虎年初一，情意綿綿

今日係虎年大年初一，亦都係情人節，好特別既一年，睇電視話要30幾年之後，先再有呢個巧合，過年大過天，何況我地兩個一向都唔會特別慶祝情人節，只係靜靜地響屋企食餐飯，所以今年更加順理成章地我地無慶祝活動！
但當然搞搞陣既我，又點會咁簡單，一早買左禮物仔比您，同埋自己整左張咭比您～
一路趕利樹封，一路趕結婚相，一路趕您既情人節咭，一直都擔心做唔切，哈哈...但都係搞掂曬！
雖然今年無特別慶祝，因為我相信只要有我倆，每天都可以係情人節～

一早起身，就梗係斟茶比62，逗利樹啦～
之後您地有您地開既雀局，而我就響到整我既曲奇，哈哈...我真係好想整比我老公食嘛！
(詳情請見下一篇blog)

大約5點多，見到有時間，就同老公先去婆婆屋企拜個年，無辦法，因為哥哥只有年初一得閒，之後就要返工，幸好偷到時間，可以派利樹比佢，希望快d到佢派啦！
坐左一陣，就返屋企開大餐！