雖然中間好多小插曲，令到我都忍唔住打去I HATE KITCHEN鬧人，咩公司Policy完全都係藉口，小家既公司，唔比人地買多過兩部，令到平均價貴左，佢為左幾百蚊，將會無左幾多錢既生意已經係超錯；但最令我睇到Angel Dream既blog覺得氣憤既係，佢地公司炒左個女仔，就係因為佢幫之前買既blogger們分單，有無搞錯，人地可以幫您地公司serve到customer咁稱心，您竟然可以炒左人地。算，呢件事我唔會想提，不過我相信，我地既blogger們已經決定擺買艾粒Kitchen，我地諗住介紹，您可以多生意，要知道呢個網絡既威力，咁多blogger一齊唱衰您，您以後都唔駛旨意有人幫您宣傳。
唔開心既唔再講，買左呢部機係超高興，因為佢真係有無限既function，可以整smoothies、juice、雪糕、自製沙拉醬、漢堡扒等，Function真係多不勝數，而且清洗方便，可以唔駛印印幫手，我都自己搞得掂。
另外仲響Angel Dream既推介下買左士多啤啤去葉器同埋呢個可以承受300度高溫既Spoon，第時整糊仔比蔡B真係好一流。望完就想同自己講，其實都唔係好敗家jeh。
不過就要好多謝程鄭嘉嘉夫人肯幫我山長水又遠咁攞部機返黎，個日仲落雨落到好似倒水咁，真係唔該曬您。
今日終於幫佢開光啦，第一杯神仙棒製成品 - 士多啤啤汁，好好味，好在+ +提我要加糖。賣相老公話好得，哈哈，多謝多謝。
記得如果整果汁，如果好似我咁唔落冰(大肚婆唔可以飲咁多生冷野)，都千祈唔好落水(好在有Angel Dream既提醒)，就咁落生果同埋糖，可以試加少少冰粒，少少就好了，之後杯野超級美味。
～～～～～～～～～～～～～～～～～～～～
