效外篇之綠田園

話說今日係爹爹個friend個綠田園20週年的慶典，比面派對爹爹實到，所以一早我地就一齊響屋企出發，幸好今日天氣好好，去到都唔係好凍～

天朗氣清+大佬心情好既情況下，我地都影左唔少靚相，仲同牛牛影左相，佢一直響到郁既時候，哈，我好驚佢會衝埋黎～

返屋企訓一訓之後，發現亞Ling響唔通知我地既情況下出左去～搞到無得訓又要起身醒佢，搵黎搞...

晚上今晚哥哥做大廚，有羅宋湯、漢堡扒、蜆肉意粉、粟米同埋我整既雞扒，威威超欣賞哥哥個漢堡扒，而我就最鍾意個湯同埋意粉，仲帶左返公司聽日做lun豬。

晚上大戰Pictionary，好玩好玩～

Pooh Pooh?嘉慧?

今朝一起身我就同哥哥講我地同嘉慧影相，自從同哥哥執執下野，先發覺呢隻咁既PoohPooh係無人知係邊個？

但當我地想掉左佢之際，發現佢好似嘉慧，呵呵，真係好似，點解佢成個樣都好似嘉慧咁既？

姑姐回來篇

話曬今年女麻女麻大壽，所以細姑姐特登由美國返左黎同佢祝壽喎！

為左welcome細姑姐返黎，大表姐就搞左個雀局燒野食大會，等我地可以開心一下～

兩對岩岩結完婚既新人仲話要湛返茶比姑姐地咁話，好鬼傳統既jeh...

今晚可能比較凍既關係，響天台燒野食我都唔係咁雀躍，幸好Siby同埋Kobe黎左，我地就去左玩一陣，返屋企再食野啦！

返屋企見到++吹完雞食飯，仲有長腳蟹，嗚....

bossini豆豆

今日可能係定宇入camp之前最後一次gathering，我地約左一齊出去。

放工我先出去睇左中醫，join埋良生食左澳洲奶奶公司之後我地就響旺角等。

飲到哥哥為我預備既檸茶我是覺得最幸福的，因為呢個幸福唔係必然！

期間太無聊既關係，我地走左去bossini睇新既豆豆衫，呢個公仔我相信細細個係人都識，我超鍾意，於是就提早買左聖誕禮物比妹豬同埋BB，點知佢話比我知買滿$500減$100，於是我又自己買多左一件，呵呵呵...超開心～

之後一行４人走左去唱ｋ，數數手指應該差唔多一年無去，定宇真係好勁，點解我地唱佢又唱，佢唱４個鐘都覺得唔夠，而哥哥唱左無耐就成個許志安咁沙曬，良生就好眼訓咁響到rap，只有定宇我地點玩佢都唱，男唱女又唱，唱足４個鐘之後仲埋怨人地趕佢走，想嗌酒唔駛趕走，仲話尖咀唔會趕佢走....

我鍾意～

爹爹的愛心煲仔飯

放工既時候，聽到哥哥講話爹爹今晚整煲仔飯，返到屋企已經見到香噴噴既飯整好曬，仲有好好味既西洋菜湯，嘩，一食落去....

Wow....好好味，食左兩大碗，同哥哥食到停唔到！

Yoyo’s Family is back to HK～

去澳洲讀書可能係我最開心既返學日子，一個星期只係返2-3日學，功課唔多，只係交下assignment，唔駛早起，仲有好錫好錫我既舅母一家同埋朋友們，個3年真係過得超開心超開心～

我成日都話好在去澳洲我有舅母照顧我，食既飲既住既訓既玩既基本上無一樣野係缺少既，就連車都可以半放心咁比我渣，哈哈....

上年無見，幸好今年佢地又返黎啦～
佢地今次話機票好貴，就由澳門落機返黎，呵呵...仲同媽媽地去左澳門玩兩日先返，一返到黎就吹左雞食dinner，今晚好熱鬧，連公公地都叫埋一齊黎，兩大圍超開心～

最重要既梗係慶祝Yoyo既生日啦！

諗下諗下原來我地幾老表都好耐無一齊影過大合照～

太平清蘸@林村

話說哥哥尋日同妹妹去左林村探妹豬，林村就係十年一度既太平清蘸，於是就好開心咁去行下～

為保一家平安，仲帶左６個平安包返黎，今朝蒸黎食，好好味！

我的好同事

早在9月的時候，有新同事上班，想不到她們令我的生活變得不一樣，以前很孤單，午餐只有自己一個，只有間唔時有同同事一齊食，佢地黎左之後，我地會一齊去pantry食飯，又會做做下野吹吹水！

今日lunch仲一齊出左去食，係灣仔一間西餐廳，個軟心古古力唔夠小店好食

106的愛心禮物

早兩天聽到哥哥講話我地收到一份由成都寄來既包裹，明明我地無可能咁快收到相簿架？！(連相都未confirm)

