復活暨四月之星派對

今年呢個復活節對打工仔係超合皮，可以連續咁放五日假，想抖既抖，想玩既玩，想去旅行既都可以比貴機票去旅行，真係想點就點...
響放假既第一日，DD就同大家搞左個親子活動 - 復活暨四月之星派對。
見佢地早幾日已經四出買禮物，買野食，諗遊戲，真係好勁。

我地今次都係響會所搞，諗佢夠近同埋唔貴。
今次既野食都好豐富，有壽司、例牌派對食物、仲有跛跛親手整既啫喱，都咪話唔膠線。

除左咁岩得咁Q跛跛同威威一齊著情侶裝之外，我今日超欣賞細細一家四口既衫，有mama、papa、daughter & son，超甜蜜。

唔少得既遊戲時間，無論小朋友定大朋友都玩得不亦樂乎。
首先有吹羽毛同埋傳橡筋...

之後有迪迪尼既有口難言，您都咪話爹爹唔勁...

之後仲有超長飲管飲可樂，據+欣講，係飲到成肚都係氣，不過佢真係好勁，一個女鬧三男，竟然係佢嬴。

最後有大朋友同小朋友版既Twitter，小朋友玩得幾開心？！

最後最後，唔少得就係四月之星生日會，今日我地特別買左一個Barbie公仔既蛋糕，DD話只係四百幾蚊，真係好抵就有個好靚又好味既蛋糕，仲有個Barbie可以帶走，勁。

好盡興既一晚，多謝威威、嘉嘉同埋DD咁細心既安排，勁！