蔡B產檢@10wk6d

點解咁密見蔡B？
一黎自己返工，想返工前confirm佢係alright；二黎就係我個肚咁樣痕左成個星期，我又唔敢搽咁多無比滴，但夜晚訓覺係我痕既高峰時間，真係搞到我要R到唔痕先可以訓。比佢玩屎.....
所以我忍唔治又走左攝期睇醫生，幸好姑娘超好人，比我響醫生收工前攝一攝。
去完Joyee & Jann既婚禮，我地就去見蔡B。

佢呢個曳B，真係超搞笑，去到一照已經見到佢腳young young，再照另一張，佢就隻手好似響到say hello咁揮手，我同老公都超開心。
佢大個左好多呀，有成4.51cm，真係越黎越大隻，而我個肚，就越黎越大個，不過老公竟然好擔心咁問醫生，我無重到，仲輕左，怕唔怕？
咁又係，我嘔都唔嘔下，勁食得，點解唔重呢？連我自己都唔明？

上面呢張就係佢腳young young.....

之後佢就響到揮手....

醫生照既時候都話隱約見到佢既手指，不過對我黎講，就梗係乜都睇唔到啦～

見到蔡B咁合作，咁乖我地都好開心，最緊要係超活躍，老公又話佢係仔黎架喎，唔知呢？