Dabi@Day96 - 奶粉試試試

唉....其實厭奶定係厭奶樽呢？
而呢段時間又會係幾耐呢？
我真係好苦惱，眼見佢食又食唔夠，重又重唔夠...
真係作為奶媽既我，其實真係唔多唔少都有失落既感覺。

諗住既然連雪奶都係一樣，好，今日就試下比奶粉你食。
一日5餐：埋身>奶粉>奶粉>奶粉>埋身
就睇下你食成點先？

咁當然，見我寫得就知唔work啦！
對，明明奶粉唔同味架啦，佢都係一d興趣都無。
即係話，佢仍然係兩安起就三安止。
餵黎餵去都要個幾兩個鐘，真係人都癲

明明埋身咁方便，呢家就搞出個大頭佛。
每餐要先餵奶粉，之後去pump奶，洗野。
頂頂頂頂頂

你話食得好左，我辛苦，值得。
但食黎食去都係一樣，就會諗，究竟點你先會食得乖呢？
最緊要係keep住上磅，keep住無增長。
你話做亞媽既，點會唔心up

點知今晚返去娘家食飯。
我餵到咁灰，就梗係交比人餵啦！
身為婆婆既桃媽就即係爭住做。
點知又比佢餵到喎，仲一餵就餵到4安。
唔係fa...........
最開心既係，佢仲即刻比BB有便便！

我好想同大家share一下！

以下片段有可能引起觀眾情緒不安。
敬請家長陪同收看。

真係唔同架～
奶粉shit杰過人奶shit好多好多。
神婆果然係神婆，服！