白蓮鬚@第一回

網上各花各樣的解釋都有，幾時開始食涼野，幾時乜野乜野唔食得，乜乜乜食得唔食得，聽既我都聽曬，睇得既我都有睇到。
仲記得頭3個月，我就係因為睇得多，搞到乜都食唔好，無乜心機，老公叫我唔好再睇，費事我唔開心。
幸好，去到so call可以公開既第3個月，我開始返工，又開始放心左Dabi，所以食既野都多左，都係個句，人人體質唔同，你食左，有反應既，就千祈唔好食；你食左，無反應既，食少少都無防。

去到最尾呢3個月，又開始睇下幾時先食得涼野，乜野都有人講，有人話太早食唔好，有人話最尾一個月先食已經太遲。
公司個中醫又話其實我唔算熱，其實可以咩都唔駛食。
哎呀～都唔知聽邊個好！

最終，那天同老公買左白蓮鬚返黎，幾時煲都可以嘛！
問准左之後，決定35wk既今日，飲第一次既白蓮鬚。

我親愛既老公大人，聽大大講好左點煲之後，響屋企超有心機咁煲比我飲。
見佢又睇火，又烚蛋，好可愛。
我真係好愛好愛我呢個咁可愛既老公！

第一次飲，好似夏枯草咁既味，老公話今次落得唔係好重，睇下我有無咩反應。

---------------------------------------------------------------------------
感動有一個為我付出的男人，一個為我們仨努力的你！