻喎，乖！

講返好多細個野，叔叔原來係一個低能仔，呵呵呵...

聖誕燈燈＠又一城

今日我地一樣放工一齊去探媽媽，見到媽媽終於有好轉，我都放下心頭大石。

佢唔駛再吊營養液，食到野，哈，仲識講笑。我地兩個探完媽媽之後，就去左又一城再影燈燈。

又一城沒有以往咁靚，可能水晶個時太靚。不過由於有個好靚既鋼琴，所以我同哥哥都好有心咁影。

至於個聖誕樹，我就覺得怪怪地，雖然哥哥依然用左大量既memory去影。

可能由於我地兩個今日都太累，就算去到sale既Double Park哥哥都買唔到野。

最驚係哥哥傾響高層影聖誕樹，我望一望，嚇到老遠咁等佢，呵呵呵...

終於到我地，倒數365Days^^

成日響其他sis個blog入面見到佢地倒數，終於到我啦～

不過人地就有曬check list，好多野都confirm左，而我就好似仲有好多野未confirm，哈，就連場地會唔會轉都未知，呵呵呵...

唔緊要啦，我相信我地一定有一個難忘既婚禮。

今日既慶祝活動就沒有了，只有一起去醫院探病床上的媽媽，不過，有您響我身邊已經好夠了，對嗎？

出年既今日，我就係蔡太啦^^

SSL Annual Party 2008

今日係公司一年一度既Annual Party，我今年負責做MC，幸好有美亞子一早比好個稿我，令我今日無咁忙，可以搞一搞媽媽入院既事宜。

今年響馬會搞，係意想不到咁靚...

一去到，個個同事都話要影返張靚相先～

我地４個就一於少理，點都要影相影相同埋玩。今日既野食好好食，有新鮮即開既生蠔，仲有火雞，羊扒，哈根大師雪糕，真係估唔到咁多野食...

唔少得梗係抽獎啦，結果由Edith以大熱勝出，有$3000現金獎，嘩！

今年大家都玩得好開心，無舊年咁悶，呵呵...期望明年都係咁開心咁好玩就好了！

女麻女麻80大壽

「女麻女麻80大壽」

今日知道係女麻女麻大壽，我都特登請左半日假，諗住早少少去，唔駛怕有咩突發事。爹爹叫我負責買大咭，但我竟然唔知女麻女麻幾多歲，仲打去問爹爹係50定60歲，比佢地笑到死。

４點幾已經去到，有時間比女麻女麻睇下我同哥哥既婚紗相。仲可以同姑姐傾下偈。今日除左有大表哥呢個專業既攝影師，仲有細姑丈同埋哥哥...

如哥哥所講，同我屋企人食飯，只要有k唱，有牌打就可以。

點知媽媽今日突然腸胃炎，哥哥就去左陪媽媽去醫院先再黎食飯....

