2010最後的一天

去年我許下的願望真的實現了。
睇返去年那一篇BLOG - 2009最後的一天我岩岩先成為人妻。
那時我先岩岩覺得好精彩的2009。
第一次比人叫蔡太，第一次做人老婆....
黎到2010最後一天，估唔到，我已經係第一次做人媽咪。

這一個2010很精彩，我奇妙的懷孕40周，真的很特別。
讓我當了40周的小公主。
雖然去唔到歐洲度蜜蜜，但都去到日本呀！
黎緊既將來，我就開始我媽咪既生活，做你的奴隸。
多謝2010，多謝老公，很精彩，我過得很快樂。

期望黎緊既每一年，我地都有這張幸福的笑容。

Dabi@Day50 - 合皮扭耳牙

今年多左呢個小豆釘，所以大時大節都應該唔會出街同人迫。
黎到2010年最後呢一日，Dabi B就黎個最後一沖。

哥哥既同事今日早放，都黎探下Dabi B！

DD既朋友 - Winnie今日就帶左厚禮黎探Dabi B。
真係唔好意思，我地兩公婆走左去訓覺。

跛跛一家就一齊入黎倒數。

今晚有TKY一家，跛跛，Winnie，DD一齊慶祝。
好開心。

餘慶節目除左蛋糕之外，仲有鑽石派對。
點解跛跛咁勁既呢？

2011年黎啦，今年最大既希望係Dabi B健健康康。
同老公欣欣愛愛、甜甜蜜蜜。

Dabi@Day48 - 無事啦

尋晚只係食左一次退燒藥，已經無事lu。
今日仲好鬼精神。
由於之前一早約左大大，in case Dabi今日有咩唔舒服，都有大大姑娘響到。
所以大大今日下午就黎左幫手睇仔。

晚上響屋企打邊邊。
就連Dabi B都話要食粟米。

見到你精靈返，爸爸媽媽就放心了。

Dabi@Day47 - 打針針

一拖再拖，因為唔想Dabi響聖誕前打針，有咩樹連街都無得去～
所以同姑娘約左今日先打針！
～六合一同埋食輪狀～
響私家打，就係響佢6星期既時候打！
我地好好彩，響屋企隔離可以打，所以一早食左第一餐奶就去lu。

就連爸爸媽媽都響今日去醫生度打埋流感。
防範一下都好嘛！
爸爸媽媽打針既時候，都唔敢睇～
反而都係Dabi B勇敢，佢食輪狀又食曬，打六合一只係嘩左一聲，就....
訓返。

邊夠你勁？

我地都擔心佢會有咩反應。
所以今日都無出街！

果然，晚上10點左右，feel到佢有少少慶。
量一量原來係99.9度。
為安全計，都係比佢食一食退燒藥！

呢個小傻豬，好似好攰攰咁～
幸好，第二日已經無事啦！

Dabi@Day46 - 新里程碑之笑笑笑

今日...今日...真係要記低佢呀！
因為今日我發現左Dabi開始識得有意識的笑。
之前都會影到佢笑既樣，不過全部都係訓訓下，無啦啦雞肉笑。
今日卻有好大既分別，係對住我地兩公婆講野時，突然笑左出黎！
我慶幸能跟Dabi B你分享呢個咁重要既moment～

第一個里程碑都咁開心，之後仲有咁多個，點算？
你睇下你笑得幾可愛，冧c～

今日力行叔叔黎探你，佢岩岩響英國讀完第一個semester，咁忙都黎...
最搞笑係，佢都留左響到食飯...

「叔叔，你點搞呀？唔好搞我喎！」

媽咪，我最鍾意望燈燈～

爸爸媽媽，你地唔好淨係影相啦，陪我玩啦！

Merry Merry Christmas!!

是晚聖誕節，我Dabi B祝大家開心快樂過聖誕！
嘻嘻嘻。。。

今晚獲邀出席聖誕派對，巧開心呀！
食物多蘿蘿，就連咁靚既CUPCAKE都有～

三文魚我都忍唔住偷食左幾件！

好好好好味既湯！

我唔食得但好想食既生蠔！

同場仲有Alvin抱下，佢4個月大啦，好長，睇黎佢會好高！

我們仨

遊戲主持人

今晚大家都好盡興，多謝曬！

Dabi@Day43 - 平安夜快樂!!!

