✿ 。豪華台北4天遊 (Day4@再見台北) 。✿

黎到最後一日，今日終於見到太陽，可以同羽絨講Bye Bye！

老公尋晚提議一早起身，去食早餐。於是我地就去左附近既老虎醬溫州大餛飩，佢呢度最出名既就係老虎醬，佢個間店有兩母子，我地咁早去到已經見佢地兩母子係咁密密包，食落都唔差！

今日就係買手信日，第一站就買皮蛋，之後就去左洪師父個度，買牛肉粒乾，仲影左以下呢張相！

之後就再去西門町，由於我地已經去過，我地就坐的士度小月，叫左個套餐，乜都有得食。
最緊張食到擔仔麵，超好味！

同老公講講下笑，仲可以幫佢影左特集，哈哈...老公特襲～

原來呢間分店響忠孝復興個附近，早知兩日前去啦，不過呢度真係做遊客生意，幾好味～

返返西門町，行左一陣，買埋起司條比哥哥，就等車一齊走～

買埋維格之後，見有時間，就提議去台北101影埋相，我地今次真係有17個人一齊去台灣架～

同場加映妹妹聽到音樂，自己響到跳舞，好搞笑～

4日3夜既旅程完結，多謝您地陪我玩，多謝老公咁錫我，超開心！