♡ ♥元宵的婚禮♥ ♡

又係觀禮既時間，哈哈....
我諗以後觀禮既機會仲多....因為小桃好似愛上左見證您們的婚禮。

今日係....
Cissy & Wrick既婚禮
跟他們的認識是因為煌府吧，由在esdlife上面開始傾談這酒樓的裝修，
到約出黎茶會，到呢家....
我諗大家識左都已經有1年多...
看著照片中一個又一個結婚了！

今日係您地兩個既大囍之日，看到很漂亮的您，
看到黃佩霞，看到姚嘉妮一家，
看到很多您心思的佈置！

進場那一剎那，我也眼濕濕了，唔知道係因為您既姊妹係咁喊？
定係因為您進場既音樂係我教會時獻唱的詩歌？

不過真係好感動！！
恭喜您，真係恭喜曬～

今日無帶相機，太趕了，未能拍下漂亮的你...

✿我們這一家✿

去嘉之婚禮觀禮後，本仍想看看自己有沒有機會在約桃爸&桃媽之前，去酒樓拍張照，可惜同老公諗住再出門時，發生驚喜的事：

屋企個3部lift都停了

下...唔係嘛！等左一陣，才可以等到有lift安全去地面。
好似話係潮濕得滯喎。
去桃家時，桃爸同桃媽都未搞掂，差唔多8點先出到尖沙咀，無得去嘉既晚宴場影相。
唯有同桃爸&桃媽等位食飯，哥哥女朋友唔可以曝光，相片都只收在桃的腦爺那裡。我們今天吃很多，有平時很少才可吃到的Starwar雲吞雞，仲有紅燒元蹄，超好味，食到我地個個都超開心。
最搞笑係肚餓既桃爸，佢一食第一樣野，就講：「嘩，勁好食！」
乜「勁」呢個字，唔係80後既咩？

最搞笑既係一路食，因為帶左我既結婚相出黎比佢地黎，周圍既人都好八卦咁一齊睇。

之後話去食糖水，就去左糖朝，嘉，今天一整天都同您很近、很近。
係得我同桃媽咁無聊～

食糖水，吹下水，咁樣又一晚，希望久唔久見下您地，您地都咁開心，我唔想見到吵吵鬧鬧的家。

去攞車之前，見到有古古力display，人地就只係企下響到影相，我地就玩到癲左，仲唔小心咁舔到條古古力柱，我諗好多小朋友都舔過，野......好嘔心呀！

快樂的一天！

程生程太美妙的一天

今日去嘉既婚禮觀禮，之前相約好友午餐，為的是派利樹...
我幾有心，自己約您地出黎，話要派利樹比您地！

之後就去參加程鄭之婚禮，小小既地方，可惜既係只係見到您簽名架的小小手作......

您一入黎就係咁搖頭，就知您忍唔住喊啦，不過見到程生好鬼high，又戴唔到戒指，又偷偷同您屎wet屎wet傾，都看得出您地兩個好甜蜜～

見到嘉嘉塊面反光，忍唔住走左去攞紙巾幫佢，希望無整甩佢個妝！
見到blog友Jun有拍片，我就只係拍左您March-in就無拍啦～
相機出黎既質素唔多好，好唔滿意，早知拎大機！
同nicco相認，好好笑，您黎我諗嘉一定開心屎....

祝程生程太一路屎wet屎wet落去！

給明天的程太

跟嘉的認識是很奧妙
想不到blog友仔都可以約出黎見面
想不到自己既婚後物資會諗都唔諗就比嘉

12月尾已經收到來自嘉的邀請咭
我說過我一定會去

岩岩去台灣買左一大堆DIY，岩曬！
響屋企整左一日，完成！

程嘉嘉，記得第一次同您傾msn係幫您個晚宴諗個名，咁樣就咁多個月啦！
聽日您就做人老婆，呵呵呵，要快ｄ養好自己身子，幫程家開枝散葉呀～

二人的年初四

好有feel?
去左邊?

