Dabi@Day100 - 百日手腳印

終於終於等到呢一日，我自己覺得係一個新既里程碑！

不過搞左雙滿月既Dabi，百日宴就唔搞啦！
加上佢扭食厭奶扭得好緊要，好彩搞左雙滿月，咪真係搵著我黎搞。

不過咁重要既日子，作為亞爸亞媽既我地，都唔會唔記得既。
一早定宇Uncle地已經送左一set手印腳印比我地。
真係岩曬，我一直都諗住幫Dabi整架嘛～
收埋左放好左呢盒封塵野，今日終於可以攞出黎。

可惜既係，無影相；同埋我地個仔好醒訓。
幾經辛苦等佢訓左啦，佢又醒返，都整唔到！
不過一屋都係人，所以夾手夾腳捉住唔比佢郁都仲做到既。
但出黎既成果就麻麻啦～
可能d粉就搓唔夠暈！
但都不過不失啦～

不過給大家溫馨小貼士，未整既就建議一個月好整。
3個月識得反抗，真係整到人都暈。
同埋因為佢要唔好掂個盒底同埋盒邊，細細隻易整過呢家老連咁大隻。
雖然無影到，不過都建議大家搵凍水整，暖水咁對bb好，但每一個步驟都要好快好快，除非你有經驗，唔係就會好似我地咁，可以整得都唔知，就浪費了。