返到屋企睇睇，原來係一隻由成都寄來既熊貓，仲有一封全部都係繁體字既信，很窩心～

當初選擇106真係一d都無錯！

好朋友的聚會

久未碰面的朋友，今天再相約一同出面聚聚會，今天是良生的畢業大日子，一同出來食的竟然是中菜，少不免食既總有好多甜酸苦辣搞埋一齊，最難飲既有「啤酒竹庶茶」。

之後大家都唔願走，就去左打機，哈，見到您地４個玩得不亦樂乎，真係大細路！

GoodBye

響我地未去旅行之前，BB攞左去check話個波箱有事，所以爹爹話想換左佢。

旅行返黎之後，爹爹話聽日就會去交收文件，今日就係最後一日見BB啦！真係好似哥哥講，用開有感情，我響哥哥做左手術期間都同佢有好深厚既感情。今日佢就要離開我地，我同哥哥都唔係好捨得，唔知下一個人對BB好唔好既呢？

聽日有新車，哈，一面不捨另一面又好期待...

九寨成都婚照之旅Day6

九寨成都婚照之旅Day5

九寨成都婚照之旅Day4

 兩日既拍攝終於完成左，係意想不到既漂亮 (無諗過會影到雪同時又影到紅葉)，係意想不到既順利，經過兩日之後，我地兩個都攰到爆，幸好尋日有好好既休息，都係爹爹講得岩，最緊要酒店好先會訓得好。

今日又可以晏d先起身，我地兩個終於可以正正經經咁食早餐，早兩日太早起身，食野既時間又唔多，今日我比前兩日食既野係兩倍，至少咩都敢試，其實間酒店真係好唔錯，野食選擇我相信響九寨已經唔算少。

喜來登算係一間比較好既酒店，因為出名既「九寨天堂」距離溝內好遠，坐車都要差唔多50分鐘，都未計車費，所以我地選擇左喜來登，服務都好一流。出面個空地有半個維多利亞公園咁大，好興奮。

九點左右我地去到106開始揀相，我地總共影左243張相。

第一輪我同哥哥只係可以揀走左40多張，好懊惱，但小魚就響我旁邊教我點樣揀走。

第二輪我地用另一個方法，開始揀靚既相入資料夾，發覺都仲係有好多靚相，唉，遠翔真係好勁。問左好多唔同既野加＄既問題，終於我地要左比較貴既套系，再要多一張20吋，將30吋大相轉左40吋，再將12吋相簿轉做16吋，嘩，好開心！

總共入冊既有90幾張，呵呵呵....

用左我地3個半鐘，終於搞掂左，個時已經係12:30，我地要趕兩點半機返成都，我地即刻去106食牛肉麵，哈哈，點解我地巧遇一陣接我地既司機，佢仲請左我地食。

12:45分我地終於上車要離開106，哈哈...點知響車上面見小魚響到大叫小桃，又跑出來才知道自己沒有把CD帶走，他們真好人。

今日望既景色已經無之前咁多雪，司機好安全咁送我地去到機場，個時時間係大約1點半，時間岩岩好，問櫃台佢仲話比我知今天天氣好，所有飛機都無延誤。

今次可能遲左check in，所以無窗口位坐，好好休息好快就離開左九寨溝，帶住106話比我知好食同應該去既地方就去到成都，仲可以就咁響飛機行落地，咁大個女第一次，超開心。

落機之後，我地就坐的士，去我地既「凱悅酒店」。司機仲唔識路，幸好我有帶住酒店既電話，小英話大約$50車費就會去到，哈，佢果然無呃我，落車先知自己好似去左香港銅鑼灣咁熱鬧既地方。

不過呢度既司機就真係好似大陸既司機咁，車同車之間cut線都只係秒距，我同哥哥呢d識渣車既人都睇到嘩嘩聲。

去到酒店check in，就安排我地上房，嘩！點解只係$600既酒店可以有咁靚既，靚到我地兩個真係唔多信。間房既所有設備都好先進，個廁所仲係好開揚添！

對面就係106，好好既哥哥就陪我上去106同小妍打個招呼，哈，幸好哥哥提我，原來我地傾下傾下，就已經傾到7點多，原來我地兩個都咁多野講。

問左佢地去咩景點好，寫低之後，成都第一站我地就去左「錦里」。

D人話個度好故色故鄉，原來真係好特別，響呢度即刻諗起大紅燈籠早早掛，四周圍都係紅色既燈籠，響呢度，我地仲巧遇尋日一齊影相之後佢地嗌交比我地食埋佢地個火鍋既一對新人。

行下行下我地就開始買野食，哥哥一路行就一路講：「呢度好野呀，本書話一定要試架，食囉！」就係咁，我地每行一間舖都會買野食，呢個好好味既士多啤啤冰糖葫蘆我地食左一串之後，行個圈返轉頭再食多串。

仲有張飛牛肉，唔多好食既軍魁，同埋好似提拉米蘇既糕。

食左咁多野之後，我地再去搵野食晚飯，就係小妍話好多食野既地方「耍都」。我地仲係自己行過去，幾叻。行左一個圈之後，我地都係決定食麻辣火鍋，呢一間睇睇下先知叫「爛火鍋」，叫左黃喉、鴨舌、肥牛、鵝腸等，叫左枝只係$8就有1.25L既雪碧，食得好好味。