話說豪賭左3日既我倆，每日就響屋企開賭場，營業時間通常由下午(不定)直至凌晨三點，真係仲訓得少過老公返工，而長時間有得訓既我，呢幾日就揸乾揸淨；聽日就要去台灣4日3夜，諗起都知唔會夠訓，今日我地兩公婆覺得點都要抖一抖。
起身食個lun豬，又再訓過～
起身嘉慧問我地今日去唔去禾嫂屋企，老公就拒絕左，佢話我地兩個要拍下拖～
去邊？
去K11

我老公同我都覺得好似搭火車轉車個D Shuttle咁，搞笑～
呢度雖然開左一排，但我地兩個都無行，話係咩藝術design，入到去，最搞笑係有人開門比我地，唔知好似好高檔咁！

入面既舖頭都係貴野，我同老公響到諗，點為皮呢？
但我呢d支持消費既勇士，當然加把勁去買野啦，同老公都有收獲，好野！
最開心係搵到個我好想影既mood，影到啦影到啦，由上次中環搵到呢家，終於搵到！

走既時候，食多個龜令膏，一人一盅，都話老架啦，呢家要食熱既甜品！

開心既一天，多謝老公～

來自台灣的收獲III - 紅棗桂圓黑糖海燕窩

有睇過程鄭嘉嘉或小Yan的blog既朋友，都知佢地推介一款來自台灣既「紅棗桂圓黑糖薑母茶」。
今次我去九份，幸好記得佢地講過，所以自己就試試看，發現自己唔係好鍾意日日都飲到薑味，所以薑母茶唔係我既選擇，反而我揀左呢個「紅棗桂圓黑糖海燕窩」。

【海燕窩】
海燕窩又名「珊瑚草」。含有豐富的膠原蛋白、酵素、礦物質，補充人體所需的營養，並且排毒養生。
【桂圓】
溢氣補血安神，適合生活壓力大、容易失眠、睡不好的人。
【紅棗】
有補中益氣、養血安神、緩和藥性的功能。經常熬夜的人，可多服用。

佢既包裝已經切好曬一粒粒，將一粒+入400cc熱水飲即可。

不過由於我屋企仍有之前既紅棗桂圓，所以諗住飲曬先再開，不過響九份試左，個味道好唔錯，只係我淡口的人，可能400cc太少，甜左d～
但下次有機會去台灣，不妨可以買黎一試，不錯！

來自台灣的收獲II - cuttlebug配件

想看看的的DIY敗家收獲嗎?

- 8個embossing folder
- 2個鐵片embossing
- 2樽 embossing powder
- 2個cuttlebug的B版
- 2盒英文字母的印台
- 1盒上色的粉彩
- 1盒七彩印盒



好敗家...
但又好興奮....

來自台灣的收獲I

離開台灣之後，所有生活又回復正常，老公一樣日日返工，又要返學，仲要學爬樹，10日多既日對夜對生活又要結束。
在家無聊執喼時，把我台灣的手信大曬冷，首先睇下個十幾廿本書，係，我諗佢就係zone手令我地個喼有31.9K，嘩，幾驚唔比過，我買佢又買，買到勁多書。
再有彎彎既momo紙，好可愛
又有買給哥哥和女朋友的手信
和買給嘉的禮封～

野食方便，有維格，有老天祿，有起司條，有洪師父，有紅棗桂圓黑糖海燕窩，仲有我地兩個既素描。

仲有隆重登場既凍鼻彩虹寶寶，響香港已經搵唔到凍鼻公仔，但我既亞屁，我知總有一日會消失，唔知寶寶可以代替嗎？

✿ 。豪華台北4天遊 (Day4@再見台北) 。✿

黎到最後一日，今日終於見到太陽，可以同羽絨講Bye Bye！

老公尋晚提議一早起身，去食早餐。於是我地就去左附近既老虎醬溫州大餛飩，佢呢度最出名既就係老虎醬，佢個間店有兩母子，我地咁早去到已經見佢地兩母子係咁密密包，食落都唔差！

