又可以見到你/妳@7wk5d

放心，我無事，一個星期之後又再可以見到你/妳主要既原因係今日我地見唔同既醫生。
呢個林醫生係老公既姑姐一路都搵開既婦產科醫生，主要因為姑姐識佢，可以平少少同埋跟得足少少。
所以我同老公今次主要第一次睇佢，睇下呢個林醫生vs我地個吳醫生邊個比較好～

今日我已經揀左做第一個，十點鐘，但係....
我地都係要等到十一點先有得睇，等到我老公要去入多次錶佢就叫我，所以我要等做第二個睇。
林醫生比我既感覺....
好口水佬，佢有好多問題問我地，但佢從來唔會比答案，但引導您答佢想您答既答案；而我所有現在戒口既食物，對呢個醫生而言，佢竟然覺得我好多都可以唔駛戒：
1) 例如凍飲，佢話人係有恆溫，所以無論凍定熱飲落到肚入面，都會變為恆溫；唯一要戒既係唔好飲茶餐廳個d冰開既飲品，點解？都係怕個d冰污糟。
2) 汽水，佢話只係怕您有糖尿病，多過擔心您影響bb
3) 雪糕，都係個句，想食就搵d乾淨既牌子食，但唔好食軟雪糕，都係擔心污糟。
但當然，魚生都係要戒，主要都係擔心.....有菌，污糟。

佢好老子號既感覺，但卻因為佢只響浸會生，所以令我有擔心；同埋佢亦唔夠吳醫生照B咁細心；好難揀。

至於蔡B，佢好好，依然心跳到噗噗聲，又大個左，有1.3cm咁長，林醫生就話佢既預產期早左1日，即係13/11，大個得咁快？

蔡B，您鍾意邊個醫生多D呀？