開年@年初二

今年第一年做人新抱，尋日小桃無去到嫲嫲屋企拜年，就將行程改曬響今日進行，一如以往，今年先去婆婆屋企食開年飯，桃媽話今年老公第一年以老公身份食開年飯，一定要添飯，仲整左好大碗比佢，食到佢成個呆佬咁～
之後陪下婆婆開四方成，哈哈，一家嬴３家，所以我將所有嬴既都比曬婆婆～

之後就再恤發去同嫲嫲食開年飯，每年年初二我已經習慣無得睇煙花，因為大家都會reserve定今日晚飯同嫲嫲食，超開心！

影影大合照，同Mose玩下，咁就過左開心既年初二，唯一唔同既係...今年要派利樹，有少少唔習慣，不過好開心既係聽到好多人既祝賀說話，什麼青春常註，身體健康，恭喜發財就必備既，不過最多最多既係叫我同老公快D努力，生返個小寶寶！

對我黎講，最緊要一家人齊齊整整，健健康康！
新年快樂！