斟茶既時候，我就代媽媽送珠鍊，而哥哥都有份斟，乖！

見到咁人齊，連舊街坊都黎埋，女麻女麻應該好開心，祝佢年年有今日，歲歲有今朝，日日都笑口常開，健健康康。

聖誕燈燈@銅鑼灣

大姐姐今日放完大假返公司，但就定左今日開鞋會，唉，我都知唔多好野。

結果當然係，晏一晏先開會，亦都夜一夜先收工。

幸好哥哥今日黎左接我，令已經疲憊既我都可以休息休息，為左方便，我地去左銅鑼灣食野，估唔到仲可以影到燈燈。

利園樓下呢度仲無咩人經過，可以比哥哥慢慢校好先影。

行到時代廣場，雖然已經差唔多熄燈，我地都把握係咁影。

影到亞肥姐真係好開心，因為一直都覺得呢幾隻公仔好靚，仲搵到個一樣好pro既人幫我地兩個揸機。

影到曲終人散，我都好好咁返屋企休息一下。

聖誕燈燈＠海運

拖左媽媽傾保險多時，今日就諗住約埋媽媽去傾。

約左先去尖沙咀食飯，哈，今日lun豬同同事先話想同呢隻米芝蓮影相，晚上就影到，正！

用勁相機影出黎，果然同之前唔同。５位數既一部相機果真勁～

返到屋企精神已經用盡，同媽媽傾保險既時候，好累。

工人KO記

今朝連埋LeeLee一行5個人一齊出左去飲茶，尋日聽到工人同LeeLee講話要出去買野，之後又話要出去打電話，已經知佢今日一定會走出去。

飲完茶返屋企，發現間屋度門反鎖左，按門鐘無人開門，我同++去搵開鎖既同時，都去印尼店入面搵返個工人，++簡直想即場同佢開拖，我就叫佢地返去先。

返到去屋企，++話忍唔住，要即刻KO佢，就係咁，沒有工人既日子又要繼續展開。但今次唔同既係，我地做野都唔覺唔開心，反而日日對住個傻既感覺更差。

今日無左工人，我同哥哥仲即刻黎個大掃除，將廚房有既野都掉得就掉，之後就到哥哥房，嘩，我諗我地total掉左6-7袋紅白藍先掉曬。

5個人食完飯之後，哥哥見個月亮咁靚，佢話要落去影相。

真係影得靚到呢～

連龍吐珠都影埋，靚呀！

無聊既時候，４個人就影跳跳相。哈，完全唔明白點解威威可以跳到腳都飛起埋，而我就跳極都好似無跳咁。

部機影既相真係好靚，景深既效果做得好正！

呢家先明白原來景深係咩一回事～

望下間房，好感動！

法國婚紗照＋租衫

影九寨之輯相，除左影到靚相之外，最好既係識到一班好既姊妹，大家會互相幫忙。

今日我就約左其中兩個，一齊去婚紗展，book酒樓送既婚紗攝影同埋租我同哥哥既衫啦！因為問過好多唔同既朋友，都話法國既衫係比較靚，我覺得一世人結一次婚，某D野係唔可以慳。

小Joe又同我講話響婚紗展因為個個都有quota，所以傾free既野會易少少，我地就今日約埋一齊去會展啦！咁岩貓貓同雲雲今日到香港視察環境，我地就一行５個人一齊去睇睇。

響小Joe同埋Tintin既意見之後，我問清楚細節，就Join左個upgrade平版，只有25張相送，因為之前響九寨影既相太多，我真係怕太多野放響屋企放唔落，我都唔敢要咁多。暫時confirm左18/4/09去影法國呢一輯相。

另外，就同時間Join埋佢既租衫，個Sales free比我既野都叫唔錯，我覺得還可以，唯一唔係咁好就係無得轉款，不過學佢地咁講，轉款呢d野，又真係未必咁需要，最緊要揀到自己岩心水，我呢D心大心細，唔好搞咁多野，比咁多野我決定係最好既。

離開前，仲同貓貓＆雲雲影左合照，佢地兩公婆既感情真係超好。

估唔到12月仲有大閘蟹食，好味！

聖誕燈燈＠沙田新城市

今朝返工之際，見到自己公司出左廣告，即刻忍唔住影左落黎，大力幫手推一推先，話曬今次呢個廣告我都覺得整得幾有心思。

返公司食完lun豬之後，前面位既同事送我一個小蘋果，超細個，好好味。佢既size就好似只有一粒Lindt咁大粒。

哥哥今日又要去做疣既手術，其實見佢起得咁密，都真係幾擔心。幸好個醫生一約就可以即刻做，快！

諗住放工去佢屋企，等佢訓下，點知佢又想出去影相，所以我地就去左新城市。

一去到，佢就已經好pro咁攞部機出黎叫我企邊企邊，哈，完全感覺唔到佢今日係做左手術，比人打左訓覺針。

由於想影相多過食野（我諗佢訓到無咩胃口），我地就草草地去左食KFC，佢真係等我買雞時都會攞部機出黎影，勁！

去返新城市之後，我見到個雪人好cute，連我都忍唔住話要影靚相，佢每一張相都會自己set，哈，好好笑，因為竟然敵不過auto既威力，哥哥，您都係要練多一點吧！

買左咁大部相機最麻煩既一件事，就係想人地幫您揸機，因為佢又唔知點幫您影，您又唔知點比佢好，話曬部機都真係超重架嘛！

最重要既一樣野，係哥哥呢家返屋企第一件事，係......聞相.....

超凡的攝影技術

尋日有部相機之後，哥哥就已經機不離身，去到邊就影到邊～

放工返屋企，佢都係攞住部機影，嘩，好pro。

見到佢咁既樣，忍唔住讚左佢一句：型！

夜晚同嘉慧去左食吉野家，哈，哥哥話由舊年開始想打邊爐到呢家，終於一償佢既心願，其實都算好好味。

雖然佢成晚個focus都去左部相機到，但我同嘉慧就變左做主角，不停「我要做Model」！

我們的第一部Canon 50D

自從早排唔知幾時同哥哥講起呢D勁貴既相機之後，哥哥唔知點解就咁我既一句，就令佢無啦啦想買相機，佢既沉迷研究既程度，係上網去睇買咩機好？

不停去睇，又不停咁卻步，因為真係好貴。

試過有一日，我地去行下行下，走入SHOP到問有無Canon 5D II（早排斷曬貨），個間竟然話有現貨，哥哥個心動程度係高度想即刻比兩皮野。

今日有幸約到良生陪佢出黎，加埋迪捷，就係咁，問過試過，我地就去左豐澤買左Canon 50D返屋企，仲買左枝好靚既鏡頭 - 24-105mm，連埋配件加加埋埋，$1xxxx多謝曬。

幸好我都有3份華仔公仔禮物獎勵自己，雖然送，但我又好鍾意，咁都幾好呀～

返到屋企，呵，佢就急不及待攞出黎影，哈....

見佢咁開心，可能佢真係好鍾意影相呢？