上一次慶祝爹爹生日，我諗住正日都同佢慶祝一下，佢就好開心咁話不如食pizza（因為我同媽媽都唔係太喜愛食豬屎，所以pizza通常都唔會係我地外出食飯既選擇），我同哥哥見上一次食Fish & Co都唔錯，咪諗住食多一次囉，既可食到pizza都有其他野食揀，唔會媽媽食得唔開心嘛！
我地今次叫既野同上一次都差唔多，但係個pizza就唔同左味，點知咁就出事啦，可能因為星期六比較忙既關係，個pizza一d都唔酥皮，可以用唔好食黎形容，個海鮮拼盤內既魚都唔係好新鮮，食得大家都唔係好合皮。
唯一好笑既係佢地兩個都叫左一大杯沙冰，兩個人一齊飲，好搞笑～
食完我地仲行左一陣一田，佢地見我話之前買左既枕頭舒服，都想買返個，點知奸商已經走左lu，買唔到枕頭，我同哥哥諗住返歸之際，佢地話去食糖水，哈哈，兩老真係幾鬼好精力，可能係我同哥哥慣左早抖啦～滿記真係越夜越精彩，有爹爹響到，我可以食到榴槤，好味^^
哥哥上個星期比左一個驚喜我之後，佢上星期已經預告今日有另一個驚喜比我，仲叫我估係咩，都話兩個人係心靈相通架啦，好快我就已經估到啦，哈哈哈～
今日好鬼早就想響公司走，開開心心咁兩個人去食飯，去邊？咪就係之前講過想食既東涌Buffet囉，都幾多好評，而哥哥知道，就帶左我去食啦！尋日都仲好好天，點知今日無啦啦掛起左３號風球，不過唔緊要，都唔會影響我地去食野既興奮心情既～
一去到，就有人幫我地泊好BB，入面既裝修都好靚，食物既選擇都叫多，生蠔海鮮咩都有d，而最緊要既係有哥哥鍾意食既羊肉，我地兩個攞完一碟又一碟，食得好鬼開心，甜品既選擇亦都有好多，您睇哥哥攞到成隻碟都係就知啦～有人對呢間buffet劣評，但$198呢個價，食到咁既食物，咁既裝修，我真係覺得好唔錯。
之後仲可以同哥哥去行outlet，樣樣野都好抵，哥哥今日既購物慾都好勁，我買左CK bra之後，佢都要去IT買返兩件衫，見到大家都有收獲，YEAH~佢仲無啦啦offer我渣BB返去，開心開心^^
因為一個無心之失令到哥哥唔開心，其實我個一刻真係出於熱心，無諗過會搞到大家唔開心架！個心仲係好唔知點咁，點氹返您好呢？
今晚我地又再一次去之前食過既Deluxe Restaurant，不過今次食既野唔再係扒，係串燒，最特別既係個咖哩牛利飯，嘩，可能我真係鍾意食牛利，真係好好食！
好在都氹到您，我講過我以後真係唔敢啦，見過鬼仲唔怕黑咩？
由於上星期約魚丁丁唔成功，媽媽無啦啦入左醫院，我又病左無返工之下，我地就一行人諗住今晚一齊食飯。去到醫院接媽媽時，哈，見到佢有幾份公司三文治同埋蛋糕就覺得好好笑。
之後就去沙田Fish & Co會合已經坐到發霉既++，見到佢時，佢真係濕到透，佢話大圍好大雨喎，結果要媽媽黎遮住佢。
一直響Open Rice都睇過Fish & Co，哥哥都話想試，今日有４個人一齊食，一定無問題啦，頭盤我地叫左生蠔，但就覺得唔係好夠新鮮，再叫左人人都叫既海鮮拼盤二人分量，佢既squid真係好好味，薯條都係好一流既，只係蝦好似有d唔係好新鮮咁…
見到那一個set dinner好似好抵咁，我地都叫左一客，哥哥地都就我叫無豬屎既，結果又真係幾好味咁喎…
不得不提就係呢個好似叫芥末pizza，嘩，好好味，食落去好似食酥皮咁，亦唔覺有咩豬屎味…
當然，黎得呢度，就梗係要叫佢個沙冰啦，嘩，真係有個頭大咁杯，兩個人分量都只係$33，真係抵到爆，大家見到都爭住影相^^，甜品就係心太軟咁樣既蛋糕，好好味～
同場加映，今日哥哥送左第一個surprise比我，一封又一封咁拆，哈，您對我真係好，見到一人一張，哈，我要簽咭！
今天，是黑色星期五，我們倆卻不知那來的雅興，晨早已經book左今日去食魚一丁，大概是很懷念這裡的蛋蛋吧！
這裡的蛋蛋是我吃過最美味的，所以明明得兩個人食，但我地每次都會叫，８件兩個人都會食得曬…應該話食唔曬都猜到食曬佢（^o^）
第二樣必叫item是這裡的冷麵，一向不愛麻醬的我，對，就連食街邊腸粉都會叫走麻醬時，就係食這一個冷麵會令我大啖大啖咁食，特別愛佢有生菜同埋番茄仔，都係推介既首選。
其他既我地都無咩所謂，可以見到menu想食咩就叫咩。今日就做緊咩北海道唔知咩祭，所以我地就叫左呢個北海道長腳蟹魚生飯食，可能因為唔係太貴，所以食落黎比我想像中麻麻，長腳蟹都唔係好夠新鮮咁。
為左泊車，我地仲特登叫左兩個甜品，哥哥數口真係比我精好多，話叫咁多就咁多，結果佢叫左個雪岜，而我就叫左個唔係咩黎既，好難食好難食…
點知…最尾…我地去左機舖打左兩舖機之後，發現我地唔記得攞泊車單，咪去魚丁丁個reception到問囉，點知佢比左張$400幾蚊既我地…早知唔駛食個難食既甜品啦～
今早如常地返工，點知響屋企樓下，突然好似有硬物打到我個頭頭（哥哥話因為範圍大，易打中=.="），望望地下，先知原來係...「紙皮石」！
以為無咩事就繼續返工，哥哥係咁叫我睇住有無暈同嘔，點知開開下會之下，又真係見暈暈地咁，為免夜長夢多，都係去睇睇醫生好Ｄ！去到廣華醫院，超多人，雖然我張飛既色好似已經同一般人唔係好一樣，但都等左好耐，唔多對路之下，哥哥叫我都係去法國醫院！去到，個姑娘問我駛唔駛報警，如果要報警處理既話，要去政府醫院，我話我只係想知我有無事咋喎....
幸好，只係等左一個人，就到我見個個腦科醫生，佢幫我check完之後，都話無咩事，只係要好好咁注意呢兩日有無頭暈加劇左，或者嘔之類就一定要返黎再check。見無咩事，就返左屋企。
好耐無試過天光光既時候響屋企，望下出面，咦，咁靚既，影左比哥哥睇，佢都話好靚。
今晚九點就訓左，要好好休息，放返一星期既「沒有老闆既日子」。
