母愛真偉大@洗衫婆篇

老公去左遠行考科舉，擔心我之餘又要比心機考試，所以佢同屋企人都交帶我要乖乖留響屋企。
其實Dabi既野都買得七七八八，所以今日係好好既日子幫Dabi洗衫。

我問過好多唔同既意見，最終我都係揀機洗。
老公都講得岩既，手洗其實點都唔會夠機洗乾淨，只要個洗衣機係乾淨既，你洗乾淨左洗衣機先去洗衫，應該點都好過手洗。
今日total洗左兩機衫，嘩，已經將成間屋都掛滿左BB衫，好香，好特別。
我諗第時加埋BB既奶味，可能D衫仲正，哈哈哈....

最尾放埋入BB既櫃仔，掂曬！
不過，可能Dabi出世係冬天，仲未洗佢既厚衫，睇黎仲要做多幾次洗衫婆先得。