Our Little Gift for Guests @ Church

回到未嫁時

又返到未嫁時的婚禮籌備。
好多人一早一早已經諗定要當晚送咩心思既小禮物比當日/晚既賓客，因為計埋要設計，要訂貨，其實早響3-4個月前預備，絕對唔係一件太早既事。

而我同老公一直覺得呢件係可有可無既item，第一，我成日都覺得離不開都係古古力印埋響袋袋入面，有埋兩個新人既名，唔特別。第二，我次次去飲，都見唔到個賓客會攞走，結果淨返個d，都係充滿住鮑魚汁、翅、等，想帶都帶唔走。第三，我地想要特別既，但一直都諗唔到會係咩，我地擺成40幾圍，賓客都成600人，幾貴。

於是我同老公好早已經有協議，唔整回禮小禮物。

但時間越近，就心思思都係想要搞小小禮物，幸好，皇天不負有心人。

響教堂時，我覺得禮物唔需要多，只要有心思，放響reception就可以。但我唔鍾意古古力，一黎小朋友一攞上手就會溶，二黎到時會好多糖紙，唔知點算。
所以最後買左呢個珍寶珠，無論大人定細路，個個都會想食。加埋呢個筒筒，夠曬經典。
最緊要係佢地可以有埋個個牌，配合自己既DIY，面係寫住"Thanks"，後面係寫住"for coming"，當日既銷量都唔錯，夜晚酒樓都放左陣，走既時候，一枝都無比返自己。