Dabi@Day95 - 夫妻節快樂!

情人節快樂！

祝各位結左婚既就同老公/老婆甜甜蜜蜜
準備結婚既就同另一半享受這個最後既情人節！
拍緊拖既你/妳就梗係快d拉埋天窗啦～
未搵到另一半咩？咁小桃就祝你快d如願以償

別人眼中既情人節，對我黎講已經係夫妻節！

以往既情人節，我同老公都唔會出去慶祝。
第一，我唔會揀今日想收老公送既花，食左佢好過。
第二，我唔會揀今日同老公出去食飯，又唔好食，又貴，比錢我洗好過。
所以一直我地咁多年既情人節，都係留響屋企自己整西餐。
(老公，我係咪好知慳識儉呢？)

今年仲要多左個小寶寶，更加無諗過慶祝呢一回事。
我呢個仲未係完全上手既新任媽媽，就連為老公揀禮物都無時間。
所以大家都傾好左唔會送禮物。
(其實我都諗唔到可以送咩比老公)

但晚餐老公仍會為我花一點點既心思。
對，係佢花心思，因為一直以黎，大廚都係佢。
今晚食乜野？
就係全部都係小桃既至愛：
牛仔骨/牛扒/銀鱈魚/砵仔糕
真係樣樣都咁好味。
最緊要既係，有你最愛既人同你一齊分享！

老公，今年雖然無乜特別慶祝，希望你唔好介意。
因為我仍然一如以往咁愛你架！
多謝你咁多年既情人節都會為我煮咁好味既晚餐。
我愛你