今日同奶奶食下晝既團年飯，仲帶左我既自製利樹封....
食完飯，我地去左...都係去左....行街，老公仲買到佢好鍾意既Ben Sherman，超開心！
之後，就係去老公超期待既孫燕姿 - 答案是(香港站)演唱會，今日係第二場，我地仲帶左新相機去試機，呢個全景拍攝真係好得，仲有20倍變焦，有無咁誇呀？
開場啦，真係好勁，佢無論唱定跳都無問題，仲係CD水準，超勁爆！
點知最估唔到既係....今場既嘉賓係...
Mi....Sammi...
我個一刻感動到喊......
個人最欣賞既係呢個中場燕姿換衫時，佢投映左佢個樣出黎，加埋佢既歌聲，到一半先出左真人出黎，好靚，真係好靚！
好特別好好睇既演唱會，Encore完再Encore，叫完一次又一次，點知既係，當佢Encore到尾既時候，佢已經走左，燈都著左，叫左觀眾帶齊野走，點知竟然好多人都唔肯走，不停叫Encore，不停Dum地，叫極都唔肯走。終於我地響燈再調光，叫左４次觀眾帶齊野走之後，我地決定走～
今晚真係好好睇～
沒有留言:
張貼留言