肚紋Bye Bye

尋晚訓得好差，老公知我扭計，今日特登lun豬陪我食一食飯，之後先繼續做野，實在太滾動啦.....

之後佢做野，我就自己行左一田一陣～
話說我呢排個肚仔好痕，成日有少少紅點好似蚊咬咁痕，咁其實地方又無，我當然係覺得關亞B事啦！
上網見人地話呢個呢個牌子Mustela好，不過超貴，成300大洋一枝。
聽講肚紋呢家野，係天生，有就有，無就無；我真係有諗過唔買。
不過查實我真係痕左好多日，上網睇過人地肚紋既相，好醜怪，如果唔用，第日有肚紋，我真係會忍唔住怨自己當時既今日無搽，所以諗下諗下，加埋老公支持下，我買。

一口氣仲買左兩枝，因為佢話買夠$500仲可以join會員，之後買左有九折，見人地話亞B既野用呢個牌子好，第時我一定忍唔住買，買兩枝，Join埋會員，覺得抵左。

肚紋，您真係要同我講bye bye呀，記得唔好黎搵我。