今日就係買手信日，第一站就買皮蛋，之後就去左洪師父個度，買牛肉粒乾，仲影左以下呢張相！

之後就再去西門町，由於我地已經去過，我地就坐的士度小月，叫左個套餐，乜都有得食。
最緊張食到擔仔麵，超好味！

同老公講講下笑，仲可以幫佢影左特集，哈哈...老公特襲～

原來呢間分店響忠孝復興個附近，早知兩日前去啦，不過呢度真係做遊客生意，幾好味～

返返西門町，行左一陣，買埋起司條比哥哥，就等車一齊走～

買埋維格之後，見有時間，就提議去台北101影埋相，我地今次真係有17個人一齊去台灣架～

同場加映妹妹聽到音樂，自己響到跳舞，好搞笑～

4日3夜既旅程完結，多謝您地陪我玩，多謝老公咁錫我，超開心！

✿ 。豪華台北4天遊 (Day3@雨後陽光) 。✿

今日起身，終於無落雨啦，雖然只係天陰陰，但都已經超開心。

給大家先看看這家旅館，這家旅館雖然小，但由於12月先開店，所有野都好新，設計得好好。
我特別鍾意個床邊有紙巾、杯、水、茶呢個lone lone既設計，不過老公就話一定好快dirty，要床就唔夠屋企個張舒服，但另一特色就係中間個張磁石門，您要佢地執房，您要佢地DND，都可以磁在門外，就無問題，唔駛掛下掛下。

今朝一早約左響旅館對面既Mos Burger，老公飲粟米湯，我就飲咖啡～
食完最開心既係，終於可以響出面影下相！

很喜歡這一種日本feel既街道，連62都話要影埋一份。

今日既第一個行程就係去九份，無落雨但陰陰沈沈咁，好岩九份。
佢話今日係新春時期，唔比我地架車上去，只可以再轉車。
去到第一樣食既就係魚丸伯仔，個乾冬粉都唔錯，都係因為有蚵仔煎個醬。

食完之後，都係食，老公食腸仔，我地食花生捲，影下相，同不停叫Apple既妹妹玩下...

黎到九份，最緊要食既係阿柑姨芋圓，佢既芋圓同我地尋晚食既已經好唔同，真係好好味，我地仲留低左我地既紙條仔比阿柑姨，下次有人搵到話比我知。影下紅紅燈籠，響水洩不通既九份路上出返去，就走了。

下一站 - 深坑豆腐街，響飛卜，有兩個朋友仔見到相都reply話好好食，我同老公就覺得一般，無咩特別咁。最緊張食第一檔既金大鼎臭豆腐就好了，個人覺得泡菜好食過原味。

唔好以為我地咁樣就停，下一站食既係晚餐 - 三井日本料理，響台灣食日本料理唔貴，又好味。飲下吟嚷，食下魚生壽司，賭既賭，玩既玩，開心...

由於我同老公要返去中山站買彩虹寶寶 (佢又都凍鼻，好岩我)，所以我地送妹妹返去，就自己再出發。

再戰西門町....