估唔到鴨舌原來食落係咁好味，今次既麻辣比起尋日既更辣，我只可以食到少少，埋單既時候都只係$80大元，好抵好抵。

坐返的士返去酒店附近，我地就周圍行下，見到仲有simple bread、KFC、好多百貨公司，仲有好靚既咖啡店。

好開心既一晚，聽日要再開心多d先。

九寨成都婚照之旅Day3

話咁快又黎到第二日既拍攝之旅啦，之前睇天文台話今日天氣會比尋日好，所以我好期待今日既拍攝架！可能尋日106見我地化妝都好快，所以佢尋晚叫我地返酒店休息之前，都問一下我地今日7點半會唔會好少少，等我地可以訓多d，唔駛好似尋日咁第一個入去食早餐，我地兩隻懶訓豬真係話好啦！

可以訓多半個鐘唔係重點，重點係可以天光先起身～

今日入溝拍攝既第一站係蘆葦海(因為尋日拍既時候天氣已暗)，呵呵...同一套衫又可以有多一個造型，很好！所以今日化既妝都比較簡單。

揀完衫之後，因為個package包既係一日既溝內拍攝，通常人地第二日都會去溝外影，但我地兩個都唔鍾意，想影多日溝，所以今日就一早預備埋$比小魚交比佢地幫我買入場票。

果然今日天氣好好！入場前都係要勁影相，都係個句，佢d水真係好清，而且尋晚響酒店飲佢既水都好清純，勁過我地帶去既Evian，點解呢？

今日既蘆葦海有埋太陽仲靚，陽光打落蘆葦度，會閃下閃下咁，影得我地兩個不知幾開心。

之後換埋妝就去影我話比遠翔聽要影既景 - 諾日朗瀑布，換左呢條哥哥話靚既裙都不知幾開心，仲可以影埋花球，開心曬～

不過影既時候d水飛埋黎真係唔係人咁品，仲有個大叔響到渣住相機幫我影，影完又跑上黎比我睇返，好好笑^^

著住條裙走左幾步之後，遠翔響樹邊停下來，呢個係佢第一次影既景點，未有新人影過，其實個度只係一個路邊既樹下，有好多黃葉，但估唔到遠翔可以影得咁靚，真係好靚～

左邊呢張就係遠翔影架啦，而右邊好明顯就係哥哥幫我影既花絮，真係好靚好靚～

影完呢個訓地相之後，我地就去左食buffet，的而且確就好似其他sis講既一樣，好似食齋咁，野食又凍唔係太好食，佢有兩款$50/person或者$80/person，哥哥就揀左$50/person算，可能係我地知道唔好食啦！原來遠翔黎食既只會係呢度既蛋，仲要今日無tim，所以佢就好慘咁咩都無得食，食左超少野。

等緊車黎既時候，我地終於影到佢地3個既合照啦～

遠翔話想把握最後一點點既陽光去原始森林影，有多一個景點梗係好啦！小英仲超好，話想幫我轉個頭既setting，襯返個景，又賺多左個造型！

估唔到一條條既樹影出黎可以咁靚，最搞笑係遠翔有一張叫我地兩個彎彎腰，我地做極做到第三次先做到佢想要既效果，笑到死左～

走幾步，就成個感覺唔同曬，呢度暗間的，影出黎既感覺唔同曬～

亞仁仲迫我除褸，哈...好凍呀～

影完呢站我地就係咁坐響路邊轉妝，而我地既行李就放曬響車上面！

其實最後呢套婚紗係我最鍾意架，紗紗的感覺，很好很好！小英仲為我預備左襯呢套衫既小花^^

下一站就係五花海，亦都係去九寨溝必去既景點之一～

遠翔超搞笑，又爬樹又企欄咁幫我影，每一張都好特別好靚，佢仲搞笑話好多新娘同攝影師都響水底，叫我唔好坐咁埋，唔係會拉我落去....呵呵呵

走去對面就係另一種景，當亞仁正在幫我地對仔仔女女影相既時候，我地就自己都已經影到靚相，開始識擺pose～

當我以為影完之際，先知原來仲有最尾一個景點，都係PoohPooh(瀑布國語)，行下行下真係估唔到可以行到去一個咁靚既地方，影出黎已經好似油畫咁！不過真係好凍，凍到我既表情都欠奉，又聽唔到遠翔講野，所以pose都比較生硬。

上車好耐都未暖得返，幸好有個好司機為我開暖氣，呢個時候已經差唔多6點。回到106時，遠翔就叫我地不如去食麻辣火鍋 - 香牌坊，去到我地梗係叫麻辣，雖然已經叫左佢少辣，但我都食唔到，問個老闆娘，佢就叫我地轉做鴛鴦，仲話唔介意既就要後面table個個，因為有一對情侶黎，叫曬野食，食都未食就鬧交走左，哈，聽下聽下先知原來係同我地今日一齊影相既個對106新人，嘩，結婚黎鬧交？！

我地一於少理，就照食。

返到酒店，終於有機會影下相，乜都玩一餐，yeah～我地終於完成左一樣野啦！超開心既拍攝之旅^^

聽日揀相，唔知會係點呢～