桃之整餅＠大年初一

今日係大年初一，又係情人節，我首先響到祝各情人情意綿綿，恩恩愛愛。
雖然我地無特別慶祝情人節，但我就預備左今日整桃の曲奇，在此首先鳴謝幫我手教我買材料既嘉嘉，佢仲比左食譜我，令我可以輕輕鬆鬆鄧梓峰。
有齊曬所有材料，我就開始搓搓搓，由於曲奇係最易整既，有整過蛋糕既我，覺得唔係好難，加上有埋嘉慧，佢整過，知道應該整完係點，所以每一部份我都問一問佢，個texture係唔係咁樣，咁就安全無甩拖～
焗完出黎，嘩，得左得左，加左古古力粒，一個字，掂！
只係唔知點解，明明買左無鹽牛油，但出到黎唔夠甜，老公地仲話有少少鹹，不過我屋企人又唔多覺喎，佢地又話夠脆，如果知道點解，麻煩大家話比我知～

焗到史迪仔，焗到麵包超人，焗到心心心，仲焗到古古力味，不過已經無影相～
最開心最開心既係....我第一次整曲奇，已經整到玻璃曲奇，多謝Esta既網上指導，多謝嘉嘉既食譜，好掂！

第一次桃之整餅....係成功既！

多謝各位支持！