唔少得既阿宗麵線，我好鍾意食，但老公就話無咩特別：
「好好食喎，同香港真係唔同架。」

「有咩唔同呀？」

「比香港少d味精！」

「..............」

仲有唔係有可樂味既可樂餅，仲有老公最鍾意食既腸，11點多，又再一間又一間關門，本想離開；但老公見到有素描，就提議不如素描，哈哈，我真係一直都好想
架，超開心。

幫我地素描個人，又好似方大同，超搞笑，不過素描之後，老公同我既對話如下：

「嘩，仲乜畫到我咁靚仔？」

「係喎，美化版」

「您同邊個男人去左台灣呀？嗚....」

「我問您先岩，您同邊個去左台灣....」

✿ 。豪華台北4天遊 (Day2) 。✿

黎到第二日，仍然落著雨，期望佢停，但依然是落個唔停！

今日原本plan左浸溫泉，但落雨綿綿，早上行程取消了。佢地話照去北投影下相，我同老公見無溫泉浸，就無跟大隊，兩公婆自己恤發做自由人。
由於有時間，我地決定搭捷運，哈哈，我仲白痴地同老公講，個條通道只係比有咭個ｄ，我地得幣幣既，唔行得架，好在老公有經驗，仲話我白痴～坐個捷運去市政府站，有免費Shuttle送我地去台北101，開心！

見唔見到下面朦朦朧個張雨中相，就係我坐巴士落住雨咁影，老公話好有feel wor，哈哈...
去101其實來想影相，但睇黎都係影唔到，所以去左Food Court食野，都係食尋日士林個ｄ小食，但感覺就好似靚左，好食左～

之後，就陪老公去忠孝復興站搵一間賣日本Tee既地方，幸好好簡單就搵到，不過卻因為一把遮令我地兩個有少少唔開心既事發生左；幸好，好快老公同我已經無事，一齊行地下街，中途聞到呢個好香既咖啡包，食落...um....

行到中途，可以響Sogo見到大大間鼎泰豐，就再同佢影相！

見仲有時間先食晚飯，就去左台北車站個條書局街，嘩..多書到呢，當然我地知道諗住買好多書，去誠品唔係一個好既地方。
去呢度買書前，就梗係食第一家老店 - 胡椒餅，真係超多人排隊，我地都等左15分鐘，佢見岩岩整出黎，但響我地未食曬個胡椒餅之前，佢個一個爐個D又賣曬，真係勁好汁，勁好味～

買書既時間，我同老公已經分開行事，自己睇自己既，但都買到一手都係，有一間仲係全部電腦software書，買到我同老公傻左。
買到一大袋之後，就坐的士去亞美私房菜...
呢度好似好出名，有成３層，仲要好多人，不過我個人就唔覺得似私房菜，都係一圍圍好多人食既菜咁。佢呢度好出名既係下面中間呢個麵，佢仲寫明湯同肉可以任refill，但好明顯我地個個都無refill就食曬，味道只係ok，無咩特別。

影下相，玩下b，飲下酒，又過左一個快樂既晚餐。

之後司機就車我地成車人去左誠品敦車店，都好大間，62佢地響到飲紅酒，我地就響到睇書，睇完書，我地話落下面個層行下，點知...見到呢家DIY店，佢有好多我用cuttlebug時想買既材料，包括embossing folder、印台、顏料，真係乜都有，開心到我癲左，老公知道，就叫我慢慢揀，佢自己響到玩iPhone，買到要簽咭找數，同個sales姐姐做左朋友，我都算經典。
再坐車去西門町，可惜既係，已經11點幾，好多店都已經關門啦～
唯有行左一陣就坐車回去，幸好回去之前，響旅館樓下，見到有芋圓，可以試，食食甜品，影下相，就返旅館啦！

大家睇下我既收獲.....開心開心勁開心....

多謝老公！

一切從預備開始

新年聽得最多的祝福說話，大概是「三年抱兩」、「快d生番個出年逗利是」。
我們倆在做婚前輔導，已經談及寶寶的問題，我們都不是說新婚多少年後才可以有小朋友的兩公婆，哈...可能係因為老公想生3個，如果再等多幾年生，咪變左高齡產婦，咁唔得....
所以，大家都好似有左共識咁，等到去完honeymoon之後，就順其自然，呢個一直都係大家既諗法 (希望我無誤解我老公啦！)
我亦都同老公講，我新年之後，會慢慢戒口，好好的把身子養好，這大概是我作為未來的媽媽應該做的～
你/妳....會幾時黎呢？

✿ 。豪華台北4天遊 (Day1@雨中台北) 。✿

今日係我同老公結婚兩個月紀念，祝我倆繼續快樂屎wet下去！

繼上次去Cebu之後，我唔再擔心我既passport要過期了！而上次開心快活婚前之旅，同行62的朋友仔Meggie提議新年一起去個旅行，由她一手包辦的台北之旅終於鐵定由今日恤發！
清晨時，一家一行６人齊齊帶著旅行喼就渣車去機場～
今天因為機位都爆滿，所以我們要買旅行團的package，坐中華....

