Joyee & Jann 街頭搞婚禮

Joyee係我中六、七個間學校識既同學仔，除左米米因為由中五同我一齊搵到同一間學校之外，佢係我最講得多野個一個人，又唔知點解，見佢唔開心，自己都會心痛埋一份，個時，係會嬲埋米米個隻。
響澳洲既時候，我仲記得我係會打返去香港搵Joyee傾偈，雖然佢潛水潛左咁耐，不過佢可以搵返我地，我地都超開心。
當日婚禮，我諗都唔諗就要搵佢做姊妹，就算佢話自己唔識講野做野，我都一定要搵佢。今日到佢結束5年既拍拖生活，仲搞左個好別出心意既街頭婚禮。
話就話人地贊助，但始終係自己既婚禮，見到佢地當日既過程，無論係佢既家人，定係企左響遙遠龍友既後面，我地都覺得好滾動。就算個個官恩娜做嘉賓，我都一於好少理，喂，邊個先係今日既主角呀，哼！

咁大個女都係第一日響銅鑼灣鬧市街頭影相，多謝您地比呢個機會我。
個一刻，真係覺得您地兩個個頭好似有個光環咁，好靚～

唔知點解會比人地影到呢一張相，呢隻巨型鑽戒都係作為佢既親人同埋朋友先有機會有，中途仲有個亞禪行埋黎我邊度有得攞，呵呵呵....
呢個真係一個好別出心思既婚禮，將我既祝福比曬您地啦，黃太！