呢篇卜都算係好更新啦!!哈哈哈.....

無辦法，媽me有乳腺炎之後再有yeast infection，簡直就係媽媽奶生涯中最痛苦既日子，日日痛住比佢啜，又痛住咁pump奶，都話母愛真偉大架啦！

不過我真係好想餵得幾耐得幾耐，希望得啦～

唔好講唔開心野，明天就係耶誕節，Dabi B響呢度祝各位哥哥姐姐、Uncle & Auntie耶誕節快樂，同另一半開開心心！
而我就會開開心心咁同爸B&媽Me一齊過架啦～
嘻嘻....

Unforgettable Andy Lau

Mrs Chees聽日去旅行，所以我都診佢去旅行前睇多一次。
好開心聽到佢話我通左好多，而今次，佢仲可以幫手jit清塞左既地方。
雖然痛，但jit完之後，真係好有滿足感。
一黎都唔少量，二黎就係好似康復有望咁。

點知睇完Mrs Chee，老公打黎問我今晚有無人睇囝？
原來原來今晚有劉華睇～
幸好我打比DD佢話今晚佢可以幫手睇住Dabi B！
嘩，開心到想飛起！
我以為湊住個仔之後，同演唱會再講bye bye添～

於是我好乖咁響屋企餵埋Dabi奶，食埋晚飯先出去。
但開心既心情真係難難難以平伏。

相片用唉瘋影，靚相後補。

兩年前，我拖到華仔隻手，好開心。
兩年後，就算老公無陪我出去，我都自己走左出去...
我要同劉華拖手～

仲記得上次係掂到佢手指尾，但今次..
係成隻手成隻手握住左！
Wow。。。

佢真係好型！
雖然我都唔知點解我既年齡會係鍾意睇佢演唱會？
明明見到四周圍都係Auntie =.="

今晚真係好Unforgettable～

Dabi@Day41 - 做冬大過年II＠煌府

做冬大過年II
好多時我地做冬一係就去竹園，一係就響屋企煮！
今年本身都係去竹園架～
但因為我地已經存菜差唔多一年
(係，我地兩個結婚個時既菜一圍)
而我又擔心竹園做節會有排等～
所以我膽粗粗咁提議不如去煌府食埋佢，又唔駛錢，又有空間比小朋友玩！

好齊腳，睇下睇下，除左Kelvin飛左黎唔到，都齊曬人！
大家都好開心，除左眼訓仔Dabi B～
而妹豬就打扮成為聖誕妹妹look，好Kawaii！

母子

母女

食完之後，大家都覺得好滿意，好彩～
夜晚食奶既時候，爸爸幫Dabi B掃風，點知呢個仔....


掛住玩唉瘋～

Dabi@Day40 - Uncle Victor & Auntie Phyllis

容許我講，我真係好慶幸自己去左澳洲讀書。
短短3年，我不單擴闊左自己既眼界，我響個邊團契認識到被此支持既好姊妹。
最最最緊要既係：我認識到我呢家呢個好老公。
唔少得既梗係我地玩樂份子之一既Victor！
佢同我地兩個唔同，Victor響PR，佢有車(雖然我間唔時都有)。
佢會車我同老公兩個去玩，佢唔怕蝕底，仲好玩得。

我很慶幸我同老公結婚，佢會返黎做兄弟，而佢未來老婆做我姊妹。
而Dabi既出世，佢地就算今次短短返黎幾忙搞自己既婚禮都好，都黎探Dabi。
雖然我地唔係成日見，但我地一見親都有無盡既話題。
就算只係話當年，都可以笑笑笑一餐。

今日就係佢地幾忙之中，都抽時間黎探下Dabi啦！

而我同老公就敬備打邊邊招呼兩位！
其實聽到Phyllis講點樣幫Victor屋企解決問題，我覺得Victor真係好好彩，搵到個咁好既老婆，我由心咁鄧佢開心架！呢個世界好既女仔真係買少見少，但白白痴痴既佢，都可以搵到個咁細心體貼既女朋友，嘩，邊得佢咁幸福架？
黎緊我同老公又會做返佢地既兄弟姊妹啦！
唔知Dabi想做兄弟定姊妹呢？

