Dabi出世倒數30天

終於終於踏入最後一個月，倒數30日或更少既日子，我地就可以同寶貝仔見面啦！
講真，呢個十月懷胎既旅程黎到尾聲，我都真係覺得寶貝仔好錫我，我由頭3個月，最容易覺得唔舒服既日子，已經係咩事都無，最多無乜胃口，同情緒低落 (呢方面根本唔關寶貝仔事)，之後又可以返工，識到新朋友仔，開開心心咁做幾多月野，賺外快買野比佢。
之後成日偷食禁品，識我既、同我食過飯既、聽我講得多既，都知道我唔算好有戒口，只係食少d，就當戒得清，就連可樂去日本既時候都飲埋。
唯一戒得最清既我諗係：蟹、菠蘿、榴槤、蛇。
仲有一樣戒得無得再清既係：奶！
囝呀囝，對唔住，媽咪唔飲奶，最多出黎比返多d人奶你補返數。

為左隆重咁慶祝Dabi倒數30天，我等埋老公放學，就去左西貢食飯。
無錯，我地係山長水又遠咁去左西貢食飯～

呢間叫小城大廚，係專食西餐，去得小店多，點知呢間仲好味。
我特別欣賞佢個餐前包包，係croissant，嘩，咁有heart～

我因為食左少少野，唔係好肚餓，叫左個pasta；老公就叫左個鵝肝牛扒，好好味。
食完之後，人地去行海邊，我地就去左行惠康superstore，哈哈哈....
兩公婆行完散下步，不亦樂乎。

--------------------------------------------------------------------
Dabi，你就黎出世啦，仲有30日你就要離開媽me個肚啦！
希望你乖乖地咁住響媽me個肚入面到預產期差唔多時候，之後先出黎。
記得響入面食多d，食多d。