我倆的1218 - I am the bride TODAY

我倆的1218

籌備左年半，終於，今日我要嫁啦～(講起都覺感動...)
5點幾桃媽已經起身沖涼，而我地都一個又一個咁起身，化妝師 - Hana好準時上到黎，我就開始化妝。
真係點都無諗過I am the bride TODAY！

家人/姊妹一個又一個咁上到黎，準備遊戲既有，化妝既有，幫我做最後聯絡既有，陪我吹水既都有。

攝影師亦好準時咁響我set緊頭既時候黎到，可以岩岩拍到花絮，見到大家都好開心，見到一張又一張既笑臉，而呢一張又一張既笑臉都係鄧我呢個快要做人老婆既劉小桃開心。

好鍾意攝影師幫我同桃爸桃媽影既相，好鍾意由媽咪幫我著褂，所有佢當時講叫我做出黎好似好假既動作，出到黎我睇都覺得好開心，好靚，係超靚既畫面。

我攬住媽咪呢張，我真係好想好想喊啦已經....不過我忍，我不停響到笑就係要唔喊....

唔少得梗係同姊妹影相，佢地8個都係由唔同既地方認識，佢地大家都唔識大家，但係會因為今日我呢個新娘一齊請假，幫我做亞四。
好開心見到您地一齊戴住小桃親手整既手花，好靚，當日您地每一個都好靚！

Groom，where is my groom？