Dabi@Day104 - Dabi有好多玩具呀！

呢3日我地都響新城市過。
哈哈哈.....

原因一就梗係買notebook比自己啦！
呵呵呵！

第二就係見Dabi B開始3個月，都需要唔同既玩具去引發佢無窮既爛玩力。
加上一田bb展，就造就左我連續3日都去左新城市啦～

Dabi真係大豐收架，我地都係買完曬野比佢，之後先諗，咦，原來少少野都無買比自己喎，咁先走左去買notebook。
你話我係咪好乖先？！
買左咩？
其實都係唔同既玩具仔，有Combi既音樂軑盤，同埋肥bear不倒翁。

之後一田BB展又買左Combi既幼兒餐具第三階段套裝。

見好多人都話好用，而我又未買，諗住一set買曬唔駛要黎上黎又到時再搵。
其實主要係我見Dabi B厭奶厭得太緊要，非必要時，佢夠4個月就會想比米糊佢試下。所以買定先。
唔少得呢度無影相既就係有兜既口水肩，都知道佢會食到天一半地一半，所以搵定都岩駛。到時一想比佢試，就唔駛出黎買野就可以啦！

呀？我幾時變得咁未雨綢繆既呢？