我地都期待緊你地快d生BB，其實你見我地換片餵奶好似好忙咁～
但當你生左出黎，就會好開心架啦！

你睇下一臉倦容既我，都係好開心架～

「媽媽，唔好掛住影相啦，雖然我靚仔啫！」

「嗱，都話唔好掛住影架啦，出事啦！係都要人喊先得既～」

Dabi@Day38 - 做冬大過年I

今晚婆婆家食做冬飯，我地餵完Dabi B由桃爸車我地出發。
佢地咁耐無見Dabi B，成家都好開心。
就連Dabi B咁多人抱都好興奮。

今日同Dabi B沖涼既時候發現佢打卡介苗隻手，好似有膿咁。
擔心之前，我竟然諗到upload佢張相上facebook問人。
哈哈，點知各方好友都好support，即刻話比我知無事。
呢個係正常反應。

睇下公公抱住你幾滿足。

仲有勁鍾意小朋友既舅父仔，佢真係好掛住你架。

今年多左呢個開心果大家都好開心。
我相信黎緊你會帶更多歡樂比大家。

蔡生蔡太一週年快樂

2009年12月18日，是我們結婚的大日子。
去年今天，我披上漂亮的嫁衣，大家說聲「我願意」，我便成為蔡太。

2010年12月18日，沒有特別安排。
因為我已成為蔡媽媽，老公已成為蔡爸爸。
但在沒有特別安排下，我們重臨出門的地方。
拍著不一樣的照片，我們的家已經是我們仨。

今年，我們倆沒有大慶祝，Dabi食媽媽奶，實在可以出走既時間唔多。
幸好++可以代照顧Dabi B幾小時，讓我倆出走食個小lun豬。
老公問我食Cova好唔好？當然好啦，我最愛而闊別左好一陣子既Prama Ham。
一黎到已經忍唔住，不顧儀態咁去攞。

老公當然都唔執輸，同我一樣勁食。

我地仲行左一陣，影左少少聖誕佈置。
諗住搵晚夜晚先同Dabi B出黎影聖誕燈燈。

去年，我就係響呢度出嫁架啦。

而身為媽媽既我，已經唔係去買自己野。
今日我同老公豪洗，為Dabi買左佢既戰車。
梗係啦，去個時，諗住睇下邊個model就去康嬰訂，點知...
去到見到佢幾款model都做緊8折，嘩！仲唔即刻買咩...
就係咁，Dabi就擁有佢既私人坐駕啦！

回程時，卻發生小插曲。
我們在Element對開，為左前面各不相讓既私家車，我們急停。
可是後面那一架的士，那個粗心大意既司機，與我們碰撞了。
前面個兩架車梗係唔關車咁走左，但我地就要停下來等差人。
搞笑既係，老公叫我報警。
我打完999，個姐姐問我呢家響邊個位置，我真係唔識講。
我想問老公，佢又落左車，唯有同姐姐講我響Element附近。

可悲既係，個粗心大意既的士司機，佢連點解撞車都唔知。
係咁問我地係咪轉彎黎，我地明明同一個紅綠燈出發架。
之後又無諗過賠錢，咁唯有call差人。
就連個差人哥哥都奇怪，點解我地和解唔到，因為個的士司機會好蝕底。
呢家唯有等差人再contact我地，睇下點賠。

幸好既係，Dabi B今日無同我地一齊出發。
如果唔係，我就會擔心屎，佢又唔識講有無事。
幸好既係，我地當時車速唔快，所以碰撞都無大礙。
幸好既係，我當時唔知點解本能反應都護住左個頭，咁就無事。

平安無事回到家，即刻忍唔住親親Dabi B。

特別既一週年，有驚無險既一週年。
老公，但願我們有無限咁多個週年。
多謝今年你比左Dabi B呢個禮物我，我很喜歡。
亦願意將我下半生交比你地呢兩個男人。

我愛你們！