雖然有delay，但一個小時之後我地就到達啦，好想好似蔡依林咁：「Welcome to Taipei～」
但響機場等行李先知道劍魚因為passport唔夠6個月有效日期，所以比台灣呢邊扣留住唔比佢入境，但因為香港個邊比佢出左境，所以都撓讓左成粒鐘，之後就坐車去雞家莊。

去台灣通常都係掃街為主，但今次一行17人，所以Meggie都安排左唔少坐埋一齊既大台飯，雞家莊名如其名係一個專食雞既地方，入去所有燈箱都係同雞有關既餸，叫到成枱都係，佢既苦瓜湯就係最好味，超甜架喎！
另外老公話佢既３杯雞個味做得好好，但我又無乜食過

食飽飽之後，先知道原來咁貴，埋單要成NT12500，嘩！
食完我地就返酒店放低行李，今次住既叫捷絲旅，聽說是12月才開既新旅店，係因為買package既時候，要一齊買既，但入到去就失望了，我倆不辛苦，也算是一張雙人床，但有男人同男人同房，有３個人一間房就慘了！
當他們繼續賭時，我和老公決定出外走走，晚飯時才找回大家！
走著才知道我地最近既捷運站 - 中山，也有大大小小既百貨店，也很不賴，看到台北牛乳大王，老公就話一定要去試，好味～

之後就由我呢個老婆帶佢去食Piece of Cake，雖然我唔食cream，但我估老公一定會想食，黎到佢一食，就話好似九龍城好貴個間咁，佢一直都好想間唔時就買黎食，呢家食到，佢不知幾開心。
飲飲咖啡，慶慶祝我倆的結婚紀念，就再走走看！

下著雨，最好就係去行台北既地下街，因為唔想離開酒店太遠，我地要一齊食飯，所以就響返中山站走走，結果就已經被書店吸引住，買左一大袋了！

買到不知時日過，返去再問一下，我地就自己恤發去第一家老店 - 鼎泰豐，咁當然係先等位啦，點知等下等下，比我地見到好可怕既事故。
因為天雨路滑，當然下一句想講既就係撞左車，係的士同一架Benny撞車，架的士打左個白鴿轉，至於架Benny就撞左去圍欄，點知Benny個司機即刻衝落車，打開的士既車門，您以為佢打一下個司機咩？唔係，佢係好嬲咁將的士司機從車上捉落黎，之後....
舉起佢，掉落地....
再執起佢，再舉起佢，再掉落地....
那時，唔知邊度黎既警察，當警察諗住叫佢唔好郁，佢仲指住個警察話：呢度唔關您事呀！
幸好，個警察都係衝埋去，將佢戴上手銬，之後的士上既乘客先敢落雨幫個訓左響地既的士司機遮雨，而當我地再仔細看，先見到個的士司機係傷殘的，真係睇到好心up，點解個人可以咁無良。
聽返老公講，話呢度係台灣，個人大概有可能返到警察局就無事比人放返出黎，唉！
終於有位食啦，都係個句，不外如是既感覺！

之後就再去士林夜市，唔少得一定要食既係：
。豪大大雞排
。大腸包小腸
。蚵仔煎
。勁飲台灣野飲

豪大大雞排真係好好食，係今日special推介，食幾多次都唔會厭，在雨中，拍拍照，就散水！

開心既第一天＆結婚第二個月，謝謝您！